استشارة نفسية: قلق واكتئاب حاد

انا شاب عمري 22 سنة بدرس بالجامعة وابوي عندو محل وانا بشتغل فيه بس مش حابب اكون فيه لانو في اسباب كثير منها انو اغلب جيرانا بالمحلات بشتغلو وبفوت عندهم ناس وانا لأ قليل ما يجني زباين وهاض الاشي بسببلي اكتئاب كثير وانا كمان ما بعرف ولا بنت وما بقدر اتعرف على بنت بسبب اني خجول مع اني بحب وحدة بس ما حكيتلها ولكن في نظرات و انا مش زي كل الشباب يعني بوخذ فلوس من المحل قليل جدا بس بوخذ المبلغ اللي يمشيني اروح علجامعة وافطر وبس وهاض الاشي محسسني انو اقل من كل اصحابي اللي يشتغلو ولو كان همة الاجر اللي بوخذوه بحسوه قليل بس بالنسبة الي كبير وممتاز وكمان انا عندي ثعلبة بسبب الحالة النفسية واني بحس حالي اقل من باقي صحابي وبضل افكر بالمستقبل كثير انو انا بهاض الاجر وبهاي الطريقة لو ضليت بالمحل ما رح يكون الي مستقبل ولا ابني نفسي ومش حابب اقول لابوي بدي اترك لمحل اخاف يزعل مني لانو انا اللي بفتح المحل وهو عندو شغل ثاني وانا بهاي الحالة النفسية والتعب والاكتئاب من 3 سنين فا بتمنى تحكولي الحل