إزاى تحمي الطفل من الانتهاك الجنسي ؟
الطفل مهما كان صغير او غلس فهو جوهرة مهم أننا نحافظ عليها من الحرامي. عشان فى ناس بتسرق الطفولة منه عن طريق حالات ذى التحرش و الانتهاك الجنسي . بنسمع حكايات كتير عن أطفال أتأذوا من أقرب الناس ليهم عشان كدا مهم أننا نحمى ولادنا من المشاكل دى.
المحتويــات
أزاى تحمي الطفل من الانتهاك الجنسي ؟!
-
التوعية أول خطوات الوقاية
من أهم الوسائل للطفل و بالذات الطفل الضعيف الخايف لأنه أكتر عرضة للتحرش ليه ؟ !
عشان المتحرّش بيعتقد أن خوف الطفل هيخليه يسكت علي الانتهاك الجنسي .
كمان الطفل اللى محتاج للأهتمام و عنده نقص عاطفى بيسهل الطريق على المتحرش عشان يستغله.
عشان المتحرش بيكون فى الغالب شخص من المعروفين للطفل من العيلة، المدرسة أو النادى .
ولأنه عارف الطفل بيكون متأكد من ضعفه و عدم قدرته على للدفاع عن نفسه .
مهم جدا أن كل أم تحذر ولادها و توعيهم بحدود التعامل الجسدي مع أى حد مهما كانوا عارفينه و قريب منهم.
التوعية و الحوار من أهم خطوات الوقاية يعنى لازم يفهم إنه مينفعش يكون موجود فى المواقف اللى ذى دى.
-
الباب موجود لسبب مهم؟
لازم الطفل يعرف كويس أن مينفعش حد يشوفه و هو بيغير هدومه أو فى الحمام.
عشان كدا لازم يتعلم سبب وجود الباب مهما كان صغير لأنه هيكبر على مفهوم الخصوصية.
فمهم أنه يتعلم أهمية قفل باب الحمام أو الأوضة و أن محدش ينفع يشوف أجزاء معينة من جسمه.
-
حدود اللمس
عرفى الطفل على أجزاء جسمه و أيه اﻷجزاء اللى مش مسموح بلمسها أبدا .
و كمان أيه المسموح فى المعاملات العدية بين الناس سواء كانوا صحاب أو مدرسين أو أقارب.
-
أسمعى طفلك كويس
الحوار مهم جدا عشان كدا لازم نشجع الطفل على الكلام عن أى حاجة فى الدنيا و نسمعه كويس.
عشان ممكن تعرفى من الطفل عن المتحرش قبل حتى ما الحدث يحصل لأن لو أتعود يحكيلك عن كل حاجة.
فهتعرفى لو حد أهتم بيه زيادة من غير سبب ممكن يعنى تحسي من كلامه أن الشخص ده مريب و تعرفى أزاى توقفى الفعل قبل ما يحصل.
كمان لو الطفل تعرض لتحرش لفظى او شاف جاحة مش المفروض يشوفها بلاش نلوم الطفل.
لكن الأهم أننا نفهمه يتصرف أزاى لو حد تجاوز حدوده معاه و انه ميخفش من حاجة .
لازم نقوى الطفل و نزود الثقة عنده كمان مهم أنه يحس ان وراه ضهر الأم و الأب هما مصدر الحماية دايما.
-
الإشباع العاطفى للطفل
حلو أنك توضحى للطفل أهتمامك و حبك بالكلام و الفعل يعنى لما توظبى أنك تعرفى أخبار يومه .
كمان تلعبى و تهزرى معاه حافظى على علاقة الصداقة بينكم .
شيلى حدود الخوف و الكسوف من الحوار يعنى ممكن يسأل عن أى حاجة فى الدنيا و يعرف أنك هتجاوبيه باللى فى مصلحته.
-
حدود الكلام مع الناس
علمي الطفل أن ذى ما هو لازم يلتزم بأدب فى حواره مع الكبار الحقوق دى متبادلة .
يعنى لازم الكبار و بذات الغرباء يلتزموا بادب الحوار معاه الكلام الممنوع مينفعش حد يقوله مهما كان درجة قرابته و حبنا ليه.
لأن الكلام العيب أو الممنوع بيكون سكة سهلة تساعد المتحرش يوصل لهدفه.
ثقافة الدفاع عن النفس
-
الدفاع عن النفس ليه أشكال كتير منها
- الحفاظ على المسافة الطبيعية بين الناس لأن المتحرش لو قريب منك أوى ممكن يمنعك تهرب أو تصد هجومه.
- الصراخ لأنه فى الغالب بيكون خايف من الفضيحة عشان أهم حاجة عند المتحرش السرية.
- لازم المتحرش يحس أن الطفل مهما كان صغير فهو ” قوى ” مش ضعيف مهما خفت عمله معاملة الحيوان المفترس.
- اللى لو حس بخوفك بيهجم لكن لما يحس أنك قوى بيتراجع و يكون هو الخايف.
الرياضات الدفاعية ذى الكارتية ، الجودو أو حتى ألعاب القوي لأن المرونة هتساعده يدافع عن نفسه. - تكنيك الدفاع عن النفس:
فى دلوقتى مراكز بتعلم الستات و البنات و الأطفال شوية حركات بسيطة تقدر بيهم تدافع عن نفسك ضد أى هجوم مهما كنت ضعيف.
و ليعلم كمان أزاى تدافع عن نفسك ضد هجوم من محترف.
-
تابعى بوصلة الطفل
حاولى دايما تعرفى الطفل فين و لو أتحرك من مكان لمكان مهم تعرفى هو فين مش مراقبة بس أهتمام .
-
المجموعة نعمة
عودى الطفل أنه يتحرك دايما وسط مجموعة و يختفيش فى حته لوحده برا البيت .
عشان المتحرش أهم حاجة عنده أنه يستفرد بالطفل و يستغل الفرصة دى فالمجموعة نعمة لما يكون عنده شله من الصحاب يكون أحسن. -
بلاش ترعبيه
حلو أننا نوعى ولادنا عشان محدش يضحك عليه ويستغله أو يعرضهم لحالة الأنتهاك الجنسى.
بس بلاش نوصل لمرحلة الرعب لأنه هيدخل فى مشاكل نفسية تانية و خوف و قلق من غير سبب لكن مهم ندعمه و نقويه من غير من نخلق بعبع يخاف منه.
