ساعد نفسك

التوتر بيضغر حجم الدماغ إزاي نحاربه ؟

التوتر بيضغر حجم الدماغ إزاي نحاربه ؟

التوتر بيأثر علي صحتنا نفسيا وجسديا و وكمان بيأثر علي الدماغ المخ يعني وبيصغر حجمه وده ملوش علاقة خالص بمقوله اللي بتقوله مخه صغير هنا بيقصده التفكير لكن هنا إحنا نقصد الدماغ نفسه المخ بالشكل البيولوجي بتاعه.

وفيه دراسة قام بيها باحثين من جامعة Yale University  لقوا أن التوتر بيساهم في أنه يقلل من حجم المادة الرمادية اللي في الدماغ اللي موجودة في مركز النخاع واللي بتكون مسؤولة عن التحكم بالنفس.

لو عايز تعرف معلومات اكتر عن التوتر بص علي المقال ده

والدراسة لقت أن الإصابة بالتوتر والكآبة ممكن أنه يؤدي لانكماش الدماغ بسبب توقف تشكُل روابط عصبية جديدة.

و وصلوا للنتيجة دي بعد ما حللوا  أنسجة دماغ متاخده من ناس ماتوا، ولقوا أن الناس اللي ماتت دي وكان عندها اضطرابات الكآبة وتوتر لقوا عندهم نُدرة في خمسة جينات القاسم المشترك بينهم أن لكل جين منهم ليه دول في التواصل داخل الدماغ.

ولقوا أن أدمغة المتوفين اللي خدوا منها عينات دي وكانوا بيكتأبوا كتير وبيتوتروا كتير، لقوا فيها بروتينات “جاتا 1” كتير ودي ليها علاقة بعمليات التحول الجيني اللي ليها علاقة بمنع الجينات من التواصل وبالتالي المخ بينكمش ومش بيكون وصلات عصبية جديدة بتساعد علي التواصل.

إحنا لسه مع الدراسة، وكمان لقوا إن قلة التواصل داخل المخ بيتسبب بفقدان الكتلة الدماغية اللي موجوده  في المنطقة الأمامية من الدماغ، أما ليه بقي بيبقي عندنا بروتين جاتا 1كتير في دماغنا لأن النوع ده من البروتينات بتفرزه الدماغ لما بنحس بالتوتر، واللي بيتوتروا كتير بيكون عندها البروتين ده أوفر وبيتسبب في أنهم مش بيقدروا يتواصلوا مع الناس بشكل كويس وكمان الراوابط العصبية اللي في مخهم  مش بتزيد وبتفضل علي وضعها .

أما الأعراض اللي بنشوفها فعليا علي الناس اللي بتتوتر زي ارتفاع ضغط الدم، وتلاقي التنفس بقي عالي وزيادة دا غير المشاكل اللي  في الجهاز الهضمي وضربات القلب السريعه ، وغير أعراض وسلوكيات تاني بنلجأ ليها لما بنحس بتوتر زي، الأكل الكتير أو القليل علي حسب طبيعة الشخص ، نوبات عصبية،شرب الخمره، التدخين بزياد، العزلة الاجتماعية، العياط الكتير،دا غير الخناقات الزوجية.

ايه اللي بيعمله التوتر كمان في جسمنا

التوتر بيحفيز الجسم انه ينتج أعداد كتيره من خلايا الدم البيضاء، علي ان فيه التهاب او مرض معين بالجسم ودا رد طبيعي من جسمنا علي التوتر، ورغم إن خلايا الدم البيضاء  دي مهمة بالنسبة للمناعة والمقاومة، إلا أن لما تبقي موجودة بكتره في الجسم وفي المناطق الغلط بيتكون ليها تأثير سلبي .

كمان التوتر بيحفز النخاع العظمي علي أنه ينتج خلايا الدم البيضاء من نوع ليكوسايتس، واللي بيتجمع الفائض منها علي  جدران الأوعية الدموية الداخلية وبالتالي بيضيق مجرى الدم، ومنها ممكن يسد الأوعية الدموية ويوقف سريان الدم فيها، أو ممكن الجلطات دي او الدم المتخثر يروح لأماكن تانية في الجسم ويعمل مشاكل زي الضغط أو تصلب الشرايين.

وعشان نتفادي ان مخنا يصغر

  • قول ” لأ”:

فيه دراسة علوها باحثين من جامعة  University of California لقوا أننا لما منقدرش نقول لأ علي موقف إحنا مش عايزين نعمله  بيزود  من حالة التوتر اللي بنحس بيها، وهنا كلمة لأ مش معناها عند أو تحدي لكن نقولها لما نكون مش مستعدين او مش مهيئن نسيا عشان نوافق.

فقول كلمة لا يعد تحدياً للعديد من الأشخاص، ولكن من المهم استخدامها، فعندما تشعر ان القيام بهذا الأمر لا يناسبك يجب أن تقول لا.

  • ابعد عن الانترنت شوية :

وجود الانترنت في حياتنا بيخلينا مجبرين إننا نبقي متصلين بيه علي طول وده بيخلينا نحس بالتوتر علي طول، وبالتالي لما نقفل الواي فاي بتاع التليفون شوية أو نطفي الرواتر بتاع النت شوية هنقدر نقلل من التوتر والضغط ونركز علي حياتنا واللي بيدور حوالينا في الشغل أو البيت.

  • ابتعد عن الناس السلبية:

التعامل مع  النوعية دي من الناس بيكون منهك ومرهق ومتوتر ، حط حدود بينك وبينهم أو أبعد عنهم شوية وتقلل من الوقت اللي بتقضيه معاهم .

  • تخلص من الحقد اللي جواك:

لما يكون جواك مشاعر سلبية فدا ممكن يزود من التوتر، وإصرارك على وجود مشاعر الحقد لحد معين هيزود من التوتر اللي بتحس بيه، والعكس صحيح، تخلصك من الأحقاد دي هيحرر نفسيتك ويخفف التوتر اللي عندك.

  • رتب أولويات حياتك بالتدريج

لما نعمل إعادة لترتيب اولوياتنا بحث أنها تاخد شكل السلم، هيقلل كتير من التوتر والضغط اللي احنا عايشينه، لما تعيد ترتيت الأولويات من وقت لتاني هيضمن لك انك تعيش بسلام بعيد عن التوتر.

  • اطلب المساعدة:

لا تتكسفش أنك تطلب المساعدة لما تحس بالضغط والتوتر من الناس القريبين منك، لكن لو عملت كده وطلبت المساعدة هتقدر فعلا تتخلص من المشاعر السلبية  اللي عندك وهتقوي علاقتك بيههم كمان.

فيه كمان شوية نصايح تانيه ممكن نعملها في حياتنا عشان تقلل من التوتر وتأثيره السلبي علي صحتنا زي ممارسة الرياضية، مش كل حاجه تشيلها أنت قسم شغل مع الناس التانية في الشغل أو في البيت، ما تنتازلش عن حاجه لو أنت مش مستعد لكده،قلل من شرب المنبهات، كل أكل صحي،ضيف الخضار والفاكهة لأكلك، وخد وقت لنفسك شوية،استخدم تقنيات النفس عشان تتخلص من التوتر ، اليوجا والتأمل برضه بيفيداو .

بعض الحالات النصايح اللي قلناها مش هتفيد، هنا من الافضل انك ترجع للدكتور عشان يوصفلك دوا يقلل من التوتر، لكن خلي بالك من أنك تدخل في مرحله الأدمان .

عن الكاتب

حنان جمـال