كتير من الدارسين أو الطلاب بالمراحل الدراسية المختلفة بيحسوا بنوع من الملل من المذاكرة بشكل عام وأثناء مذاكره دروسهم كمان لكن من الأفضل أن يكون للطفل أو للشخص شغف في التعليم في حد ذاته واستغلال المعلومة اللي اكتسبها في حياته بشكل عام هنا لان لو فقد شغفه او حب بالملل هتكون المذاكرة أو العملية التعليمية مجرد روتين ممل .
هنا جمعنا 7 نصائح ممكن تساعد في التخلص من حاله الملل أثناء المذاكرة.
1–قبل ما تبدأ في الدراسة اختبر قدراتك في الدارسة اللي ناوي تبدأ فيها لان ده هيساعد علي تنشيط الذاكرة واسترجاع معلومات سابقة وبالتالي هتقدر تحدد إيه اللي أنت عايزه من الدراسة وإيه النقاط اللي محتج تزود تركيزك شوية عليها في الدراسة .
2-لو فيه كم من المذاكرة كتير ولازم تخلصها مش من الأفضل أن تخلص الفروض أو المذاكرة كلها مره واحدة من الأفضل أن يتم توزيع مهام الاستذكار علي مداري اليوم علي أساس أن يكون فيه فترات راحة بين جلسة المذاكرة والتانية .
في المقال ده هاتتعرف على أنوع الملل عشان تعرف تتعامل معاها
3- لو بيتم المذكرة في مكان محدد كل مرة ممكن تحدث تغير في المكان ذاته تحط ورد قدامك أي شئ ممكن يحفزك علي المذاكرة أو تغير المكان ذاته عشان تقلل من الملل المصاحب للمذاكرة .
4– بعض الناس بتقدر تركز وهي بتسمع موسيقي هادية هنا عشان نضيف إحساس المتعة ونتغلب علي الملل ممكن الاستماع لموسيقي هاديه أو مقطوعة مفضلة لكن لو أي دوشه أو صوت بسيط بيأثر علي التركيز يبقي يفضل إن يتم المذاكرة في مكان هادي.
5-الهدف هو أهم حاجه لو الدراسة أو المذاكرة من غير هدف هنا الملل هيبقي سيد الموقف لأن مفيش أي دافع ورا المذاكرة البعض بيدرس عشان ينجح ويعدي من الامتحانات وخلاص بس الهدف في حد ذاته من عملية المذاكرة أو التعلّم هيفرق كتير في الخلاصة اللي بتثبت في الدماغ او طريقة التفكير بعد ما تخلص المراحل الدراسية .
وفي المقال ده هاتتعرف أكتر عن السبب الرئيسي ورا الكسل
6- النوم الكويس هنا بساعد علي عمل ريستارت أو إعادة تشغيل للكمبيوتر الدماغ وبالتالي لما يرجع يشتغل تاني بيكون بكل طاقته وحيويته غير إن النوم فيه راحة لجميع أعضاء الجسم لكن بشرط يكون فترة كافية عشان الجسم يكون أخد راحته الكافية اللي تخليه يقدر يشتغل تاني بحيوية .
7- البعض بيحب يذاكر وهو بيتكلم سواء بيقرأ بصوت عالي أو بيشرح الدرس متخيلا انه فيه حد قدامه بيحاول يفهمه كل ده بيساعد علي المذاكرة وبيغير من المود العام بدل من القراءة في صمت و الفكرة هنا إن القدرة علي الشرح بتأكد قدرة الطالب علي استيعابه للدرس في حد ذاته .
