العلاقات

اضطرابات المراهقة : أزاي تبني علاقة ناجحة مع ابنك في فترة المراهقة

اضطرابات المراهقة

فترة المراهقة من أكثر الفترات صعوبة، لأن ابنك بيمر بكل التغيرات الجسدية والنفسية بسرعة جداً، مش هيلحق يستوعب هو في أيه وليه بيحصل كل دا، عشان كدا بيحصله اضطرابات المراهقة من الغضب والعنف ونوبات الخوف، والعزلة، ومعاملته معاك هتبدأ تتغير وتتأثر خصوصاً لو كنت بتعامله أكنه لسه طفل، وعشان تبني معاه علاقة ناجحة وتعدي بيه فترة المراهقة دي فيه شوية نصايح ممكن تستخدمها

نصايح للتعامل مع اضطرابات المراهقة

1-أحترمه : أحترمه قدام قرايبه وقصاد صحابه، عاملة زي ما بتعامل صحبك، لأنه في الفترة دي حابب يحس بشخصيته  

2- الثقة : زود ثقته بنفسه، اشكره كل ما يعمل حاجة كويسة، قوله الله عليك، أنت أد المسؤولية، بلاش تفتش وراه في كل مكان، أديله الثقة وفهمة أن الثقة مسؤولية

3- أحنا صحاب : عاملة زي ما صحابه بيعاملوه، الوقت دا بيميل لصحابه لأنه بيقدر يتكلم معاهم بمنتهى الحرية ويعبر عن رأيه من غير ما حد فيهم يقوله أنت غلط، فأسمعه زي صحابه من غير ما تحكم عليه، ممكن تدي ليه نصايح بس تقوله أن القرار في أيده

4- قلل الممنوعات : في فترة الطفولة كنت بتمنعه يلعب مع صاحبه دا، أو تمنعه يخرج بعيد، لكن لازم تفهم أن ابنك خلاص كبر، محتاج يخرج ويتعرف على صحاب ويعرف الحياة ماشية أزاي

5- الحدود : حتى للثقة حدود، قانون الممنوعات، هو مسموح ليه يتعرف على صحاب براحته ويخرج معاهم، لكن ممنوع التأخير لبعد 12 أو ممنوع السجاير، ممنوع أنه يلقط منهم أي ألفاظ سيئة

اضطربات المراهقة  بتبقى صعبه على ابنك قبل ما تكون صعبه عليك عشان كدا لازم تفهمه

6- التفهم : اضطرابات المراهقة حاجة عادية مريت أنت  كمان بيها عشان كدا لازم تتفهم أنه مش بأيده لما حالته تتغير، أو يضايق ويقعد ساكت، أو حتى نوبات الغضب إلي بتجيله كلها بسبب اضطرابات المراهقة، اتفهم موقفه أنه عادي وخليه يقعد لوحده لحد ما يهدى وأبدأ فهمه أن الفترة دي عادية وهتعدي

7- لأ يعني لأ : من غير ضرب ولا صوت عالي، لما يعمل موقف مش مسموح بيه أرفض، وقوله ممنوع وفكرة بقايمه الممنوعات إلي كتبتوها

9- القدوة والمثل الأعلى : خليه يختار مثل أعلى وقدوة، حد بيحبه جداً وبيسمع كلامه، ممكن تكون شخصيه مشهورة أو حتى من قرايبكم، المهم أن ليه حد بيسمع كلامه، يقدر في أوقات الأزمات بينكم يتدخل ويحل الموقف، خلي بالك مينفعش يكون قدوته حد مشهور بأفلام البلطجة والدراما لأن الدراماالدراما التلفزيونية وحش خطر على ولادنا

10- علمه الدين والأخلاق : أبدأ كلمه عن الدين والمعاملة الطيبة في الدين والأخلاق، خليه يهتم بدينه بشكل أكبر ويقرأ عنه

في اضطرابات المراهقة الحياة خد وهات مش خد بس

11- المقايضة : حاجة قصاد حاجة،  استخدم الأسلوب دا لما تحتاجة بلاش طول الوقت يحس أن حبك ليه عشان يسمع كلامك، لكن قوله ممكن تتأخر أنهاردا مقابل أنك تذاكر بكرة طول اليوم

12- فكره كل شوية : فكره كل شوية أنك أكثر حد بيحبه وأنك بتخاف عليه وبتثق فيه وأنه فعلاً الابن إلي بتتمناه من الدنيا، فكره لو نسي حاجة من إلي أتعلمها، فكره بمواعيده، بالنصايح، بكل حاجة أتفقتوا عليها

13-أعمل بنصايحك : لو بتنصحه ميشربش سجاير، بطل أنت سجاير، لو بتنصحيه يعامل أمه كويس، عامل أهل بيتك كويس لأنه طول الوقت بيقلد تصرفاتك

14- احترام الوقت : من أول قواعد الألتزام هو ألتزامه بالوقت والمواعيد، بداية من تأكيدك عليه على الصلاة في مواعيدها والرجوع للبيت في معاد معين عشان يحس طول الوقت أنه عنده إلتزام ولازم يعمله

15- الكلام الكويس : سمعه طول الوقت كلام جميل عنه وعن شغله وعن شكله حتى، وأن منبهر بتقدمه في الدراسة، وأن أخلاقه مفيش زيها

16- المقارنة : بلاش مقارنة خالص وأسلوب خليك زي ابن عمتك إلي جاب 97% وخليك مؤدب زي ابن عمك مدحت، لأنك هتكره في ابن عمه وفي عمه مدحت نفسه وفيك وفي نفسه

أحكيلنا عن معاناتك مع ابنك إلي عنده اضطرابات المراهقة وبتتعامل معاها أزاي؟

 

عن الكاتب

سلمى شرف الدين

سلمى شرف الدين ، خريجة إعلام ، وبحب الدوبلاج والكتابة