ابنك المؤدب إشهره ….. والوحش خبيـه
ليه لما الطفل بيعمل تصرف ” حلو و صح ” مبنركز معه و لما بيتصرف غلط بنقلب الدنيا ؟
الأطفال هما أحلى حاجة فى حياتنا….. و برغم كده برده هما أكتر حاجة تعبانة فى حياتنا عشان كل اللى بنفكر فيه بيبقى أزاى نخليهم أحسن و فى ناس الوقت نساعدهم يلاقوا نفسهم .
نظرية العصاية والجزرة
يعنى ازاى اعلم ابنى الفرق بين الصح و الغلط … و الثواب و العقاب
اولا : لازم ننسى موضوع العصبية دى نهائى عشان الضرب عمره ما كان حل و مشكله كتير قوى …. كمان هيخلى ابنك يبعد عنك من الخوف …. و كمان هتبقى مهزوز و مش مسئول و كل ما يفكر يعمل أى حاجة هيخاف م رد فعلك على تصرفه .
عشان كده لازم نحدد قوانين و نتفق عليها مع ولادنا و نحافظ دايما على أنهم يكونوا شخصيتهم.
العقاب قبل 7 سنين
فى الأغلب الطفل بيبقى لسه ورقة بيضاء و مش قادر يميز الفريق عشان كدا العقاب لازم يمتميز بشوية حاجات فوق بعض .
- فورى : يعنى تعوده أنه لما يغلط لازم يتحاسب فى نفس الوقت و يعرف سبب العقاب و أنه لو كرر الموضوع ده تانى هيتعاقب برده .
- متوقع : لما يفهم ان اللى عمله ده غلط و يعرف أنه لو كرر الغلطة ده تانى هيتعاقب بالشكل اللى أحنا متفقين عليه مع بعض من الأول .
- يكون مساوى للفعل : و ده اننا نفرق بين الغلطة الصغيرة و الغلطة الكبيرة و فمش ممكن لما يغلط فى حاجة صغيره نعلقه .
- Time off : الطفل الصغير يكون أفضل لو كان عقابه أنه يبطل لعب لمدة دقيقتين او أكتر حسب عمره .
- و من الأفضل انه يعقد على Punish chair لحد ما مدى العقاب تنتهى .
- * لازم يفهم سبب العقاب : لان الزعيق و الصريخ مش هيساعده يفهم هو غلط فى ايه
“ بعد 7 سنين كلام تانى خالص “
كبرنا حبه و لازم مسئوليتنا تكبر حبه معنا و ممكن ختار العقاب المناسب لنفسنا و نتفق عليه عشان يفكر فى غلطه و يعرف ايه يستحق العقاب و ايه نتكافئ عليه .
* ابنى لما يغلط مش لازم أفضحه ….. الأفضل انى اتكلم معه لوحدنا عشان و معقبهوش قدام حد غريب عشان يحس انى بحترمه و بحبه مش بس عاوزة أذله قدام الناس ? .
اما بقى لو عمل حاجة حلوة و بذات لو كان من نفسه من غير ما أطلبها منه ….. لازم يبقى فى مكافئة عشان يعرف اد ايه التصرف الحلو بيفرحك بيه …و كمان نصيتلوا صح يعنى مفيش مانع انك تذكر محاسنه أقدام الناس عشان يحس بالفرق .
و المكافأت مش دايما تبقى حاجة Sweets و هدايا عشان ميبقاش مادى …. بس ممكن تكون أنك تشغله فيلم كارتون بيحبه او حتى الكلمة الحلوة و الجنيه مش عيب .
