ليه الطفل بيحتاج يروح للدكتور النفسي ؟
ليه الطفل بيحتاج يروح للدكتور النفسي ؟
تصدق أن ولادنا ممكن يحتاجوا زيارة الدكتور النفسي ؟!
يعنى ممكن بنوتة عندها 9 سنين يجلها أرق و خوف يملى عقلها هواجس تحبيها عايشة فى كوبيس كل ليلة تحرمها من النوم .
أو ولد يكون حزين على طول لدرجة أنه يجيله إكتئاب مزمن .
ممكن الأطفال كمان يكونوا بيعانوا نفسيا؟!
الطفل بنى أدم ذينا كلنا عنده مشاكل و بيعانى فتخليه يتعذب بس مشكلته أنه مش بيقدر يشتكى .
و ده لأنه مبيقدرش يعبر عن اللى جواه حتى لو كان مجرد مغص أو صداع مش عارف يوصف الوجع اللى بيحسه .
فتخيل لو كان وجعه ده نفسي مش هيعرف يقول بس بيظهر عليه الأعراض فتلاقى مشاعره بزقه على المرض النفسي
” مشاعر الأطفال اللى بزقهم على المرض النفسي “
– الحساسية من مشاكل البيت
لأن خناقات ماما و بابا بتأثر فى نفسيته مهما كان سنه صغير فحتى لو كان طفلك لسه بيتعلم الكلام ممكن الخناق حوله يخلى يعيط و هو نايم من الخوف و القلق .
أما بقى لو كان أكبر شوية و واعى للبيحصل فتلاقى ماما و بابا كل واحد بيشده عشان يبقى فى صفه .
فلو أخد صف ماما مثلا فأعرف أنك كل ما تأذيها هتكون بتأذي نفسيته هو كمان .
– بيغير ذينا برده
قلبه بيوجعه و بيغير لو حس أن حد ممكن يأخد مكانه فى قلل ماما و بابا بذات لو كان نومو جديد فتلاقيه بيغير من الأخه الصغير .
– الطفل المختلف
اللى عنده إضطراب ، عيب خلقى ظاهر معاملة الناس بتخليه محتاج رعاية نفسيه .
ماما و بابا كمان ممكن يكونوا السبب فى المرض النفسي !
– العقاب العنيف
فى ناس لما بتزعل من ولادها بتعاقبهم قسوة كأن فى تار بايت بنهم و ده طبعا بيلعب فى ثقة الطفل بنفسه.
و يخليه عرضه للإنطواء و الخوف و نقص الثقة و التردد و الخجل الزيادة.
– ماما سيطرة
و تفكر أن الطفل المؤدب هو اللى شخصيته ملغيه ” أنت ليه تفكر أنت تنفذ و بس ” .
كمان ممكن السيطرة ماما على بابا أو العكس فبيلغى التانى خالص و يسيطر لوحده و دى مشكلة بتفضل فى عقل الطفل و هى قصر طريق للدكتور النفسى .
– كل واحد شايف مصلحته
ماما مشغولة بنفسها و بابا مشغول بشغله و الطفل أى حد يشيله داده أو تيته اى حد .
نظرية البعبع
اللى الامهات بتخوف به ولادها “لو نزلت لوحدك الكلاب هنكلم ” و غيرها من الحكايات اللى مش حقيقى طبعا.
قلة الحوار
عشان الأهل مش فاضين لولادهم و له حتى فى خطة عشان ننمى شخصيتهم و نقويها .
– المدرسة و اللى بيجى منها
* معاناة المدرسين و الولاد اللى فى سنه
* درجاته القليلة اللى بتحسسه بخجل و عقدة نقص تضغط على أعصابه .
* الواجب اللى بالعشر صفحات : بيسرق أحلى وقت ممكن يلعب فيه لأن باللعب بيدعم نمو الطفل نفسياً .
البخل
الوسط حلو يعنى لا تحرمهم و يحسوا أنهم أقل من غيرهم و لا تسيبها معاهم خالص .
طب نعمل أيه ” ما الوقاية أحسن ” ؟!
الحب هو الحل
لازم نحب ولادنا صح و نوفر لهم جو العيلة اللى محتاجينه من حب و كمان و تفاهم فذى ما بتحافظ على انهم يكلوا كويس لازم نحافظ ان نفسيتهم تبقى كويسة .
يلا نساعد بعض
الطفل بنى أدم و بيعانى نفسيا أو عقليا أو سلوكيا بس محتاج مساعدة مننا كلنا و تعاون بين البيت و المدرسة عشان تقدر نساعده يعدى للمرحلة .
بلاش العنف
يعنى فى طرق عقاب أحسن كتير من الضرب هتعالمه و تساعدها يفهم غلطته و ميكررهاش ذى الوقت المستقطع من باللعب أو أنه يعقد و يبطل لعب لمدة قليلة عان يفكرفى غلطه بعدها نتكلم و نفهمه ده كان ليه .
قلل الخساير
ماما عليها أهم دور عشان تحاولى تتفادى المشاكل دى و لو حصل وبقى عنده مشاكل نفسية برده أكتشفها بدرى هيقلل الخساير كمان حاولى تصحبى ولاك عشان تقدرى تساعديهم .
مقالة ليها علاقة: أسعار جلسات الدكتور النفسي في مصر عن تجربة
