دايما لما بنسمع عن الإدمان بنفكر أنه أكيد الولاد دول بيظين و مش مقدرين قيمة الحياة. كمان كنا بنشوف أن الأدمان ده حاجة بياجألها المراهقين الفاضين و المدلعين.
بس اليوم سمعت قصة غريبة عن طفل فى رابعة أبتدائى مدمن برغم كل الرعاية اللى موفرها البيت. يعنى الموضوع قرب من الولاد الصغيرين مش المراهقين بس. و حست أن الإدمان ده مرض زى اى مرض ممكن يصيب الإنسان وأن فى ناس بتكون عرضة ليه أكتر من غيرها.

ليه الطفل أو المراهق ممكن يكون فريسة الإدمان؟

فى العادة الموضوع بيبدأ بالتجربة مع شوية أصحاب غلط و بالتدريج بيبقى عادة مش عارف يتخلص منها.

١١ حيلة مجربها شخصيًا قدرت بيهم أقلل السجاير بشكل كبير

كمان ممكن يكون وسيلة بيشور على الطفل بيها صاحب السوء عشان يحل مشكلة نفسية : 

• ذى الخجل أو الأنطوائية يعنى بحجة أنه بيزود الثقة.
• أو عشان يقدر يعدى مرحلة ذى الصدمة من فقد عزيز أو حتى أنفصال الأب و الأم.
• و ساعات بيكون فخ مرسوم للطفل من صاحب مدمن على أساس يعنى هو أحسن منى فأيه؟!

مهما كانت الطريقة اللى وقع بيها الطفل فى الحفرة دى واجب الأب و الأم أنهم يساعدوا أبنهم يخرج منها.

إزاى نساعد الطفل يتعالج من الأدمان؟

لازم نفهم شوية حاجات عن الأدمان الأول ذى :

مرض عقلي:

يعنى بمجرد ما الجسم و المخ بيتعاود على المادة المخدرة فالمدمن هيفضل يتعاطى مهما كانت العواقب. عشان الجزء الكيميائي بالمخ بيكون أصيب بخلل و مش بيرتاح غير بعد الجرعة. فالحكاية مش سهلة و لازم نلجأ لطبيب مختص عشان يساعدنا نخرج الطفل من الأزمة دى.

طبيب نفسي:

و دى خطوة مهمة جدا للمدمن و للعيلة كلها عشان يساعدكوا على التعامل مع بعض فتعدوا المحنة دى بعلاقة أسرية أحسن. لو قدرنا حجم المشكلة كويس و عرفنا أزاى نتعامل معاها هنسهل الفترة دى على بعض.

نتعلم عن الأدمان :
بلاش إحساس الذنب لأنه هيعطلك عن الخطوات المهمة و اللى لازم تخديها بسرعة. فالأحسن نبطل نلوم نفسنا و نبدأ البحث عن المعلومات و نعرف .

• أيه هو الأدمان؟
• و أزاى نقدر نساعد المدمن ؟
• كمان فترة خروج المخدر من الجسم قد أيه؟
• فلازم تقرأي كتير وتستشيري دكتور متخصص ده هيساعدك تتقبلي الموقف.

الحوار :

• الإدمان بيهز العيلة كلها عشان كدا لازم نحافظ على التواصل مابين كل اللى فى البيت .
• كمان خلي التواصل أسلوب حياة أى حد عنده مشكلة يقدر يتكلم بحرية فأى موضوع .
• مهما كان كلامه جرئ أو مجنون عشان نقدر نعالج الفكرة قبل ما تبقى مشكلة .

العلاج الجماعي:

• ابحثي عن أماكن للعلاج الجماعي من الإدمان مهم للمراهق عشان يعرف أنه مش لوحده .
• فى كتير ذيه و كل واحد ليه حكاية بيقوى ثقته بنفسه و يساعده يتغلب على المرض.

دعم العيلة :

• أملى حياة طفلك خروجات ، أنشطة ورياضة عشان يحس أن ممكن يكون سعيد بعيد عن الإدمان.
• كمان طول ما وقته مشغول بتلهيه عن أى عادات ييئة ممكن يدور عليها.

حياة جديدة:

• صحاب جدد و مدرسة جديدة غيرى حياته أبهديه عن الصحاب الوحشين .
• و عرفيه على مجتمع جديد يكون أفضل ممكن تبدئى بالأقارب اللى فى نفس السن و أنتى عا فة أخرهم أيه .
• ى مهمة صعبة بس مفعولها أكيد و قدر يتواجد فى تجمعات جديدة و أصحاب جدد هيغير حياته فعلا.
• أوعى تخسري أبنك مهما كلنت غلطته الهروب من المشكلة عمره ما هيحلها.
• لكن المواجهة و التعامل الفورى أكيد هيساعدك تعدى المرحلة الصعبة دى لازم نحتوى ولادنا و نسمعهم مهما كان كلمهم جنان.
• عشان ميدوروش على نصيحة من الصاحب الغلط.