إزاي تتعامل مع حد عنده اضطراب الشخصية الحدي

هنا هتلاقي شوية نصايح هتساعد في التعامل مع الشخص اللي عنده اضطراب الشخصية الحدي وده لأن النوع ده من الاضطرابات بتكون رده فعلها غير متوقعه أو فيها الحدود القصوي وبيكون في حاله قلق دائم وخوف هنا ممكن تبقي رده فعلك أو تصرفك غير مناسب لطبيعه الشخص هتزود  من حاله الاضطراب اللي عنده أو تدفعه أن يروح لمراحل اصعب اللي ممكن يأذي فيها نفسه .

ممكن هنا تعرف تفاصيل أكترعن اضطراب الشخصية الحدي : يا ابيض يا أسود زي عراضة وانواعه

1- خليك واقعي 

هنا أنت مش هتقدر تتكيف مع الشخص اللي عنده أضطراب الشخصية الحدي او حتي تساعده إلا لو عرفت أزى تتعامل أو تتواصل معاه بشكل سليم .

الفكرة هنا أنك تحاول تتعامل باحترام يعني تحترم نفسك وتحترم الشخصية اللي قدامك حتي لو كانت بتعاني من اضطراب ما بعيدا عن السخريه.

2- ابعد عنه في حاله الغضب (عشانك)

ابعد عنه أو سيبه لو فشلت أنك تقدر تتحمل الخطر الجسدي أو الأساءة النفسية أو العاطفية اللي ممكن تصدر منه دا علي أساس مشاعره الغاضبة في تعاملاته معاك. بس طبعاً انت بتبعد عشان فاهم أبعاد المرض خاصة لو كنت الكائن الأضعف جسمانياً (والدك، جوزك، أخوك الكبير، الخ..) لكن ما تبعدش عنه لدرجة إنك ممكن تسيبه يأذي نفسه. إمسك العصايا من النص وميز بين الغضب والإحباط ومشاعر الاكتئاب. وممكن تستعين بالنصايح اللي موجودة في المقال ده عشان تقدر تساعده بيها.

3-خليك واضح وصريح في كلامك

هنا بنقصد أنك لما تيجي تحاوره خليك بسيط جدا ابعد عن الألفاظ المكلكعه أو اللي ليها تفسيرات تانية . دا لأن الأضطرابات الشخصية الحدية بتخلي العاطفة عالية لما يجي يتكلم مع حد تاني.  اتكلم بجمل قصيرة وبسيطة ومفهومه وواضحه عشان ما تسيبش فرصه لتفسيرات تاني ممكن تكون بعيده عن اللي كنت تقصده .

4- افصل بين سلوكه وشخصيته الاساسية

افصل بين سلوك الشخص اللي هو راجع للأضطرابات الشخصية نفسها وبين شخصيته قبل ما يكون مضطرب أصلا .

ده لان في العادي لما مايكونش عاجبك سلوك الشخص أنت هتبقي كاره الشخص ذاته فا حاول تفصل بين الناحتين السلوك والشخص .

5-سمي مشاعرك قبل ما تنفذها

في الطبيعي أنك بتتصرف الأول وبعدين تقول مشاعرك اللي كانت سبب في التصرف .

هنا هتعمل العكس قول اللي أنت حاسس بيه تجاه الشخص بعدين أتصرف .

لان لو عملت السلوك الطبيعي

مش هتلاقي من الشخص اللي بيعاني من اضطراب الشخصية الحدي إلا أنه علي طول هيعكس العملية وبكده هيفهمك غلط وهيفسر سلوكك ناحيته غلط.

عشان نفهم أكتر هنا لو مثلا أنت ماخدتش لسه الطلبات بتاعت البقالة.

هتتفسر أنك عايز تمشي وتسيبه وهنا انت ممكت ترفض أنه يتهمك بالتصرف ده .

لكن الأنسب توضح الحقائق

6-حافظ علي هدوءك لما تيجي توضح وجهه نظرك

هنا ممكن تتعرض لتصرف أو هجمه قوية من الشخص المقابل أو تلاقية بيحاول أنه يغير الموضوع .

هنا من الأفضل أنك تحاول تحافظ علي هدوءك لما تكون بتوضح وجهه نظرك أو ليه اتصرف كده أو ايه اللي تقصده من كلامك معاه

7- اعكس الاسئله.

بمعني لو فيه مشكلة معينه بتناقشوها أسئله هو ازاي تتحل وايه الحلول البديلة أو المبتكرة للمشكلة .

يعني مثلا لو ماشيين في طريق أسئله نمشي من هنا ولا من هناك الفكرة هنا أنك تشركه في الحل ومتخليش مخه يطرح اسئله ويحاوب عليها وفقا للحدود القصوي اللي بيتعامل بيها وبسبب قلقه وخوفه .

8-أفتكر أن التوقيت ىمهم

اختار الوقت المناسب للحديث معاه وتختار الكلام في الموضوع المناسب في الوقت المناسب ليه .

لأن لو هتتكلم علي انك هتسيب شغلك ده هيخلية يحس ان فيه احتمال أنك كمان تسيبه.

ممكن تكون طريقة العرض هنا صعبة عرض المشكلة لانك هتكون متوقع هو هيفكر فيها ازاي بأسلوب الأنحرافات طبعا  ممكن هنا نأجل الكلام عن الموضوع أساسا في وقت هو حاسس فيه بالأمان معاك.

9-لو لقيت الكلام بقي غير منتج وغير هادف انهي المحادثة وأجلها .

أجلها : بمعني لو فيه موضوع معين بتناقشوا ازي تأجل الكلام فيه ممكن تقوله ” مش ممكن نتكلم عن حاجه تاني أونبقي نناقش الموضوع في وقت تاني ؟ أو تقول ” ممكن تديني وقت افكر في اللي بتتكلم فيه”.

من المهم هنا أنك تتكلم بهدوء وتوضح ليه هتأجل الكلام ممكن تقول معلش أنا مدايق دلوقتي ومش عايز ازعلك.

أو بطريقة تانية ” أنا مدايق دلوقتي بس ممكن تديني وقت أعرف أفهم مشاعرك عشان هي مهمه عندي.

خلي بالك لازم تفكر نفسك طول الوقت ان الانتقاد الجامد اللي بيمارسه الشخص المضطرب عليك مش حقيقي وما تخدتش بتعلقات الناس اللي حواليك .

بما أنه الاضطراب الحدي بيتميز بالحدود القصوي زي انه يكون ايجابي اوي في تصرفاته أو سلبي اوي

وكمان الاندفاع أهم ما يميز الشخصية الحديه زي مثلا يرمي حاجه من البلكونه وقت تهوره او اندفاعه وممكن التهور يكون لفظي انه يطردك مثلا .

او علي النقيض لو بنت ممكن فجأه تقولك تعالي نتجوز بكره اي حاجه فجاه وغريبه

اترك تعليق