متى يبدأ مفعول علاج الاكتئاب؟

230

مضادات الاكتئاب من أشهر علاجات الاكتئاب. ممكن تبدأ تشتغل خلال أسبوع لأسبوعين، لكن المدة ممكن تطول عند ناس تانية على حسب حالتهم واستجابتهم للعلاج.

بشكل عام، الناس بتحقق أقصى راحة من أعراض الاكتئاب في خلال شهرين ل3 شهور من استخدامهم لمضادات الاكتئاب. لكن لو الشخص متحسنش بأي شكل في خلال 4-6 أسابيع، فغالبًا بيحتاج ياخد خطوات أكتر في العلاج زي زيادة الجرعة، أو التبديل لنوع تاني من مضادات اكتئاب. وممكن المريض يحتاج لأنواع تانية من الأدوية النفسية أو العلاج النفسي.

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب أونلاين

الفروقات في الاستجابة لعلاج الاكتئاب

في ناس بتستجيب للعلاج بسرعة عن غيرهم. مش بس كدا في ناس مش بتستجيب أصلًا. وعلشان نفهم أي الحكاية، لازم نعرف طريقة شغل مضادات الاكتئاب.

مضادات الاكتئاب اللي بتستخدم بشكل كبير هي مثبطات امتصاص السيروتونين الانتقائية “SSRIs” دي بتاخد وقت طويل لأنها مش بس بتعطل ناقلات السيروتونين الفردية، لكن بتعطل بردوا الجينات الموجودة في الحمض النووي اللي بتنقل السيروتونين. علشان كدا بتشتغل مع ناس أكتر من ناس بسبب اختلاف الجينات الناقلة للسيروتونين. كمان في حاجات تانية بتأثر في استقلاب الدواء زي؛ وظيفة إنزيم الكبد، وأمراض الكبد، والعمر، والجنس، والهرمونات، والحمل، والحالة التغذوية.

طول مدة العلاج المضاد للاكتئاب

مضادات الاكتئاب بتتوصف مش بس علشان تحقق أكبر قدر من الراحة من أعراض الاكتئاب قصيرة المدى. لكن كمان علشان تحمي من نوبات الاكتئاب في المستقبل. من غير علاج مثلًا نوبة الاكتئاب الشديدة ممكن تستمر 6 شهور. وفرصة تكرارها بتوصل ل50% في 6 شهور و 85٪ لتكرارها في سنة. علشان كدا العلاج بمضادات الاكتئاب بيستمر فالعادة 6-12 شهر عالأقل قبل الأعراض متروح. لكن في الحالات الشديدة العلاج ممكن يوصل ل3 سنين، أو لأجل غير مسمى.

حاجات بتحسن مفعول مضادات الاكتئاب

  • جرعة زيادة: مضادات الاكتئاب بتبدأ بجرعات قليلة وبتزيد ببطء. الجرعة بتتحدد على حسب تحسن الأعراض والآثار الجانبية للدواء.
  • الجمع بين الأدوية: لو في علاج محقق الراحة من أعراض الاكتئاب، حتى بجرعاته الكبيرة. فهنا الدكتور ممكن يزود مضاد تاني للاكتئاب من نوع مختلف، أو مضاد للذهان.
  • تغيير الدواء: ممكن الدكتور يضطر يغير الدواء علشان مش جايب نتيجة مع المريض، على الرغم من أن نفس العلاج بيجيب نتيجه مع غيره. لكن استجابات الناس للأدوية مختلفة. لكن قبل ما توقف العلاج القديم لازم الدكتور بيقلله بالتدريج.
  • العلاج النفسي مع العلاج بالأدوية المتزامن: من الأفضل أن العلاج بالأدوية زي مضادات الاكتئاب يكون معاه علاج نفسي، علشان يحقق المريض أكبر استفادة وفي أقل وقت.
  • تجربة العلاجات الجسدية: مثلُا التحفيز الكهربائي للدماغ، ودا علاج معروف وفعال في علاج الاكتئاب. والعلاجات دي زي العلاج بالصدمات الكهربائية (ECT) والتحفيز المغناطيسي المتكرر عبر الجمجمة (rTMS). بتشتغل على تحفيز الخلايا العصبية المسؤولة عن حالتك المزاجية.
  • الاسكيتامين. بالنسبة للناس اللي عندها اكتئاب شديد وتفكير في الانتحار أو سلوكهم بيهدد حياتهم، الأفضل ليهم يستخدموا الاسكيتامين، ودا علاج مفعوله سريع ممكن في خلال ساعات أو يوم. سريع كدا لأنه بيشتغل على ناقل عصبي اسمه الجلوتامات. ودي بتمثل أغلب الناقلات العصبية في الدماغ وهي المسئولة بشكل كبيرة عن معظم وظايف الدماغ، بما في فيها الحالة المزاجية.

أي هي مضادات الاكتئاب؟

مضادات الاكتئاب هي شوية أدوية فعالة بشكل كبير في علاج أعراض اضطرابات القلق واضطراب الوسواس القهري (OCD) واضطراب القلق الاجتماعي (SAD) ورهاب الخلاء. كمان بقت بتستخدم كتير لعلاج اضطراب الهلع.

في أنواع كتيرة من مضادات الاكتئاب اللي بتأثر على الناقلات الكيميائية في الدماغ. ودي عبارة عن أجزاء مسئولة عن مجموعة مختلفة من الوظائف والمشاعر الجسدية، زي تنظيم النوم والمزاج ومستويات القلق والتحفيز. الأنواع المشهورة من مضادات الاكتئاب هي:

  • مثبطات امتصاص السيروتونين والنوربينفرين (SNRIs)
  • مثبطات امتصاص السيروتونين الانتقائية (SSRIs)
  • مضادات الاكتئاب ثلاثية الحلقات (TCAs)
  • مثبطات مونوامين أوكسيديز (MAOIs)

أي أضرار مضادات الاكتئاب

بعض المرضى بيعانوا من زيادة التوتر أو القلق في بداية العلاج بمضادات الاكتئاب. وعلشان يقللوا من الأعراض دي، ممكن الدكتور يبدأ بجرعة قليلة ويزودها بالتدريج. أضرار مضادات الاكتئاب زي:

  • مشاكل النوم
  • الصداع
  • إعياء
  • دوخة
  • دوار
  • فم جاف
  • العصبية
  • عرق كتير
  • مشاكل في العلاقة الجنسية
  • رؤية مشوشة
  • غثيان

دي شوية بس من الأضرار اللي ممكن تحصل بسبب مضادات الاكتئاب. ممكن الشخص يحصله أعراض منها. ويمكن ميحصلوش خالص. وعمومًا الأعراض بتهدا بمرور الوقت.

إزاي تتحكم فأضرار أدوية مضادات الاكتئاب؟

لو الآثار الجانبية استمرت معاك. فلازم ترجع لدكتورك علشان يشوف حل، ممكن مثلًا يغير الجرعة أو يغير الدواء لنوع يناسبك. ممكن كمان يوصف البنزوديازيبين وداء علاج مضاد للقلق، ممكن يوصفه مع مضادات الاكتئاب، بالذات في أول العلاج. لأن البنزوديازيبينات بتوفرلك راحة بسرعة من الأعراض.

لكن الأدوية دي ممكن تسبب الإدمان، وعلشان كدا الدكتور غالبًا بيوقفه أو ما تاخد فايدتك من مضاد الاكتئاب اللي بتستخدمه.

المراجع:

المصدر1
المصدر2

اترك تعليق