كل الناس بتدور دايما على طريقة تخلصها من القلق و التوتر و طبعا ده بيعتمد على شخصية كل واحد فينا. طبعا لو قدرت تعرف السبب الحقيقى ورا القلق و التوتر هيكون ده أحسن حل عشان تعالج الموضوع من أساسه. بس برده ما فيش مانع أنا نجرب شوية حاجات بسيطة ممكن تساعدنا نخلص من التوتر.

16  طريقة لطرد القلق و التوتر 

1-الضحك :

علاج لمشاكل كتير قوى فلو أدرتى تفرحى نفسك شوية بفيلم كوميدى أبيض و أسود أو مسرحية لطيفة ترسم ابتسامة على وشك و لو لثواني.

ساعات لو أقنعنا نفسنا أننا مبسوطين ممكن التوتر يمشى و يسبنا نفرح شوية.

2-الجرى و التنطيط:

شوية جرى و نط ممكن يساعدونا نخرج الطاقة السلبية اللى جوانا و يساعدنا نطرد التوتر.

يعنى ممكن نبدأ اليوم بشوية جرى على التراك أو زيارة الملاهى و الجرى و التنطيط ذى الأطفال ممكن يرجعنا نتبسط من الحاجات السيطة ذى الأطفال.

3-غيرى ديكور بيتك :

و طبعا مش لازم نهد البيت و نرمى العفش بس ممكن نغير نظام ترتيب الديكور بتاع بيتك.

أو لما تشترى لوحة أو فازة جديدة هتغير إحساسك بالمكان و تطرد التوتر من البيت.

4-اشتري لنفسك ورد :

 لما نحب نفرح حد بنشتريله ورد طيب ليه منفرجش نفسنا بنفس الطريقة.

5-شمي عطور الفواكة و اللافاندر :

فى دراسات كتير بتقول أن رائحة الفاكهة ذى البرتقال و الخوخ أو الزيوت العطرية ذى اللافندر بتحسن المزاج و تشيل التوتر.

6-اللبان :

و ده حاجة نسبية جدا لأن فى ناس مضع اللبان بيوترها و ناس تانية بيريح أعصابها فالموضوع كله متوقف عليك.

7-شوكولاتة:

و ده طبعا بسبب سحرها العجيب فى انها بتدوب مشاكلك فى ثوانى طبعا ده بالنسبة لعشاقها .

8-مكان تحبه :

كل واحد فينا فى حاجة بيحبها و بتريح أعصابه

• فى اللى يحب منظر الشجر و اللون الأخضر.
• و فى اللى منظر الموج و البحر بشيل كل همومه.
• و فى محبى الأرتفاعات اللى بيحس أنه لازم يشوف الدنيا من برج القاهرة عشان يحس بالحرية و الهدوء.
  

  9- الأغانى :

• الموسيقى و الأغانى من الحاجات المهمة فى تغير المود و رفع الحالة المعنوية.

وكل واحد و مزاجه فى واحد يحب الأغانى الهادية أو الأغانى اللى ترقص أو الروك أو الميتل المهم تتبسط.

10- ساعد غيرك :

المساعدة و لو حتى بتبرع أو زيارة لناس محتاجة تحس بحب و حنان ذى ملاجئ الأطفال أو دور المسنين .

هتنسيك مشكلك و تخليك تحب دنياتك بكل مشاكلها.

11-كل أكلة من منيو السعادة :

فى أكلات بتساعد على رفع الحالة المعنوية و تخليك أحسن.

12-دلع نفسك :

اشتري لنفسك هدية تحبها أو خدلك حمام يضيع التوتر و يهدى أعصابك .

13-حضن كبير:

حضن واحد هيشيل القلق و التوتر و يخليك تطمن حتى لو كان حضن بنتك أو أبنك الصغير .

14- المساج:

هيفك عضلات جسمك و رقبتك المشدودة من كتر التوتر يدخلك فى حالة من الراحة.

15- رتب خروجة حلوة مع أصحابك:

الخروج مع الأصحاب هيغير روتين يومك حتى لو كنت بتفضفض و تحكى سبب توترك.

16- الشياكة حل كويس:

أغلب البنات بتغير مودها بأنها تحط مكياج و تلبس هدوم حلوة ترفع مستوى الثقة و تغير أحساسك بالقلق.

طبعا كل دى مجرد حلول ممكن تلاقى فيها حاجة تناسب شخصيتك لأن مفيش حل سحرى بيمشى مع كل الناس .

جربوا و أبعتولى أيه الطريقة اللى بتناسيك القلق و التوتر؟