حاجات ممكن تعملها هتساعدك عشان تظبط ضغط الدم وتقلل توترك

ايه اللي ممكن تعمله في حياتك اليومية ممكن يساعدك في إنك تقلل من توترك وبالتالي تظبط ضغط الدم وتحافظ علي صحتك البدنية والنفسية سوا.

اما تبقي متعود أنك تمارس بشكل يومي شوية أنشطة تقلل من توترك رغم أنها ممكن ما تخليش ضغط دمك ينزل بسرعة، بس ممكن تلاقي كمان أساليب مختلفة هتساعدك أنك تسترخي وتقدر تحافظ علي صحتك ويبقي عندك أنماط السلوك مفيدة وتبعد عن السلوكيات اللي ممكن ترفعلك ضغط دمك .

وهنا هنحاول نقولك علي شوية طرق وسلوكيات وأساليب ممكن تعملها عشان تقلل التوتر وتساعدك إنك تسترخي.

  • خلي جدولك الزمني بيسط : لو كنت حاسس أنك واقع تحت ضغط حاول تخلي جدولك الزمني بسيط، إزاي خد وقت صغير كده وبص علي الجدول بتاعك وشوف إيه الحاجات اللي ممكن تاخد منك وقت طويل عشان تنفذها لكنه مش مهمه أوي بالنسبة ليك ممكن هناتلغيها أو تديها وقت أقل من الوقت المخصص ليها.
  • اتنفس عشان تسترخي، حاول، بشكل مقصود تمامًا،أنك تهدي من تنفسك وتتنفس بشكل أعمق واتعلم وشوف فيديوهات بتتكلم عن التنفس اللي بيساعد علي الاسترخاء ونفذها بشكل متكرر.
  • الرياضة ثم الرياضه ثم الرياضه:دي  بقي العلاج الطبيعي للتوتر، بس قبل ما تعمل كده ارجع لدكتورك الأول هل اللي هتعمل ده مناسب لحالتك الصحية ولا لا وخاصة لو  تم تشخيصك بارتفاع ضغط الدم قبل كده ،دا لأن النشاط البدني مخفف طبيعي للتوتر لانه ممكن يساعدك في  تقليل قيم ضغط الدم الانقباضي عندك حتى 5 إلى 10 ملليمتر زئبق (mm Hg)
  • حاول تمارس اليوجا أو التأمل: اليوجا مش بتساهم بس في أنه بتقوي جسمك لا دي كمان بتساعد علي الاسترخاء وبتقلل ضغط الدم الانقباضي عندك لحد ما يوصل 5 إلى 10 ملليمتر من الزئبق (mm Hg) أو أكثر من كده.
  • حاول تاخد حصتك كامله في النوم : ده لأن قله النوم ممكن تخليك تدخل في مشاكل تانية خالص أنت في غني عنها .
  • غير وجهة نظرك: أما تواجه مشاكل غير من طبيعة الشكوي في الوقت ده وأرضي بشعورك في الحالة اللي أنت فيها وركز علي أنك تلاقي حل للمشكلة .
  • الهدف والمطلب هنا هو أنك تلاقي طريقة اللي تناسبك في التعامل مع مشاكل حياتك والمواقف اللي بتتحط فيها، وفتح مخك وحاول عشان تبقي أهدي.

وسعات كتير ممكن يتم تشخيص مرضى القلق النفسى علي أنهم مصابين بارتفاع الضغط، ده لأن القلق النفسى ممكن يسبب ارتفاع فى الضغط، دا نتيجة لإفراز هرمونات بالدم، دا غير أنه بيسبب زيادة فى سرعة ضربات القلب، وكمان القلق النفسى ممكن يسبب الصداع، وبالتالي بيزود فرصه أنه يتم تشخيص الشخص علي أنه مريض بضغط الدم.
والطبيع أن ضغط الدم الطبيعى بيختلف باختلاف السن، دا لأن  فى المتوسط ومع الهدوء النفسى من12 سنه لحد سن 50 سنه ممكن يوصل الضغط لـ 120 ملم من الزئبق أثناء انقباض القلب و80 ملم عند انبساطه.
وممكن يزداد بعد الـ50 إلى حوالى 160/ 100 أما لو زاد على المعدلات  هنا ممكن نسميه أنه مريض بارتفاع ضغط الدم، في حين أن  الضغط فى الأطفال بيكون علي حسب السن.

وهنا لازم نعرف أن ارتفاع ضغط الدم مش بيكون مؤشر لأعراض وأمراض تانيه بس ممكن يبقي كده لو وصلنا لمرحلة مضاعفاته، وهنا بيكون الكشف الدوري مهم على الضغط وخصوصاً بعد سن الـ40، ولكن من الأعراض اللى تلفت النظر صداع فى الرأس من ورا دا غير الإحساس بثقل فى الرأس، وصعوبة فى التفكير، والتركيز وبتظهر الأعراض الحقيقية لارتفاع الضغط أول مع تبدأ مضاعفاته، اللي ممكن يتكون واحداً من ثلاثة:
-هبوط بعضلة القلب يسبب نهجانا مش طبيعى أو تصلباً بشرايين القلب.
-تصلب بشرايين المخ ممكن يسبب أعراضاً عصبية، زي ثقل الحركة أو الكلام، ويكون مؤقتاً، ويسبب اختلال فى توازن الجسم، وممكن ينتهى بشلل نصفى أو نزيف مفاجئ فى المخ.
-فشل فى وظائف الكلى خصوص لو كان ارتفاع ضغط الدم، نتيجة لمرض ، أو ما يعرف بارتفاع ضغط الدم الخبيث.

اترك تعليق