مشاكل تأخر الكلام عند الأطفال اسبابها كتير قوى ممكن يكون عضوى أو نفسي.
عشان كدا كل أم بتهتم تتابع تطور أكتساب اللغة عند الطفل.
فعشان نتعلم لغة سواء للطفل أو لغة جديدة مع الكبار لازم نسمع الكلمات كتير و بكدا بتتخزن الأصوات فى عقل الطفل.
الطفل بيتعاود على صوت الأم و الأب و هو لسه جنين فى بطن الأم .
فتلاقى الكتور دايما ينصحك تكلمى الطفل و هو لسه فى بطنك عشان يسمعك و يطمن.
كمان كتير من الأطفال بتكون مشكل تأخر الكلام سببها إن الأم و الأب مش بيتكلموا معاه كتير.

أزاى أتابع نمو طفلى و تطور اللغة عنده؟

الحكاية بسيطة و ممكن نتعرف من جدول متابعة نموه وتطور الطفل اللغوى.
اللى ممكن نعرفه كمان بسهولة من طبيب الأطفال و اللىبيعرفك على مستوى تطوره المناسب لعمره.

عمر شهرين :

• هتلاقى الطفل قادر يميز صوتك
• بيتفاعل مع الأصوات العالية
• بيهتم بسماع الأصوات المختلفة

فى الشهر 3 :

• بيبدأ يناغى يعنى يصدر أصوات كأنه بيرغى بس من غير كلام.
• بيميز أصوات الأب و الأم و يعرفهم من الصوت
• بيفهم لما تقولى لا على أى حاجة ممنوعة.

الشهور 4 و5 و6 :

• هنا تبدأ عمليه تقلد الأصوات
• ينتبه لما يسمع أسمه او حد ينادى عليه
• بيضحك

الشهور 7 ،8 و9 : 

بيعرف يقلد الكبار في الكلام فى التليفون يقول “مين” لما جرس الباب يرن طبعا من غير كلام بس أصوات شبه الكلام.

سن 10 : 12 شهر : 

يفهم كلمات ذى أيوة و لا أو أصوات دالة عليها المدح و الذم  بيكون تم سنه و أدراكه للعالم من حوله أتطور فبيبتدى يتعلم مصطلحات جديدة كل يوم.

سن 13 : 18 شهر : 

يفهم كلمات ذى “أهلًا” أو “مع السلامة” أو “تعال نروح باى ” و كمان يبدأ يقولها .

حصيلة كلماته بتزيد و كمان بيفهم الأوامر بتاعة الأم .

من بعد سن سنة ونصف : سنتان

• بيفهم الجمل الطويلة
• عارف اسمه واسامى أفراد العيلة و يعرف ينطقها.
• عنده حصيلة كلمات بتزيد عن العشرين كلمة عن لأشياء اللى حوله حتى لو مش بيقولها صح أوى.
• يقدر يقول جملة من كلمتين.

سن 3 سنين: 

• يقدر يكون جملة متوسطة وطويلة من 3 كلمات أو أكتر.
• يعرف كلمات أكتر مصطلحات المدرسة أو الحضانة ذى الأرقام و الحروف و يتعلم أعلنى قصيرة.
• نطقه للكلمات بيتحسن بشكل ملحوظ.
• الإدراك عنده بيكون أكبر و بيقدر يعبر عن أفكاره بالكلام.

تابعى تتطور طفلك و حاولى تكتشفى أى تأخر فى الكلام عنده بدرى عشان تقدرى تساعديه قبل سن المدرسة.

لأن دخوله المدرسة بمشكلة غة ده برده ليه أضرار نفسية و عاطفية كتير عند الطفل.

ابعتيلى أول كلمة نطقها طفلك ؟ و عمره كان قد أيه؟