فوبيا النار Pyrophobia

فوبيا النار Pyrophobia هو الخوف غير العقلاني من النار والحرائق، دا غير أن الشخص اللي عنده فوبيا النار ممكن يحس بالرعب أول ما حد يقوله أن فيه ريحه دخان في البيت أو في أي مكان تاني قريب منه.

وعموما خوف الناس من النار بيتوقف لما الشخص نفسه هو اللي بيولع النار سواء نار بتوجاز أو نار دفايه، والشخص الطبيعي مش بيخاف من النار إلا لو كان في موقف صعب زي حرائق الغابات أو حريق في البيت السجاد أو الستائر، وفيه غيرهم بيكون عندهم نوبه هلع من مجرد أنهم يشوفوا النار.

ومع ذلك، فيه بعض الأشخاص اللي بيحسوا  بالخوف كل ما يشوفوا النار، او اللهب، أو الحرائق مهما كان الوضع، حتى الألعاب النارية أو الشموع في أعياد الميلاد ممكن تسبب لهم أحساس انهم عايزين يهربوا من المكان اللي فيه النار لمكان تاني بعيد وهنا الحالي دي أسمها رهاب النار أو فوبيا النار بمعني أن النوع ده من الفوبيا ممكن بأثر علي سير حياة الشخص الطبيعية في البيت أو في الشغل.

إيه هي أسباب اللي ورا فوبيا من النار :

ممكن يكون سبب اللي ورا فوبيا النار انه حصل تجربة مؤلمة معينة مرتبطة بالنار زمان  في الماضي،أو من الممكن أن يكون الشخص حد قاله أو حكي له عن الخطر اللي بتسببه النار أو الحارئق، أو قرأ قصه حصل فيها حدث مأساوي سببه الحريق أو النار أو سمع حد بيحكي عن تجربته الشخصية اللي انتهت بحادثه سببها النار.

 الحدث المؤلم هو السبب الشائع اللي ورا فوبيا النار، دا غير مخاوف تانيه، فا لو كان الشخص شايف أن الخوف اللي بيحس بيه مش مأثر علي حياته فالحقيقة فوبيا النار نفسها بتمنعه ويتحط قدامه عوائق كتير وهو بيمارس حياته اليومية أو أي نشاط بسيط في حياته.

إيه هي أعراض فوبيا النار :

ممكن الشخص اللي بيعاني من فوبيا النار أنه يحس بالدوخه، والعرق الشديد، أو يحس بالقلق كل لما يشوف النار مهما كان صغيرا ، و شخص اللي عنده فوبيا النار الشديد ممكن يبدأ بأنه يجيله رعشة شديده أو يحس بأنه هيرجع دا غير جفاف الفم، أو أنه يفقد الوعي ويعمي عليه وهو حوالية النار من غير ما يعمل أي تصرف عشان ينقذ نفسه.

والشخص اللي عنده فوبيا النار بيكون عنده رغبه شديده لأنه يبقي بعيد قد ر الإمكان عن المكان اللي فيه نار، وبيحس أنه في آمان لو عمل كده فعلا، دا غير أن النوع ده من الفوبيا ممكن يكون عائق للشخص نفسه أنه يمارس حياته الطبيعية ، يعني مثلا ممكن ما يحضرش حفلات رأس السنة أو أعياد الميلاد عشان الألعاب الناريه والشموع عشان ساعتها هيكون مرعوب وده هيحسسه بالإحراج.

 علاج فوبيا النار

الأشخاص اللي بيعانوا من فوبيا أو رهاب النار الشديد ممكن يحتاجوا  مساعدة من بعض الخبراء أو الدكتور النفسي، أحد وسائل العلاج اللي منتشره هو العلاج من خلال الكلام عن  النفس والثقة وعدم الخوف والتعامل مع النار خطوة بخطوة.

العلاج التاني هو عن طريق معرفة سبب المرض و أن الشخص يقابل ويتكلم مع ناس تانية عندهم نفس المرض عشان يحاول يكتسب خبرات علاجية منهم .

ممكن للأشخاص اللي بيعانوا  من رهاب النار أو فوبيا النار أنهم  يتكلموا مع غيهم من الناس الطبيعيين ويشرحوا لهم مخاوفهم وبتسمى الطريقة دي مجموعات الدعم المعنوي، وأنه من الشائع جدا أنه يتم استخدم الطريق دي كوسيلة لعلاج الفوبيا أو أي متلازمة تانية معينة .

وفيه علاج تاني بينفذه الشخص بنفسه زي أنه ياخد نفس عميق لما يحس بالتوتر والخوف عشات يحاول يهدي عقله الباطن، دا طبعا غير العلاج بالأدية اللي بيوصفها الدكتور النفسي اللي بيتابع معاه الشخص، لكن دي أخر حاجه ممكن نلجأ ليها لأن مفيش دوا ملهوش أثار جانبية عشان كده لازم الأول الدكتور يعرف ايه السبب اللي خلي الشخص ده عنده فوبيا من النار بعد كده يقدر يحدد ايه العلاج المناسب للحاله.

اترك تعليق