الاكتئاب والحمل : هرمونات الحمل واللي بتعمله

علي الرغم أن خبر الحمل في حد ذاته مفرح، بس لقوا إن الاكتئاب والحمل ليهم علاقة ببعض في الفترة العصيبه اللي بتمر بيها الست بدأ من خبر الحمل لحد الولادة وممكن يكمل بعدها كمان، وهنا الست بتحس بفرح وحزن في نفس الوقت الفرح معروف سببه والحزن كمان هو نس سبب الفرح، ده عشان حاله القلق والتوتر والخوف اللي بتحس بيهم الست لما تعرف إن فيه نونو صغير هيشرف وهتبدأ مرحله جديده، خصوصا لو كانت أم لأول مرة.

ايه هي علامات ومؤشرات الاكتئاب علي الست الحامل

رغم إن فترة الحمل دي من الفترات اللي ممكن الست يكون عندها مشاعر ايجابية، بس ده مش بيبقي عند كل الستات، الاحصائيات بتقول أن فيه ست واحده حامل من أصل 1 ستات حوامل بيجيلها نوبات الاكتئاب مع الحمل.

ممكن الست تتجه إنها تكبت مشاعرها السلبية اللي ممكن بتحس بيها، وتتظاهر أنها بيس وتمام ومبسوطة، علي أساس أن اللي حاصل هو مجرد مزاج متقلب سببه الحمل، بس ممكن الأمر يتطور ويقلب بأكتئاب.

مفيش أعراض محدده ممكن تسبب الاكتئاب، عشان الموضوع مختلف من شخص للتاني، فيه ناس ممكن تعاني من أن معنوياتها منخفضة أو مزاجها مش اللي هو، وبيبقي عندهم رغبه في العياط، وبيحس انه ملهوش فائدة في الحياة وبيميل للعزلة، وبالتالي الاكتئاب هينعكس علي الحياة اليومية وتدخل منحني تاني خالص.

وهنا هنقولك شوية أعراض للأكتئاب لو عندك حوالي 5 منهم  ومتأكده انهم جم مع الحمل ارجعي للدكتور بتاعك.

  • مش قادرة تركز ، وقلقانه وعصبية ومتوترة
  • مشاكل في النوم وحاسه إنها علي طول تعبانه ومرهقة.
  • عادتها في الأكل بتتغير سواء الأكل الكتير او سدة النفس.
  • مش قادرة تستمتع بحياتها وبالفترة اللطيفه اللي بتعيشها والنونو لسه جوه.
  • دايما حاسة بالحزن وعندها إحساس بالذنب وبتعيط كتير.
  • خايفه من شيل مسؤولية  النونو الجديد،  وعندها إحساس دايم إنها مش قادرة تعمل توازن وتنسيق بين البيت والشغل.
  • بتميل إنها تكبت مشاعرها.
  • عندها خوف مرضي سواء من إنها تفقد النونو  أو أنها تقفد رشاقتها وجسمها دا غير التغيرات الجسدية اللي هتكمل معاها بعد الولادة كمان.
  • كبت المشاعر والأحاسيس.
  • مكن تيجيلها هاجس أنها عايزه ترجع في كلامها وتتخلص من الحمل كله وتبقي طبيعية زي الأول.
  • مش بتهتم بنضافتها الشخصية .

ايه بقي اللي بيسبب الاكتئاب في الحمل؟

كانوا فاكرين أن هرمونات الحمل بتقوم بدور “وقائي” من الاكتئاب، لأن فيه كتير من الستات بيحسوا بالسعادة في الحمل. لكن لقوا أن الضغوط والتوترات الخاصة بالحمل ورعاية الأطفال الصغار ممكن تزود من فرصه الست إنها تصاب بالاكتئاب.

من ضمن الأسباب اللي ممكن تجيب اكتئاب:

  • ضغط وتوترات الحياة: أي تغيير كبير في الحياة ممكن يسبب الاكتئاب.
  • الدخل المنخفض أو المحدود: ساعات برتبط الخوف والاكتئاب بالمشاكل المالية اللي ممكن تحصل في الحمل عشان التكاليف الزيادة من دكاترة و ادوية ومصاريف ولادة وغيرها.
  • مشاكل في الحمل: الحمل المضطرب، أو اللي فيه تعب كتير ومشاكل ممكن يأثر علي الناحية العاطفيه ويسبب اكتئاب.
  • مضاعفات حمل سابق: من المحتمل أن الأحداث اللي مررت بها الست في حمل و ولادة بمرحلة سابقه تظهر تاني وتأثر علي مشاعر الحامل في الحمل الحالي، وفيه دراسات بتقول إن فيه علاقة بمضاعفات حمل سابق وبين اكتئاب الحامل .
  • الإصابة بالعقم أو خسارة حمل سابق: لو الست كان عندها صعوبة في أنها تبقي حامل أو حصلها إجهاض قبل كده ممكن تكون عرضه للاكتئاب.
  • التعرض للإساءة: الحمل كمان ممكن يخلي الست تفتكر الذكريات المؤلمة اللي في حياتها، ده لأن شكل الجسم بقي بيتغير وبشكل خارج عن السيطرة  فا بيخلي الست تفتكر الذكريات الأليمة اللي في حياتها.
  • إصابة سابقة بالاكتئاب للحامل قبل الحمل او عند أي حد من العيلة : في حال وجود إصابة سابقة بالاكتئاب في العيلة أو الست الحامل نفسها كانت مريضة اكتئاب قبل الحمل فا فرصتها في انها تكتئب تاني بتزيد .

فيه دراسة حديثة أكدت إنه فيه خطأ كان شائع بيقول إن هرونات الحمل بتقلل من الاكتئاب أو بتحمي الست منه، وبتقل الهرمونات دي بعد الولادة، والدراسة أثبتت أن الانخفاض السريع في مستوى الهرمونات بيحصل في بداية الحمل ومش بعد الولادة، وممكن يغير كيمياء المخ عند الحامل، ويجيب اكتئاب.

كمان الدراسة بينت أن الكفاءة الذاتية للأم بتنخفض في حالة الاكتئاب، وبتقل قدراتها مقارنة بالأم التلي مجالهاش اكتئاب، وأن الستات في حالات الاكتئاب بيكونوا أقل إيجابية، وبيتفاعلوا بشكل أقل مع أطفالهن، وفي الوقت ذاته، بيقل تفاعل الأطفال ويتجنبون التواصل البصري مع أمهاتهم، وبيينوا مهارات أقل لما يجيوا يتفاعلوا معاهم.

كمان الدراسة قالت أن أبناء الأمهات اللي جالهم اكتئاب بيتكون مهاراتهم ضعيفة لما يكبروا ويدخلوا المدرسة، دا غير الصعوبات الاجتماعية اللي بيواجهوها علي المدى الطويل، ورغم إن الأم ممكن تتحسن وتخف بيضل التأثير موجود علي الأطفال، عشان كده المتخصصين شددوا انه من الضروري إن يكون فيها اهتمام بالصحه النفسية للحامل ويحاولوا يبعدوها عن الاكتئاب في الحمل، عشان ما يأثرش علي الأطفال في المستقبل.

أمتي الحامل تقلق من الاكتئاب؟

لو الحامل فكرن انها تأذي نفسها او الجنين أو عندها أفكار مشوشة، ومش قادره تتعامل مع مشكلاتها ومسؤولياتها اليومية، أو بتعاني من نوبات خوف شديد،  هنا لازم تراجع للدكتور وكمان لو بقي عندها مشكله أنها تاكل كويس أو تهتم بنفسها عشان كل ده هيأثر علي الجنين ونموه في فترة الحمل.

ان الست تسعي عشان تلاقي دعم ومساعدة دا مش أسمه ضعف، لكن بيدل علي أنها ست واعية وعايزة تحسن من ظروف حياتها ومن صحتها النفسية، الباحثين لقوا أن فيه علاقة بين اكتئاب الحمل واكتئاب اللي بعد الولادة، ولكن دا مش معناه إن الست هتكتب لازم بعد الولادة لو مرت بأكتئاب في الحمل.

اترك تعليق