العلاقات

هوس العظمة: ازاي تتعامل مع الشخص المغرور

هوس العظمة

كلنا بنقابل الشخص المتكبر، المغرور، عنده هوس العظمة واضح في كل تصرفاته وكلامه، لدرجه بتضايقك وبتخليك مش قادر تتعامل معاه، الناس المغرورة دي غرورهم مش ثقة في نفسهم ولا في شغلهم أبداً، غرورهم ليه أسباب تانية، والتعامل معاهم مش صعب ولا حاجة هو بس محتاج احتواء للموقف

أيه سبب هوس العظمة

  • هوس العظمة أو النرجسية أو الغرور، سببها دفاع من العقل الباطن عن الإنسان، حيله بيعملها مخه عشان يتفادى الأنتقاد، ميخلكش تشوف الجزء الضعيف إلي عنده
  • بسبب نقص الأهتمام ومش هيقدر يقولك أهتم بيا، فبيبدأ يخرج دا في شكل أهتمامه وأعتزازه بنفسه
  • قله ثقة في النفس بيجملها بالغرور

ازاي تتعامل مع الشخص إلي عنده هوس العظمة

1- ثقتك بنفسك :

  • مهما قلل منك، قال عنك كلام سلبي، كبر دماغك، أنت عارف نفسك وشغلك وواثق من نفسك، مع ثقتك بنفسك هيحس أن كلامه ملهوش أي أهميه فيهبدأ  يقلل من غروره، اقرا دا 7 حاجات سريعة جداً تظهرك واثق من نفسك

2- اسمع وجهه نطره :

  • لو الشخص المغرور فضل ينقد شغلك، أو علاقتك بيه، اسأله طيب ليه أيه التقصير من وجهه نظرك ولو قالك فهمه أنك مقدر رأيه وحاول تقلل من التصرف إلي بيضايقه عشان يقلل غروره أو يتجنبك

3- بلاش تسرع :

  • التسرع في الحكم وطريقة التعامل هتخليك تغلط وتختار أسوء الوسايل في الأقناع والكلام، عشان كدا أصبر وأعرفه وأعرف مفاتيحه وطرق التعامل معاه

4-تجاهل وتغافل :

  • كبر مخك من كلامه وأغفر ليه كلامه عن نفسه وغروره، وتغافل عن أخطائه، وعلمه التسامح والمغفرة والتقبل للعيوب

5-غير الموضوع :

  • بيتكلم عن نفسه بشكل مبالغ، حاول تغير الموضوع وتقوله شوفت حصل معايا أيه أنهاردا وأبدأ أحكي عن تفاصيل يومك وحياتك ومع الوقت هيبدأ يندمج في حياتك كل ما يتكلم عن نفسه هيتعود يتكلم معاك عن نفسك كمان

كن قدوة للشخص إلي عنده هوس العظمة 

6- متتفاعلش معاه :

  • بطل ضحك على كل كلمة بيقولها، وتقوله أيوة وتنبهر، عدي كلامه عادي جداً من غير أنبهار، هيحس أن كلامك مش مأثر عليك فهيقلل كلامه عن نفسه

7-كلامك يكون هادي وبأحترام:

  • كلام مفهوش عداء، ونفور من شخصيته بالعكس، كلام ودود، أنت متفهم هو مغرور ليه وفاهم موقفه، فهتسمع وجهه نظره وتحترمها وتقول رأيك باحترام

8- خليك قدوة :

  • مينفعش تطلب منه يقلل من غروره وأنت كمان مغرور، خليك متواضع ومريح في التعامل عشان يعرف يتعامل زيك

9- فكره بقصص عظماء متواضعين :

  • أحكيله من السيرة النبوية والصحابه وملوك كانوا متواضعين، وأن الغرور مش صفة للعظماء بالعكس، العظيم بعمله واجتهاده مش تكبره على الناس

10- خليك رخم :

  • لو مفيش حل معاه خالص ولسه شغال على هوس العظمة عنده، يبقى أتعامل برخامة، يكلمك، أضحك في وشه ضحكه سخيفة سمجة، يحكيلك عن مغامراته، أعمل تعبير وش يحسسه أنه بس كذب بقى

11- متتعاملش معاه :

  • شوفته في أي مكان حاول تتجنبه، وتقلل الكلام معاه، وتختفي من قصاده، حس بغلطته يبقى تمام هيبقى كويس ويتعامل من غير غرور،  فضل زي ما هو أنت الكسبان

 

عن الكاتب

سلمى شرف الدين

سلمى شرف الدين ، خريجة إعلام ، وبحب الدوبلاج والكتابة