يعني إيه بزرميط؟

بص هو بزرميط أصلاً جاية من الكلمة الفرنساوي Bizzare ودي كانت رد فعل الفرنسيين على حاجات كتير كانوا شايفينهـا في مصر غريبة وعجيبة ومش قادرين يفهمـوهـا … وطبعاً كعادتنـا حوّرنـا الكلمة عشـان بقدرة قادر تبقى بزرميط .. (لو مستغرب من اللي الكلمة وصلتله دوّر على أصل كلمة “بولاق الدكرور”) .. المُهـم يعني عشـان نقدر نتعـامل مع البزرميط ده .. بنتكلم هنـا عن إزاي نخلي حياتنـا أنجح وأسهل عن طريق إننا نفهم نفسنا ونفهم اللي حوالينـا.

 

ليه بزرميط:

هنا في بزرميط، بنقل لكم استنتاجاتي وقراءاتي في علم النفس وتطوير الشخصية، بأسلوب واقعي، صريح، ومن غير تجميل ومن غير محتوى أكاديمي ولا روشتات طبية، لأني ببساطة مش دكتور.

إيه اللي بحاول أقدمه:

1. فهم النفس: وأفهم في “ليه بنحس بكدة؟” وإزاي أتعامل مع الضغوط من غير ما نكبرها ولا نصغرها.

2. الذكاء الاجتماعي: إزاي أفهم اللي قدامي، أتعامل مع الشخصيات الصعبة، وأبني علاقات صحية (سواء في الشغل أو الحياة الشخصية) بذكاء وهدوء.

3. روقان البال: بحاول ألاقي “نقطة الاتزان” اللي تخلينا نعيش بسلام وسط الدوشة، من غير ما أوهام “التنمية البشرية” اللي بتقول إن كل حاجة سهلة.

4. الواقعية: بعترف إن التغيير صعب، وإن الصراع النفسي حقيقي ومحتاج نَفَس طويل، وبحاول أدور على أدوات تساعدنا في الطريق ده.