كم من الوقت يحتاج علاج الاكتئاب؟
الاكتئاب حالة صحية عقلية خطيرة اللي بيميزها مشاعر الحزن واليأس. لو كان عندك اكتئاب، وبتسأل هيقعد قد أي بالظبط. فأعرف أن مفيش وقت معين علشان تخلص منه.
لكن عمومًا المشاعر دي مش هتستمر شهور، إلا في الحالات الشديدة وقتها المصابين ممكن تجلهم نوبات الاكتئاب لسنين قدام.
شاكك إن عندك اكتئاب؟ دوس هنا واعمل اختبار الاكتئاب أونلاين
هل الاكتئاب ممكن يروح من نفسه؟
لو اتكلمت مع حد عن مشاعر الحزن واليأس اللي جواك، وقالك أن الوقت كفيل يصلح أي حاجة. ففحالة الاكتئاب دا مش صح، لأن مرض خطير ومش هيروح مع الوقت. لأ دا ممكن يزداد أكتر ويكون علاجه أصعب. كمان الاكتئاب اللي مش بيتعالج بيزود فرصة الاكتئاب. علشان تتجنب الحاجات الوحشة لازم تهتم بعلاجه.
المحتويــات
إزاي تلاقي العلاج المناسب للاكتئاب؟
لو كنت عايز تعالج اكتئابك، فأنت محتاج مساعدة من دكتور متخصص. لأن الاكتئاب مش حاجة تقدر تصلحها بنفسك. إنما المعالجين المتخصصين والدكاترة النفسيين مدربين على كدا، وبيقدروا يشخصوا المريض صح ويحطوا خطة العلاج المناسبة.
كمان لازم تلاقي المعالج اللي يناسبك وتثق فيه، ويقدر يفهمك. لأن لو كنتوا متعاونين ومتفاهمين هتقدروا توصلوا لخطة العلاج المناسبة.
كمان الدكتور ممكن يوصفلك أدوية زي مضادات الاكتئاب، ودي مينفعش تاخدها من غير ماتتوصفلك، وكمان لو بتاخدها مينفعش توقفها من غير استشارة الدكتور. وخد بالك ممكن الدكتور يجرب أكتر من علاج علشان يلاقي المناسب ليك، فخليك صبور علشان الهدف يستاهل.
كم من الوقت يحتاج علاج الاكتئاب؟
الوقت اللي بيحتاجه علاج الاكتئاب بيختلف من حد للتاني. كمان أنك تلاقي العلاج المناسب دا بياخد وقت، يعني ممكن علاج تاخده وميجبش نتيجة والدكتور يوصفلك بديل ليه. أو تحتاج أكتر من علاج في نفس الوقت يعني مثلُا الأدوية مع جلسات العلاج النفسي. ولو احتاجت تاخد مضادات الاكتئاب فهي عمومًا بتحتاج 6 سابيع علشان يبدأ مفعولها يظهر وتحس بتحسن. لكن في نفس الوقت ممكن حد مينفعش معاه نوع مضاد للاكتئاب وياخد غيره، فيقعد لحوالي 12 أسبوع علشان يحسن بتحسن
مدة تناول مضادات الاكتئاب
لو أخدت مضادات الاكتئاب وبدأ تحس بتحسن ممكن تسأل نفسك، عن المدة اللي هتاخدها فيها وإذا كان ممكن توقفها ولا لأ. لكن اللي بيحدد هو الدكتور لأنه بيراعي حاجات كتيرة زي:
- نوع المضاد اللي بتاخده
- الجرعة
- عدد نوبات الاكتئاب اللي مريت بيها
- خطر الانتكاس
ولو قررت أنت ودكتورك أنك خلاص مش محتاجلها، فلازم هيقولك على أحسن طريقة تبطلها بيها، علشان تتجنب آثار الانسحاب وتتجنب خطر الانتكاسة.
إمتى توقف مضادات الاكتئاب؟
زي ما قولنا الدكتور هو اللي بيحدد على حسب حاجات كتيرة، لكن عمومًا في إرشادات عامة زي لإرشادات الجمعية الأمريكية للطب النفسي. بتقول إن لو كنت بتاخد مضاد للاكتئاب لأول نوبة اكتئاب، فلازم تفضل تاخده لمدة 4 أو 5 شهور على الأقل بعد توقف أعراض الاكتئاب. لكن عمومًا بتحتاج ما بين 3-6 شهور علشان متكنش مكتئب. وممكن تحتاج سنة كاملة علشان تستفيد بأكبر قدر.
لكن لو كان عندك اضطراب اكتئابي رئيسي مستمر، أو جالك 3 نوبات اكتئاب أو أكتر. فأنت محتاج علاج كذا سنة. وممكن أكتر من كدا لو خطر الانتكاس كبير. دا بيعتمد على شوية حاجات زي:
- تاريخ عائلي للإصابة بمرض عقلي
- مشاكل صحية أو عقلية تانية طويلة الأمد
- أعراض مستمرة وأنت بتاخد الدواء
- الضغوطات المستمرة، زي مشاكل النوم أو مشاكل الشغل أو العلاقات
إزاي توقف مضادات الاكتئاب؟
لو قررت أنت ودكتور إنك توقف مضادات الاكتئاب. فلازم دا يحصل واحدة واحدة علشان تتجنب الانتكاسة أو غيرها من الأضرار اللي بتوصل للانتحار. الدكتور هيحددلك خطة لتقليل الدواء بالتدريج. ودا ممكن يحتاج كام أسبوع، وفي الفترة دي لازم تتابع مع الدكتور، علشان يقدر يعرف أي آثار جانبية عندك أو أي أعراض انتكاسة.
كما هتحتاج لجلسات مع معالج نفسي، علشان تحكيله مشاكل الحياة والأفكار السلبية اللي بتسببلك ضغط زي، الحزن وعدم احترام النفس. كمان لازم تحافظ على أسلوب حياة صحي، عن طريق النوم كويس، والأكل الصحي، ولعب الرياضة بانتظام، ومحاولة الاسترخاء علشان تقلل التوتر. كل دي حاجات هتساعد جسمك يتخلص من مضادات الاكتئاب وهتحميك من الانتكاسة.
أعراض انسحاب مضادات الاكتئاب
في ناس بيحصلها شوية آثار جانبية لما تبطل مضادات الاكتئاب، ودي اللي بنسميها أعراض الانسحاب لأن الجسم بيبدأ يعود نفسه على الوضع الحالي. والأعراض زي:
- دوخة
- إعياء
- أعراض تشبه أعراض الأنفلونزا، زي القشعريرة والأوجاع
لازم تاخد بالك من أي أعراض عندك وتقولها لدكتورك. علشان يساعدك ويوصفلك حاجة تخفف الأعراض أو يغير الجرعة علشان تقل. لكن لو وقفت مضادات الاكتئاب مرة واحدة وكنت بتاخدها لأكتر من شهر أو شهرين. فدا ممكن يعرضك للأعراض دي:
- قلق
- أرق
- الصداع
- التهيج
- إحساس بالصدمة الكهربائية
