أزاى أستمتع بحياتى على طول ؟!

أزاى نستمتع بحياتنا ؟ طب الأول مش نعرف يعنى أيه أستمتاع؟ الموضوع كله مرتبط بنظرتنا للأمور حولنا فالأستمتاع هو ذى صورة فى المرايا عن أحسسنا بالرضا و السعادة من الحياة حولنا .

و هى حاجة لو أفتقدناها هنتعرض لمشاكل القلق و الأكتئاب و عدم الرضا و ده هيفتح علينا باب ملوش أخر .

المهم أن كل واحد فينا يستمتع بحياته بالطريقة اللى فى خياله فى ناس بتشوف أن الأستمتاع ده معناه أنى أجد وقت فراغ عشان :

أرتب لخروجه جامدة …. أو أتسلق جبل ….أو أتزحلق على الثلج بس المشكلة أن لا الثلج و لا الصحراء و الجبال موجودين معاك دايما يبقى أزاى تستمتع بحياتك أكتر عشان تعيش مبسوط ؟

فى نظرية بتقول أنك لو دورت على مجموعة أنشطة لذيذة وإيجابية تقدر تمارسها على مدى الأسبوع تغير حياتك للأحسن هتعلى درجة شعورك بالمتعة من الدنيا و تخليك أسعد .

” 6 خطوات تخلى حياتك أحلى فى عنيك “

1- أبدأ يومك بأبتسامة
من غير تهريج لو نفسك حياتك تبقى أفضل طب ليه متحولش تحسن من مودك و تحاول تتفائل على سبيل التغير ممكن الدنيا تطوعك و تتغير معاك .
2- خصص وقت لأصحابك
بيقولوا أن الناس اللى بتمتلك معارف و أصحاب كتير بتعيش أطول واسعد يعنى من فترة للتانية لما توصل علاقتك بصحاب زمان من المدرسة من النادى و يا ريت لو تعملوا Reunion كل فترة تشوفوا بعض لأن أصحاب زمان دايما بيخلوك تحس بسعادة لأنك بتفتكر ذكريات الشقاوة و الأيام الحلوة .

و لو كانت ذكريات زمان مش قوى ممكن تتعرف على ناس و أصحاب جدد سواء فى الشغل اوأستمتع بهواية جديدة و أتعرف على المشاركين فيها .

3- أتعلم حاجة جديدة

اذا كان عندك هواية بتحبها فجه الوقت عشان تنميها و لو كان عند ك حلم بهواية و محققتوش فدلوقتى الوقت المناسب بس يا ريت تنشن على حاجة معقوله قابلة للتحقيق مش مثلا تقولى كان نفسى أتعلم أسوق طيارة متأفورش …
بس تتعلم تعزف ألة بتحبها” جيتار أو عود أو حتى هرمونيكا “
ممكن تتعلم رياضة حتى لو كانت كيك بوكسنج و تبى فان دام
المهم تدور على حاجة نفسك فيها بجد و تعملها .
4- خدلك أجازة ممتعة
من وقت لتانى خصص وقت لنفسك عشان تستمتع بالدنيا من حوليك و يا ريت تبعد فيها عن روتين اليوم العادو …و خصوصا الأجهزة اللى أحتلت حياتنا ذى T.V و الموبايل و شبكات التواصل الأجتماعى .
أستمتع بالحياة والعايلة جدد نشاطك عشان تقدر تكمل .

5- ربى حيوان أليف

حيوان يحسسك بالونس قطة أو كلب أو حتى بغبغاء هيساعد على أستقرار مشاعرك و يعلمك حاجات بالعشرة و ده طبعا هيحسن الحالة النفسية عندك .

6- تأمل Meditate

الـتأمل شئ مهم فى حياتنا حتى و لو كان 5 دقائق فى اليوم لأنه هيسعدك تسترخى و يبعدك عن التوتر بيأثر على حياتك و حتى على جهاز المناعة فى جسمك و ده طبعا بعيد عنا جميعا … عشان كدا وفر مكان هادى فى بيتك و حاول تتامل لدقائق يوميا … هيجدد أحساسك بالنشاط و التوازن .

حاجات سهلة و ممكن نجربها بس اللى يهمنا أكتر انكوا تعيشوا أسعد و تستمتعوا بالحياه .

شركونا محاولتكمو أفكاركم للأستمتاع و كمان يا ريت نفتكر مع بعض هوياتنا و أحلمنا المنسية .