سايكويكي

متلازمة الحثل المؤلم : خلطة من الألم من غير أدله

متلازمة الحثل المؤلم خلطة من الألم من غير ادله

الحَثَلِ الانْعِكاسِيِّ الوُدِّيّ أو مُتَلازِمَةَ الحثل الانْعِكاسِيِّ الوُدِّيّ وأسمها العالمي  Reflex Sympathetic Dystrophy – RSDS، وليها اسم تاني متداول باسم الحَثَلٌ المُؤْلِم أو Algodystrophy، هي خلطة من الأعراض والآللآم وعبارة  ألم جامد وبأماكن معينه بالجسم وكمان تورم للمكان اللي فيه الألم الشديد حركة العضو محل الألم بتكون مقيدة و اضطراب موضعي بوظائف الجهاز العصبي المستقل او المعروف باسمه العلميautonomic nervous system .

وأعراض تانية زي احتقان الأوعية الدموية للجسم وعرق شديد من غير سبب او مجهود او احساس شديد بالبرد رغم ان حاله الجسم بتقول ان تدفق الدم سليم في الأوردة والشرايين كل الأعراض السابقة ملهاش أي أساس من الصحه في حاله الشك بأن فيه التهاب لو عملنا تحليل دم.

ومن أهم أعراض المتلازمة بأن لو عملنا أشعه علي المكان محل الشكوي أو الإصابة هنلاقي أن العضم قليل ، الجسم دايما بيعمل عمليتين هدم وبناء ،في حاله المتلازمة بتتميز بقلة العضم بمعني أن عمليات الهدم أكتر من البناء أو بالأسلوب العلمي بمعدل التقلب السريع Rapid Turnover لأنسجة العظام.

شويه إحصائيات عن متلازمة الحثل المؤلم

  • من 7% لـ 35% من المرضى اللي يعانون من كسر  في عضم المِعْصَمِ على اسم كولز Colles.
  • من 5 % لـ 20 % من المرضى بالمتلازمة بعد الإصابة بنوبة قلبية.
  • من 5 % لـ 20 % من المرضى المصابين بالشلل الدِّماغي أن الجزء المشلول من الجسم.

المتلازمة مش بتقتصر علي مفصِل واحد بس ، ولا منطقة عصب معينه لكن علي حسب المكان بالجسم علي سبيل المثال أطراف الجسم.

تلات مراحل لتطور متلازمة الحثل المؤلم :

1-المرحلة الأولي

بيكون فيه ألم جامد فجأة ومن غير مقدمات و حساسية وتورم بمكان محدد أو موضع في شكل التهاب ، وبالنسبة للوظيفة الجهاز العصبي بالمكان الإصابة بيكون فيه خلل أو اضطراب ولكن بدرجات متفاوتة وبتختلف من حالة للتانيه .

2-المرحلة الثانية

المرحله التانيه من تطور المتلازمة بتاخد فترة من 3:6 شهور وبعدين بتخف الأعراض لكن بعد ما تكون تسبب في تضرر جامد للعضو المصاب سواء  الأنسجة – الجلد والعضلات  وكمان الجلد يكون حاله سميك وناعم زي الحالة اللي بيكون فيها مريض تَصَلُّبِ الجلد او المعروف باسم  Scleroderma، وبيكون التأثير علي حاله المفصل محل للأصابه أنه بيكون فيه نوع من التقلص الانحنائي وممكن الاشعه توضح أن  فيه حاله من التَرَقُّقِ بالعظم .

3-المرحلة الثالثة

ممكن تاخد وقت طويل المرحلة التالته والاخيره أو ممكن تتحول لوضع دائم ودا بيرجع للحالة النفسية للشخص يعني ممكن يكون موجود الأعراض والتطورات اللي قلناها في المرحلة التانيه زائد عليهم اضطراب نفسي.

من الأعراض المراحل اللي قلناها ممكن يبان إن اللي بنتكلم عنه ملوش علاقة بالصحة النفسية وأنه مرض عضوي لكنه تداعياته بيكون ليها علاقة بالصحة النفسية .

علاج متلازمة الحثل الانعكاسي الودي أو الحثل المؤلم

الهدف من العلاج عنا هو تخفيف الآلام اللي بيعاني منها المريض أو التقليل من احتقان الأنسجة وتقلصها ، والأهم هو علاج حاله القلق و الاكتئاب اللي بيعاني منها الشخص في الجزء النفسي من المرض.

في الغالب العلاج بيكون عن طريق المسكنات دا علاج  علي وقتي لكن علي المدي الطويل بيحتاج علاج طبيعي عشان نعمل حاله تنشيط للمنطقة المصابة، وفيه حاجه كمان زي المعالجة المائية وأسمها العلمي Hydrotherapy .

العلاج  الدوائي

بيكون من خلال جرعة ستيرويدات ما بين متوسطة و مرتفعة عشان نقلل من عمليه الهدم  زي الكالسيتونين وادوية تانية بتقلل من تحلل العظم ودي بتكون فاعليتها قوية خصوصا بالمرحلتين الأولي والتانية  و أما العلاج العصبي يكون من خلال أدوية التخدير بخلاف العلاج النفسي من خلال أدوية مضادات الاكتئاب غير إن العلاج العضوي بيقلل من الألم اللي بيكون سبب في الدخول بمرحلة الاكتئاب .

عن الكاتب

حنان جمـال