مهما قابلتك مشاكل و هموم فى الماضى أرمى ورا ظهرك و أبدأ من جديد بدل العيشة فى الإكتئاب و القلق من مجرد أنك تتعرض لمشكلة تانى ليه متبزلش جهد عشان تغير الحياة دى بدل ما تقضى وقتك خايف من التغيير .

” خطوات الحياة الجديدة ” 

1- حط هدف قدام عنيك

فكر فى اللى عاوزه فى المستقبل يكون أفضل من حالك دلوقتى و كمان أحسن من زمان .

بس لازم تتأكد أنها أهداف واقعية متتخيلش حاجة مش منطقية و ألا هتبقى عقدت نفسك أكتر كمان أشتغل على هدف واحد فى كل مرة عشان تقدر تحققه .

2- فرقة دعم

فكر مين من حبيبك ممكن يساعدك عشان توصل للحياة الجديدة دى و لو هتعيش فى مكان جديد ملكش فيه أصحاب حافظ على علاقتك بصحاب زمان عشان تقدر تكمل .
أبعد عن الناس السلبية اللى بتكسر عزمتك و ركز فى المستقبل الجاى عشان توصل .

3- أنت المتحكم

خلى الكورة دايما فى ملعبك خليك أنت المتحكم فى مشاعرك و أفكارك عشان تقدر تمشى ورا هدك لحد ما توصله.

تعامل مع مشاكلك بشكل يومى و حافظ على التقدم سيب أساليبك القديمة عشان تبعد عن الوجع اللى اتسبب فيه الناس ليك .

مش مهم مين مسئو ل عن اللى حصلك زمان المهم تبطل تلوم الناس و تمتلك زمام أمور حياتك الجديدة .

4- الجلسات العلاجية مش عيب

لو حسيت أنك مش قادر ترمى الماضى ورا ظهرك فالمعالج النفسى هيوفر جو هادى تقدر تحسن فيه أفكارك عشان تخلص من القلق و الخوف الزايد و عشان ميتحولش خوف مرضي .

و ده كمان هيساعدك لو مغيرتش مكانك و مضطر تروح نفس المرورسة أو الشغل فلازم تتحمل عواقب أفعالك و هنا المعالج النفسي هيساعدك تفرغ الطاقة و تحسن من أدائك عشان تقدر تواجه و تتكيف و تعيش.

5- سامح نفسك عاى اللى فات . 

أى حد بيخرج من أزمة كبيرة فى حياته بيكون برده شايل ذنب سلبيته أو تصرفاته فى مواقف معينة .

عشان كدا لازم تصارح نفسك بالمشكلة القديمة و تسامح نفسك على غلطاتك فممكن تتكلم مع صاحب أو معالج نفسي .

و لو مش حابب تحكى لحد ممكن تكتب لنفك جواب و بعدين حاول ترد عليه على أنها مشكلة حد تانى بص للأمور من خارج دايرة الماضى هتلاقى وسيلة تسامح نفسك بها .

أتعلم أن الغلط مش بيقلل من قيمة عقلك و شخصيتك و مش معناه أنك إنسان وحش ، كلنا بنغلط عادى .

6- متعملهاش تانى

تجنب الوقوع فى نفس الحفرة تانى و ده بيحصل لما نفهم أيه كانت المشكلة أول مرة فكر فى اللى حصل معاك و أزاى الناس بتقول أو تعمل حاجة و أيه كان در فعلك عليها .
أعرف ردودك و تصرفاتك الغلط و فكر فى التصرف أو الرد الأنسب الأيجابى فى نفس الموقف عشان تفكر فى التغير بجد .
حط لنفسك خطة لو رجعت تانى للتصرفات أو المشاعر دى عشان أول ما تحس أن مشعرك هتحدفك فى نفس السكة يعنى لو كل ما تتعصب أو تزعل بتاكل بشراه حط خطة بديلة ذى أنك ممكن تروح الجيم تخرج الطاقة فى حاجة غير الأكل .

لكل موقف و أحساس الخطة المناسبة ليه.

7-كون عادات جديدة نوفى

طبعا ده شئ مش سهل محدش بيغير عادته بسهولة بس لو لقيت حاجة عجباك و نفسك تبقى عادة فلما تمارس روتين جديد عجبك مع الوقت هيصبح عادة مثلا القرأة قبل النوم لو حاولت تعملها روتين أنك تعمل لنفسك طقس أنك تقرأصفحة كل يوم قبل ما تنام بالتدريج ستصبح عادة .

8- أختار الأحسن ليك

طبعا الماضى برغم صعوبته إلا أننا لو فهمنا غلطاتنا فى الماضى هيبقى عندنا خبرة و نقدر نحدد الأختيارات الأحسن بالنسبة لنا .

طول ما هدفك فى دماغك فكر دايما أزاى قراراتك هتساعدك على تحقيقه .
المهم أنك تعيش و تختار الحياة الجديدة اللى تحبها و غير حياتك للأسعد .