هوس العشق : أفكار خفيفة لعيد العشاق السعيد مع شريك حياتك
هوس العشق والحب هو شعور إنساني جوانا كلنا، وبسبب مشاغل الحياة والمشاكل والضغوط اليومية بننسى الحب جوانا ونسيبه مركون، وعشان كدا خلينا نستغل كل فرصة نخرج فيها هوس العشق من جوانا وبما أن أنهاردا عيد العشاق أو الفلانتين كما يقولون، يبقى نستغل أي حاجة تحسسنا بالفرحة ونقولها أهلاً ونحتفل بيها..
هوس العشق للمرتبطين أو المخطوبين في عيد العشاق
1- الورد يا إبراهيم :
- أختم اليوم ببوكية ورد كبير، أو وردايه صغيره، وأديهالها مع كلمة عيد عشاق سعيد عشان أنتي معايا
2- الشكولاته :
- جمع كل أنواع الشكولاته إلي بتحبها وحطهم في بوكس، أو شنطة هدايا وأبعتهم على بيتها لو مش هتقدر تشوفها، أو أديهم ليها بنفسك
3- الرسايل :
- أكتب ليها رسايل كتير فيها أسباب حبك ليها وأكثر مميزات بتعجبك فيها، لحظتكم الحلوة
4- ألبوم صور :
- جمع أكثر اللحظات إلي متصورين بيها وأعملها ألبوم وجمب كل صورة أكتبوا ذكريات الصورة ومتنساش تتصور أهم صورة اليوم دا وتحطها في الألبوم
هوس العشق للمتجوزين
1-العشاء الرومانسي :
- الأكل إلي بيحبه، الشمع، أحلى لبس خروج عندك ورشي البيت كله معطر وعيشوا أجواء الرومانسية وأحتفلوا
2- الأفلام :
- أكثر الأفلام إلي بتحبوها وياريت يكون فيلم رومانسي وأقعدوا سوا جمب بعض حاضنين بعض وأكلوا بعض الفشار
3- أول يوم مقابلة ليكو :
- أخرجوا في أي مكان ليكوا ذكرى فيه، أول مرة أتقابلتوا، أول مرة قالك بحبك في المكان دا، خدها من غير ما تعرف وخليها تتفاجأ
4- السفر :
- سافروا أسكندرية شرم، أي مكان، وغيروا جوا، حتى لو هتروحوا تقعدوا على البحر وتتمشوا وترجعوا
5- الهدية :
- هاتيله حاجة محتاجها حسب أحتياج جوزك، وأنت كمان وممكن تجبلها لبس، ولو عايزين تغيروا الروتين هاتلها بدله رقص حتى لو مبتعرفش ترقص
أفكار لو شريك حياتك مسافر في عيد العشاق تخرجي بيها هوس العشق جواكم
1- سجلوا فويس نوت أكثر الأغاني إلي بتحبوها بصوتكم حتى لو وحش وأبعتوها لبعض
2- ألبسوا أحلى هدوم عندكو وأتشيكوا واتكلموا فيديو
3- الجوابات بدل الشات، أبعتلها جواب طويل في البوسطة ومعاه هدية على عنوان بيتها
أقروا المقال دا كمان عشان تعرفوا أفكار أكثر لباقي الأجازات 10 أفكار خفيفة عشان تعيش” أجازة حب ” مع شريك حياتك
طيب أنا مش مرتبطة أصلاً أخرج هوس العشق من جوايا ازاي
1- حبي نفسك :
- أقفي قدام أي مرايا وشوفي نفسك أكنك بتشوفيها أول مرة، ألمسي وشك وملامحك بهدوء، وقولي أد أيه ملامحك جميلة فعلاً
2- العطاء :
- عايزة حب لازم تدي حب، كلمي كل صحابك وقوليلهم أد أيه انتي بتحبيهم وبتشكريهم على وجودهم جمبك وفكريهم بكل لحظات الحب بينكم، وأن صداقتكم أهم من أي حاجة
- هاتي ورد كتير وأخرجي وزعيه على كل المرتبطين في الشارع، هيبان من شكلهم والأحمر إلي لابسينه، وأضحكي في وشهم
- هاتي بلونات كتير ووزعيها على الأطفال في الشارع وفرحيهم هتفرحي أنتي كمان
3- الخروج :
- متحرميش نفسك من حاجة جمعي كل صحابك وأخرجوا وغنوا وأنبسطوا، أعملوا حاجة جديدة كلوا أكله جديده، أتفرجوا على فيلم جديد
- معندكيش صحاب أو مش فاضين خرجي نفسك لوحدك وأشتري لنفسك هديه وأتفسحي عادي أنبسطي
4- الهوايات :
- مارسي كل هواياتك، أكتبي، أرسمي، أعملي هاند ميد، أطبخي، أعملي تسريحه جديدة، أقرأي كتب جديدة، أتعلمي شوية كلام من لغه جديدة
