سايكويكي

هوس نتف الشعر سببه ومضاعفاته وعلاجه

هوس نتف الشعر

هوس شد الشعر أو هوس نتف الشعر أو الـ  Trichotillomania هو اضطراب نفسي  بسبب رغبة شديدة في نتف الشعر سواء من الرأس نفسها أو من الحواجب  أو أماكن تانية في الجسم رغم المحاولات للتوقف إلا إن الأمر بيفشل ويرجع تاني لنتف الشعر.

والغريب ان بيكون فيه رغبة ملحة أوي بنتف الشعر وبتزول فور نتف الشعر والانتهاء من العملية نفسها لكن الراحة بتكون قصيرة وبيرجع تاني لحاله النتف، ومع الوقت بيتطور الأمر ويتسبب في خلو مناطق النتف من الشعر القديم وعدم ظهور شعر جديد تاني ورغم المتعة في عملية  النتف نفسها الا أن بعدها بيكون فيه احساس بالذنب والخجل من النتيجة اللي وصلها ومنها بنوصل لحالة من فقدان الثقة بالنفس.

الرغبة بنتف الشعر بيكون عند المراهقين والشباب والسيدات الأكثر عرضة للإصابة به عن الرجال  

السبب في هوس نتف الشعر

حتي الآن مش معروف أسباب هوس نتف الشعر لكن فيه  عدة نظريات بتفسر ظاهرة نتف الشعر

  1. نوع من الإدمان ممن يكون فيه إدمان علي نتف الشعر بمعني إن الموضوع ليس له نهاية بعد النتف بترجع تاني للنتف رغم الإحساس بالذنب من النتيجة .
  2. مشاكل نفسية ممكن التوتر والإكتئاب  بيدفعوا الشخص لنتف الشعر كونع من تفريغ الطاقة او المشاعر السلبية .
  3. طريقة لإلهاء النفس البعض بيلجا للنوع ده من الأذى الجسدي أو نتف الشعر كونع من الإلهاء عن الشعور بالمشاكل أو الألأم التانيه
  4. خلل بوظايف الدماغ بعض الدراسات والفحوصات اثبتت إن اللي بيعانوا من ظاهرة نتف الشعر دماغهم غير طبيعيه .
  5. الجينات: التغيير في جينات معينة ممكن يسبب حالة نتف الشعر وممكن يكون فيه عامل وراثي .
  6. نقص مستويات السيروتونين.
  7. التغيير بمستويات الهرمونات: بمعنى  هوس نتف الشعر ممكن يكون عادي في مرحلة عمريه معينه  بسبب هرمونات المراهقة .

مضاعفات هوس نتف الشعر

من ضمن مضاعفات هوس نتف الشعر الشعور بالذنب  وقلة الثقة بالنفس والعزلة الاجتماعية أو الأخطر في زيادة فرص الإصابة بالثعلبة ، Alopecia و البعض بيطور الحالة عنده وبيقوم بابتلاع  الشهر المنتوف وده بيسبب أضرار تانية زي  انسداد الجهاز الهضمي أو ثقبه و التهاب البنكرياس الحاد  او  اليرقان الانسدادي ،Obstructive jaundice وممكن يتطور الأمر لقيا بعملية جراحية لإخراج الشعر اللي بالمعدة .

علاج نتف الشعر

من الافضل قبل أي شي الكشف عن دكتور جلدية عشان نتأكد ان المنطقة اللي فيها حاله نتف الشعر مفهاش أي سبب عضوي لعملية النتف نفسها لو وجد إن مفيش أي سبب للنتف هنا الدكتور هيلجأ لدمج العلاج النفسي والدوائي ده بالإضافة إلي حاجه الشخص للدعم من اللي حواليه.

عن الكاتب

حنان جمـال