ساعد نفسك

علاج فوبيا المياة : إزاي تتغلب علي خوفك المرضي من المية

علاج فوبيا المياة: إزاي تتغلب علي خوفك من المية وتستمتع بالمصيف كويس

زي ما اتكلمنا عن فوبيا المياة قبل كده هنقول كمان ايه هو علاج فوبيا المياة و أزاي تتغلب عليها بشكل فعال عشان تقدر تستمتع بالصيف كويس.
بتعتمد كافة أنواع العلاج على أن الشخص يتحرر من حساسيته للميه واغلب طرق العلاج ي أنواع الفوبياوات بتكون عن طريق أن الشخص يتعرض لمصدر خوفه بالتدريج لحد ما يختفي الخوف زي مثلا أنه يبدأ يشوف صور للميه بعدين رسومات فيها ميه، ومنها انه يستحمي في البانيو، ومنها لمرحلة أنه يروح أماكن فيها مية زي البسين أو البحر.

فيه كتير من الكبار البالغين مش بيحاولوا أنهم يعالجوا نفسهم من فوبيا المياة ونفس الحال مع باقي المخاوف الاجتماعية بيميل الناس أنهم يبعدوا عن مصدر الخوف من الأول.

أما الأطفال الصغيرين بيكون الدافع اللي ورا  علاجهم أقوى بسبب رغبه الأب والأم في العلاج وبيكون بيعتمد في الأول علي مخاطبة عقل الطفل اللي جواه المخاوف، وهنا بيحاول المتخصصين على تغيير إدراك الطفل للموقف المرتبطة بالميه ويبدل المخاوف دي باستجابات إيجابية.
طرق علاج الخوف المرضى من الميه و فوبيا المياة:

  • أول شيء عشان تتغلب علي فوبيا الميه أنك تشحن وتشجع عقلك علي أنه عايز وعنده رغبه أنه يتعالج ويتغلب علي المخاوف ايا كان نوعها، وأنه يكون مستعد لحدوث أي شئ مش متوقع.
  •  بمجرد وضع النفس في حالة الرغبة في مواجهة الخوف اللي بيحصل أول ما يتعرض للمية، الخطوه الجاية دور عن صديق أو مدرب سباحة يتفهم الحالة اللي بتصيب الشخص عشان يقدم المساعدة ليه كويس.
  • ممكن تكون البداية في حمام السباحة، ممكن يبدأ بانه ينزل حمام السباحه ويمشي فيه علي رجله لحد ما يوصل للجزء العميق اللي بيغطى منطقة الصدر، ولو لقي الشخص أن قلبه بيدق بسرعه يحاول ياخد نفس عميق وما يقلقش لأن أستجابته دي طبيعية جدا.
  •  بمجرد أن الشخص يطمئن و يبتعد عن الشد العصبي اللي بيحس بيه لما ينزل الميه، يحاول انه يحط راسه في الميه ويقفل عينه ويحاول يطرد الهوا من مناخيره، ولما نفسه يخلص يميل وشه ولبره الميه وياخد نفس ويرجع يكرر العملية تاني .
  • الخطوة التانية إن الشخص يحاول يميل جسمه لورا لحد ما الميه تغطي ودانه، مع الاستمرار في التنفس بهدوء، الطريقة دي بتخلي الشخص أنه يتعود علي انه يبقي موجود في الميه إن الميه تبقي حوالين مناخيره و ودانه، وعشان الشخص ده يحاول أنه يستمتع بالميه كويس من الأفضل انه يركز علي الهدوء اللي بيحس بيه أول ما الميه تيجي علي ودانه و مناخيره لحد ما يسمع ضربات القلب، لحد ما يقدر يسترخي وهو في الميه.
  • الخطوة التالته، أنه يغوص في الميه، من خلال أنه ياخد نفس عميق ويسد فتحات مناخيره بأيده ويدخل دماغه وجسمه كلها تحت الميه بعد كده يخرج للسطح بسرعة ، في البداية التمرين ده هيكون صعب بس بالممارسه والتعود هيكون ممتع، وأنه يحاول يزود فترة بقاؤه تحت الميه بالتدريج.
  • وعشان يحصل الشخص علي راحه أضافية لما يجي يتعامل مع الميه، من المهم انه يعرف جسمه بيتعامل إزاي مع الميه، لما الرئة ودهون الجسم تتملي بالهوا الجسم لوحده بيطفوا فوق الميه من غير أي مجهود، وعشان يتأكد من أن ده فعلا بيحصل من الأفضل أنه يطلب المساعدة من المدرب أو أي حد بيعرف يعوم كويس بأنه يساعد الشخص أنه يرفعه علي سطح الميه، وياخد ساعتها نفس عميق ومن أول ما المدرب يسيب أيده الشخص هيلاقي نفسه بيطفوه لوحده فوق الميه .
  • بمجرد ما يحس الإنسان بالراحة والاستمتاع هيبدأ بالتحرك وانه يعوم في الميه، مع مراعاة أن يكون وشة في الميه ويحبس نفسه وهو جوه الميه ويطالع تاني ياخد النفس وينزل تاني، أو ياخد نفسه من الجنب بانه يميل وشه وياخد نفس ويرجع تاني.

وفيه معلومة مهمه جداً لازم يعرفها الشخص، أنه كل ما يعرض جسده للتوتر كل ما قل  الأكسجين اللي بيوصل لجسمه، فا الاسترخاء هو الحل عشان يقدر يستمتع بالميه المنعشة اللي بطري علينا حر الصيف.

عن الكاتب

حنان جمـال