البزرميط الدمـاغ

عشان تكمّـل المشوار لازم تبقى مرن

كتبها سها مطر

دايما بتواجهنا تحديات وصعوبات مش متوقعة  في الحياة سواء في العلاقات أوالشغل وعلشان تنجح لازم يكون عندك قوة داخلية تحارب بيها وتقدر تصمد ، المرونة هي الى هتخلينا نقدر نكمل  مشوارنا والأمل بيخلينا نفتكر دايما ليه بدأنا من الأول مهما واجهتنا مشاكل ودايما نفكر في هدفنا الى بيخلينا نتحمل المعاناة .

ودى خطوات مهمة هتساعدك تكون مرن قى حياتك :

  • متفصلش نفسك عن الناس :

أنك تكون مرن مش معناه أنك تعانى لوحدك وتفصل نفسك عن العالم وتكون من غير دعم ، ودى الوسيلة الوحيدة أنك تكون مرن بوجود علاقات بتدعمك ، ممكن مجتمعك يكون شخصين بس بترتاح معاهم والأحسن أن يكون في تنوع في خلفية الأشخاص وسنهم وبالتالي وجهات نظرهم . كمان التواصل مع الناس بيخلى عندنا نظرة أوسع وبيساعدنا نتخلص من أنانيتنا .

  • مفيش حاجة ملهاش حل :

لأننا منقدرش نمنع الناس من أنهم يقولوا ” لأ ” أو نمنع الظروف الى بتواجهنا أنها تحصل ،  لازم يكون عندنا إيمان كبير بإن مفيش حاجة منقدرش نتغلب عليها ودايما بيكون في طرق كتيرة حتى لو كتير بتكون الظروف عكسنا أو بنتقابل بالرفض .

  • التغيير هو الحاجة الوحيدة الثابتة :

من الثوابت في حياتنا كلنا هو التغيير وهو علامة على قدرتنا على التكيف والمرونة في استقبال التغييرات ، لأن الحياة مراحل ودايما متغيرة ، أهم حاجة هي أننا نقدر نعيش ونستمتع بكل مرحلة .

  • اتمسك كويس بحلمك :

أهم سؤال نسأله لنفسنا هو سؤال ” ليه ؟ ” لأنها الإجابة على نفسنا على كل حاجة حوالينا  والى هتوصلنا ل ” ازاى ؟ ” ، لأن المسئولية الى بنتحملها في الحياة بتكون أوقات كتير تجاه الناس  ، بيكون وأعمق دافع هو الحب و بيكون الإجابة على ” ليه ”  الى بيخلينا نكمل وبيخلى عندنا مرونة في التعامل مع أي مشكلة .

  • اكتشف نفسك وحبها :

أحيانا لما بتواجهنا مشاكل بنفقد الثقة في نفسنا ، لكن لازم نبقى عارفين أن أصعب حاجة بنمر بيها هي أكتر حاجة بتساعدنا أننا نتعرف على نفسنا أكتر ونكتشفها ، نصحح أفكارنا الغلط ، ونشيل الحواجز بينا وبين نفسنا ولأننا لما نحب نفسنا ده بينعكس علينا فبنضحك أكتر وبنبتسم أكتر وبيكون عندنا طاقة إيجابية كبيرة وبالتالي بنكون مرنين أكتر في حياتنا سواء في شغلنا أو في علاقتنا مع الناس حوالينا .

 

عن الكاتب

سها مطر