الصحة النفسية

المزاج المتعكر ممكن يكون ليه أسباب كتير زي الأكتئاب أو التوتر أو اضطرابات شخصية تانية

المزاج المتعكر ممكن يكون ليه أسباب كتير زي الأكتئاب أو التوتر أو اضطرابات شخصية تانية

المزاج المتعكر أو الحالة المزاجية اللي مش ولابد بيعاني منها كتير من الناس، وسعات المزاج بيكون حبه فوق وحبه تحت، بس السؤال هنا هو دا طبيعي ولا سببه أيه .

والزيتونه هنا بتقول هل الحالة اللي أن فيها بتمنعك أنك تمارس حياتك بشكل طبيعي ولا لا، دا لآن فيه حاجات كتير بتحصل في اليوم ممكن تأثر علي الحالة المزاجية ، وساعات كمان فيه ناس ممكن تحس بالنشاط والتفاؤل علي الضهر كده وعلي العصاري أو النغرب تلاقيها قلبت علي المشاعر السلبية.

لكن أحيانا بتكون التقلبات المزاجية دي أعراض للأمراض العقلية ، أو دليل على وجود مشكلة في  الجسم ، والتقلبات المزاجية الخطيرة ، اللي بتهدد كيانك ، ممكن علاجها مع الدكاترة دا غير  أن تغيرات نمط الحياة ، ممكن يساعدك بس دا في الحالات المتوسطة .

ايه هي أسباب التقلبات المزاجية :

  •  القلق والتوتر : بحصل كل يوما حداث ممكن تسبب لينا شوية متاعب دا غير المفآجئات اللي مش متوقعة اللي ممكن تأثر علي الحالة المزاجية للأشخاص، وأما يكون الشخص حساس زيادة عن اللزوم ف دا بيخلي رده فعله تكون أوفر شوية في مواقف معينه أكتر من ردة فعل الناس التانية.دا غير أن لة النوم دي الشكوي اللي بيشتكي منها كتير من الناس اللي بتعاني من التوتر، دا غير عدم الشعور بالارتياح ، الخوف والقلق ، حتى لو مفيش سبب محدد لشعور ده ، ودول بقي بيسموهم مرضي القلق العام ، فا لو كنت بتعاني من القلق ومش قادر تتحكم فيه لمدة أكثر من 6 أشهر ، وكمان عندك مشكلات النوم ، هنا من الافضل انك تروح للدكتور.
  • مرض ثنائي القطب :  الأشخاص اللي عندهم المرض ده بيعانوا من ارتفاع وانخفاض في الحالة المزاجية  وبتكون شديدة أوي وبتستمر لفترة طويلة أكثر من المعتاد، الطبيعي أنك تحس بالعظمة أما تيجي تعمل حاجه كويسه أو انجاز معين، بس هنا الناس اللي عندها المرض ممكن يفضلوا يحتفلوا بأنحازهم  أيام، دا غير أنهم ممكن يتكلموا بسرعة ويعملوا حاجات مدمرة علي المستوي الاجتماعي أو العائلي ، وممكن كمان يوصلوا لمرحلة الهوس.
  •  الإكتئاب : كمان الناس اللي عندها اكتئاب بيكون مزاجها متعكر ومش مظبوط ومتقلب يعني ساات بيكونوا محبطين وشوية يتحسنوا بس دول بقي مش بيوصلوا لمرحلة الهوس اللي بيوصل ليها  مريض ثنائي القطب ، دا لان مريض الإكتئاب اللي بيبقي مدايق الصبح ممكن الحالة دي تروح منه علي أخر النهار ، فا لو كنت بتعاني من الشعور باليأس والاحباط والحزن وأنك معندكش طاق تعمل أي حاجه واستمر معاك الأحساس ده لأكتر من أسبوعين هنا لازم تروح للدكتور.
  •  اضطراب الشخصية الحدية : ودا بيتشخص علي أنه واحد من الأمراض العقلية ، وبيحصل  فجأة ، وبيكون معاه تقلبات مزاجية  زي  القلق و الغضب ، أو الإكتئاب  وغالبا بدون الارتفاع المبالغ يعني مش زي اللي بيحصل مع مرضى ثنائي القطب ، وبيحصل غالبا  بسبب حاجات ممكن تكون عادية للناس العاديين بس اللي عندهم اضطرابات الشخصية الحدية الموضوع بيكون غير، لانهم مش بيقدروا يتعاملوا مع التوتر بشكل مناسب وممكن يأذوا نفسهم لو حسوا بالتوتر أو عدم الاستقرار أو أنهم مش مرتاحين .
  •  مرض قصور الإنتباه وفرط الحركة : التقلبات المزاجية ، الطبع الحاد ، الغضب السريع ، ممكن يتكون عرش من أعراض مرض ADHD  عن البالغين ، فا لو كنت بتعاني الأعراض دي و حط عليها الشعور بعدم الراحة ، التهور وعدم القدرة على التركيز يبقي كده مزاجك مش هيبقي في التمام.
  •  اضطرابات الهرمونات : كمان بترتبط الهرمونات الجنسية بالعواطف ، عشان كده تلاقي أن تغيير معدلات الهرمونات ممكن أنه يجيب حاله من التقلبات المزاجية ، عشان كده بيقولوا علي المراهقين بأنه أشخاص مزاجهم متقلب، وبالنسبة للستات بيجيلهم التقلبات المزاجية في بعض الأوقات زي فترة اللي قبل الدورة وفي الحمل وفي سن اليأس ،لكن بتفضل الهرمونات عند الرجاله مستقره لحد سن 30 لحد ما يبدأ هرمون التيستسترون أنه يقلن ولقوا أن حوالي  1/3 الرجال اللي عندهم 75 عام من انخفاض هرمون التيستيستيرون ، واللي يسبب التقلبات المزاجية ، دا غير ضعف الإنتصاب ، مشكلات النوم والومضات الساخنة.

طب عرفنا السبب ايه العلاج بقي وإزاي تتعامل معاها :

  • لما تأثر التقلبات المزاجية على شغلك ، علاقاتك أو أي جزء من حياتك ، لازم تحدد ميعاد مع الدكتور بتاعك بسرعة عشان تعرف إزاي تقدر تتعامل مع النوعية دي من التقلبات، عشان ممكن شوية تغيرات بسيطه هتساعدك أنك تتعامل مع التقلبات المزاجية الخفيفه اللي بتتعبك وتتعب اللي حواليك كمان.
  • و ممارسة الرياضة بانتظام حتى المشي يوميا ، ممكن يساعد في علاج الإكتئاب والقلق ، لأنها تساعد الجسم علي أنه ينتج  هرمون الإندروفين ، وبتحسن النوم .
  • وكمان  الإستماع إلى الموسيقى الي بتخلي الشخص متفائل ممكن تعالج التقلبات المزاجية ، وتناول الكافيين ممكن يسبب بعض الأعراض المشابهة للقلق ، عشان كده جرب تبطله ولاحظ الفرق.
  • والعلاج المعرفي المجتمعي هو نوع من العلاج على المدى القصير ، وهيساعدك أنك تغيير نمط التفكير والسلوك ، اللي بيسبب لك المشكلات الحياتية ، زي مثلا لو  كان النقد يسبب لك السقوط أو الإنهيار ، ممكن تكون تحتاج للعلاج بطرق مختلفة ، بأنك تستقبل  ردود الفعل البناءة وترد عليها .
  • والعلاج السلوكي الجدلي ، ممكن يساعد مرضى اختلال الشخصية الحدية على أنه يتعلم كيفية تحسين التحكم في الغضب والإندفاع ، وإدارة تقلبات المزاج الدراماتيكية .

عن الكاتب

حنان جمـال