١٠ حاجات تعملهم عشان تتخلص من الأرق
في المقال ده هنقولك على عشر نصائح تقضى بيهم على الأرق وتساعدك تنام أحسن، جرب تطبق النصايح دي ومش هتندم.
- ثبت مواعيد نومك
مجرد ان جسمك يتعود على النوم والصحيان في مواعيد ثابتة يوميا دة هيساعدك كتير إنك تنام أحسن، ويفضل تختار الوقت اللى بتكون فيه مرهق ونعسان ومحتاج إنك تنام جدا.
- اعمل بيئة مريحة للنوم
لازم أوضة نومك تكون مكان هادئ ومريح ومناسب للراحة والنوم، ظبط درجة الحرارة والاضاءة واتحكم في الدوشة عشان تقدر تنام بعمق، لو بتربى حيوان أليف في البيت وبينام معاك في نفس الاوضة وحركته بتزعجك بليل، ممكن تغير مكان نومة عشان ميقلقكش وانت نايم.
- اتأكد إن سريرك مريح في النوم
لو السرير ناشف اوى او طرى اوى او حتى كبير جدا او ضيق جدا مش هتعرف تنام مرتاح.
- اتمرن بانتظام
عود نفسك على إنك تتمرن بانتظام رياضة زي السباحة او المشي، ده هيساعدك جدا إنك تتخلص من التوتر اللي بتتعرض ليه طول اليوم، بس بلاش الرياضات والتمارين العنيفة زى الجري السريع قبل ميعاد النوم، لأن ده هيخليك مصحصح اكتر ومش هتقدر تنام.
- قلل من الكافيين
قلل شرب الشاي والقهوة ومشروبات الطاقة والكولا خاصة بليل، لأن الكافيين الموجود في المشروبات دي مش هيخليك تقدر تناوم وحتى لو نمت مش هتنام نوم عميق، استبدل المشروبات دي بليل بحليب او أي مشروب دافئ او اعشاب.
- نام خفيف بليل
لأن الأكل والشرب بكميات كبيرة خاصة بليل هيقلق نومك جدا، خليك عارف كمان ان الافراط في شرب الكحوليات ممكن يخليك تنام كويس اول الليل بس هيقلقك بعد كدة.
- حاول تسترخي قبل النوم بشوية
خد دش دافئ واسمع موسيقى او اعمل يوجا عشان تساعد جسمك وعقلك انهم يسترخوا.
- أكتب الحاجات اللي قلقاك
لو بتنام في سريرك وانت عمال تفكر في الحاجات المطلوب منك تعملها بكرة، يبقى لازم تخصص وقت قبل النوم تكتب فيه خطة يومك بكرة عشان تبطل تقلق وتقدر تنام في هدوء، اقرا اكتر عشان تعرف ازاى الضغط النفسى بيأثر على النوم.
- لو مقدرتش تنام قوم اقعد شوية
لو حسيت إنك عندك أرق ومش قادر تنام، متفضلش نايم في السرير، قوم اقعد شوية واعمل أي نشاط بيريحك ويخليك تسترخي لحد ما تحس إنك نعسان تانى، ساعتها بس ارجع نام في سريرك.
