الصحة النفسية

هرمونات السعادة : اللي عايزين منها كتير اليومين دول

هرمونات السعادة: اللي عايزين منها كتير اليومين دول

كل المشاعر والعواطف هي نتيجة تفاعلات كيميائية بتحصل في جسمك، التفاعلات دي هي اللي مسؤولة عن إحساسك بالمشاعر السلبية زي الغضب أو الزعل، وكمان المشاعر الايجابية اللطيفة الحلوه اللي بنحبها زي السعادة والانبساط والحب فيه هرومونات برده مسئولة عنه هنا هنقول إيه هي الهرمونات دي و أزاي تزودها عشان عايزين منها كتير اليومين دول.

  • إندورفين

الإندورفين هي المسكنات الطبيعية اللي بيفرزها الجسم، ده لأنها هي اللي بتمنع الألم، ومعظم الناس عارفين إيه هي التمارين الرياضية اللي بتخلي الجسم ينتج الهرمون ده لكنها مش عارفه إيه السبب في ده،  لو رجعنا للعصور الحجرية كانت الإندورفين مهمة  للناس اللي في العصر ده أوي عشان هي اللي خلتهم قادرين أنهم يكملوا ويعيشوا ويهربوا من الألم ومن الحيوانات المفترسة اللي كانت بتهددهم وقتها، لكن دلوقتي أحنا مش هنهرب من حاجه ، لكن جسمنا بينتج النوع ده من الهرمونات لما نعمل تدريبات اللاهوائية، لأن الإندورفين بيساعدنا على الاستمرار حتى بعد ما يخلص مخزون الأكسجين في الجسم.

ازاي بقي نزود افراز جسمنا من هرمون الإندروفين :

  • فيه تمارين بتساعد في التعامل مع الألم المزمن.
  • الأكل الحراق كمان بيزود إفراز الجسم للهرمون ده، والسبب أن اللسان فيه مستقبلات بتتفاعل مع التوابل الحراقه أو اللي طعمها قوي عن طريق ان المستقبلات دي بترسل للدماغ رسايل اللي بتشبه إشارات الألم، اللي بسببها بيقوم الدماغ بإفراز هرمون الاندورفين، عشان يخفف من الألم.
  • سيروتونين

السيروتونين هو الهرمون السعادة الرئيسي، وده بقي اللي بيسموه التوكسفين كله يعني الجوهرة وده اللي بينظم المزاج، وبيمنع الاكتئاب، وبيخليك هادي وسعيد ومنطمن كده.

ازاي بقي نزود افراز جسمنا من هرمون السيروتونين

القعدة في المشي شوية مفيده في الحته دي، ده لأن الشمس بتساعد جسمك انه ينتج فيتامين ” د” وده اللي بيخلي الجسم بدورة يفرج عن هرمون السيروتونين .

التفكير في الأفكار السعيدة، ده لأن الدماغ بينتج السيروتونين لما تفتكر الذكريات السعيدة أو تفكر في الحاجات اللي ببتخليك سعيد وتبسطك.

كمان الأكل زي اللبن والذرة، بساعد علي إفراز الهرمون ده عشان بيكون فيها التربتوفان، واللي هي المادة  اللي بيحولها جسمك، كمان الأكل للي فيه كربوهيدرات بيكون فيه مادة  التربتوفان.

وفيه تمارين  رياضيه بيسموها تمارين منخفضة الكثافة دي برضه بتساعد جسمك علي أنه السيروتونين  بخلاف الإندورفين اللي بينتجه جسمك لما تمارس التمارين اللاهوائية.

  • الدوبامين

الدوبامين هو هرمون المتعة اللي الجسم بيفرزه لما تيجي تسعه عشان تحقق هدف معين في دماغك، الدوبامين هو اللي بيحفزك انك تشتغل كويس وبجد وإخلاص ونبقي مبسوط وأنت شغال لحد ما توصل لمرحلة الارتياح عن الشغل اللي أنت عملته لما توصل لهدفك، كمان بيساعد الجسم انه يبقي منتبه ويركز اكتر.

ازاي نزود افراز جسمنا من هرمون الدوبامين

  • وضع  الأهداف اليومية أو الشهرية بيكون مفيد في الحته دي، ده لأنها بتديك حافز أنك تسعي وتحققها.
  • حط أهداف ممارسه ببمعني أهدف بتحتاج تمارين عشان تنفذها زي التمارين الرياضية كده ده عشان يزود افرز هرمون الدوبامين بينتجه الجسم بجانب هرمون مع السيروتونين والاندورفين في حاله  ممارسة الرياضة، وبالتالي أما تحط أهداف رياضية عايز توصلها هيزود عندك افراز هرمون الدوبامين.
  • كمان اكل نوعيات الطعام اللي تناول الأطعمة الغنية بالبروتين.
  • الأوكسيتوسين

الأوكسيتوسين دا بقي اللي بيسموه هرمون العلاقات العاطفية يعني زي البرنامج اللي نزلوه للمبي في الفيلم بتاع 8 جيجيا  وبيسموه هرمون الحب، والجسم بيفرج عنه بينتجه بكميات كبيرة  أثناء الجماع والولادة، لكن يبفرزه كمان في حالات الأنصال الجسدي اللي ملوش علاقة بالجنس زي الحضن العادي أو البوسه البريئة ، هو اللي بيزود  مشاعر الحب والثقة.

ازاي نزود من افراز جسمنا من هرمون الأوكسيتوسين

  • الحصول على التدليك، ده لانه تدليك العضلات ولما تكون في وضع الراحة وكمان الاتصال الجسدي لفترات طويلة بيخلي الجسم يفرج عن الأوكسيتوسين.
  • حضن من حد قريب منك صحبك او صحبتك أو مراتك أمك او أبوك او أختك أي حد أنت بتحبه وحضنته حضن وطبطب عليك بشئ من الموده والعطف ده بيخلي الجسم يفرز النوع ده من الهرنونات .

ايه بقي اللي مهم تعرفه عن الهرومونات اللي قلناها عشان ما تفتكرش ان كترها حلو اوي:

الهرمونات فعالة مقلناش حاجه ومفيده، ولكن لديها حدودها ، ده لأن آثار الإندورفين بتكون بصفة مؤقتة، يعني لو كان عندك خناقة الهرمون ده هيخليك تحسن انك أفضل وكويس لفترة قصيره يعني ما تكملش في الخناقة وانت فاكر انك مش هتحس بحاجه وهرموناتك هتسعفك، والأوكسيتوسين هو وسيلة رائعة عشان تبني علاقة، ولكن هنا المفروض تبقي ذكي وفطن عشان ما تعاملش الناس كلها بالحب وتاخد  اسافين عنب ويضحك عليك وتشبع مقالب ، وكمان الدوبامين الكتير غير صحي، لأنه ممكن يقلب معاك بإدمان.

عن الكاتب

حنان جمـال