ما هي علامات الاكتئاب عند المرأة؟

235

ما هي علامات الاكتئاب عند المرأة؟ سؤال بيدور في عقل ستات كتير علشان هما أكتر عرضة للاكتئاب، ودا لأن دورهم كبير ومحوطين دايمًا تحت ضغط. الست أم، وزوجة، وموظفة ومسئوليتها كبيرة.

كمان طبيعتها بتخلي مزاجها يتغير، هي بتحمل وبيجلها الدورة الشهرية وبتولد وكل دا بيأثر على الرمونات في جسمها وبيخليها تحس بالتعب وأعراض تانية غيره. المشاعر دي لو استمرت وخلتها متقدرش تعيش حياتها فكدا عندها اكتئاب مرضي محتاج اهتمام وعلاج.

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب أونلاين

في أنواع كتير لاكتئاب الست وعلى حسب كل نوع بتكون الأعراض، يعني عندك:

الاكتئاب الشديد 

الاكتئاب الشديد شكل من أشكال الاكتئاب. الست فيه مبتقدرش تعمل حاجاتها اللي بتعملها كل يوم. مثلًا، مبتقدرش تروح الشغل، أو تنضف البيت، أو تحضر الأكل وكمان مبتنمش حلو وكل دا بيأثر على علاقتها باللي حواليها حتى أقرب الناس ليها. نوع الاكتئاب دا ممكن يستمر كتير

اكتئاب ما بعد الولادة

نوع تاني من الاكتئاب بيحصل لما الواحدة تولد. بيخليها متعصبة وبتعيط كتير، ومش قادرة تفرح بابنها وحاسة أنها أم مقصرة وغيرها من المشاعر السلبية اللي بتسيطر عليها. عامة الحالة دي مش بتفضل كتير، لكن لو طولت يبقى أحسن تسأل دكتور.

اضطراب ما قبل الطمث الاكتئابي

نوع من الاكتئاب مرتبط بالدورة الشهرية. الست أو البنت بيحصلها تغيير في مزاجها وبتحس بالحزن والغضب والقلق وأفكار وحشة. دا غير الألم وغالبًا الحالة دي بتخلص مع بداية الدورة. لازم الناس اللي حواليها يكونوا مقدرين إحساسها ويدعموها.

اعرفي أكتر عن أعراض الاكتئاب عند الست.. والفرق بينها وبين الراجل 

لازم نكون عارفين أن الاكتئاب بييجي للستات أكتر من الرجالة. كما في فروقات فالإحساس بينهم، زي:

  • الستات بتحس بالخوف أكتر
  • الست بتلوم نفسها. أما الراجل بيلوم الناس التانية
  • الست بتحس بالحزن وإن ملهاش لازكة. الراجل بيحس بالغضب
  • الستات هتتجنب المشاكل وهي مكتئبة. الرجالة بيكونوا متهورين وبيتخانقوا أكتر
  • الستات بتحاول تتخلص من اكتئابها بانها تاكل أو تكلم صحبتها. الرجالة بيحاولوا يفرغوا طاقتهم في الفرجة عالتلفزيون أو اللعب بالموبايل أو شرب السجاير، وللأسف في منهم يروح للمخدرات. كما بيميلوا لأنهم يفرغوا طاقتهم في الرياضة أو العلاقة الجنسية
  • الست بتحس بالخمول والعصبية. أما الراجل بالقلق والغضب
  • الست دايمًا بتفضفض وتطلع اللي جواها من مشاعر خوف ويأس. أما الراجل بيعتبر دا ضعف وبيخفي مشاعره

أي بيسبب اكتئاب للست؟

في أسباب كتيرة زي الوراثة والهرمونات والحالة النفسية والاجتماعية.

الوراثة

الاكتئاب أوقات بينتشر في عائلات معينة لأن عندهم تركيبة جينية بتعرضهم أكتر من غيرهم للاكتئاب. كمان البيئة اللي عايشين فيها لو مش كويسة بتزود فرصة الاكتئاب، لأن الموضوع مش بس مرتبط بالجينات. لكن نقدر نقول أن الأتنين مع بعض مهمين.

الهرمونات

الاكتئاب كمان مرتبط بتغير الهرمونات، ودا موجود بشكل كبير في الستات. تلاقي عندهم هرمونات متلغبطة في الدورة الشهرية، والحمل، والجواز، وحتى لما يكبروا علشان سن اليأس ليها أعراض كتيرة، ومنها لغبطة الهرمونات.  كل دا طبعًا ممكن يسبب اكتئاب.

النفسية

الحالة النفسية للست بتتغير من أقل حاجة على عكس الراجل، الستات عاطفيين أكتر ومبيقدروش يسيطروا على عواطفهم حلو. علشان كدا بيتهزوا من مواقف كتيرة وممكن يجلهم اكتئاب. حتى شكل جسمهم لو مش راضيين عنه بيسببلهم حزن، وممكن يرفضوا يشوفوا أي حد. المشكلة دي بتحصل أكتر للبنات في سن المراهقة.

العلاقات الاجتماعية

الست بتتأثر أكتر من الراجل بعلاقتها باللي حواليها. يعنى لو حصلها مشاكل في الشغل، أو الجواز، أو معرفتش تجمع بين شغلها وبيتها، أو مرت بموقف يضايق كل دا بيخليها أكتر عرضة للاكتئاب. ضيف عليهم كمان لو كانت محتاجة فلوس أو فقدت حد من قرايبها وغيره وغيره.

ضيفي على كل اللي قولناه، شوية الحاجات دي بتسبب اكتئاب بردوا:

  • موت الأب أو الأم قبل ما تكمل 10 سنين
  • سابت الشغل
  • الطلاق
  • مشاكل عاطفية
  • الاغتصاب أو التحرش
  • المزاج بيتغير كتير
  • بتاخد أدوية معينة
  • أعراض الاكتئاب عند الستات
  • الفراغ واليأس والحزن
  • العصبية والقلق والإحساس بالذنب
  • الإرهاق والتعب الشديد
  • مش مهتمة بالحاجات اللي بتحبها
  • مبتركزش ولا تفتكر تفاصيل
  • بتفكر في الانتحار
  • مبتنمش حلو
  • بتاكل كتير أو قليل
  • وجع فالجسم أو تشنجات أو صداع أو وجع بطن أو وجع في الثدي أو البطن منفوخة
  • مفيش طاقة
  • مبتسيطرش على نفسها
  • بتعيط كتير
  • حالة ذعر
  • متوترة

علاج الاكتئاب عند الستات

لو كان عندك اكتئاب، لازم تعالجيه حالًا علشان تقدري تعيشي كويس. أول حاجة تعمليها تروحي للدكتور. هيسألك شوية أسئلة علشان يقدر يعرف لو بتاخدي أدوية، أو عندك مرض ممكن يسبب الاكتئاب. كمان هيسألك بتحسي بأي وأمتى بدأت الأعراض معاكي، وفي حد فالعيلة عنده اكتئاب ولا لأ. لو حس أن عندك اكتئاب هيحولك لدكتور نفسي يساعدك.

أفضل طرق العلاج للستات هي الأدوية والعلاج النفسي. لكن لو كنتي حامل لازم تقولي للدكتور، لأن في أدوية مضرة للحمل. غالبًا الدكتور بيوصف مضادات الاكتئاب عشان يساعدك تتخصلي من أعراض الاكتئاب أو تقل.

لما تبدأي في العلاج لازم تراقبي الأعراض، لأن في أدوية ممكن تزود الاكتئاب مش تقلله. يعني مثلًا لقيوا أن التفكير فالانتحار بيزيد عند ناس لما تاخد مضادات اكتئاب، والأعراض التانية ممكن تكون؛ غثيان، وصداع، واضطرابات نوم، ومشاكل جنسية. جمب العلاج بالأدوية العلاج النفسي مهم جدًا لأنه بيعلمك إزاي تفكري بطريقة جديدة عشان تتخلصي مالاكتئاب.

المراجع:

المصدر

اترك تعليق