سايكويكي

اكتئاب الأطفال إيه أعراضه وليه بيجيلهم وبيتعالج إزاي؟

اكتئاب الأطفال أعراض وليه بيجيلهم؟

الشائع بين الناس إن الاكتئاب النفسي بيجي للكبار والشباب والمراهقين وبس.. لكن كمان في الأطفال ممكن يجيلهم اكتئاب .. اكتئاب الأطفال بيبقي في شكل اضطراب شديد في مزاجه العام بيخليه مش مبسوط. وبالرغم من ان الطفل الطبيعي بتاعه انه يبقي مزاجه مش مستقر، لكن لو التقلب المزاج ده استمر لفترة طويله لاسابيع أو شهور مثلاً .. هنا يبقي علامة على الإصابة بالاكتئاب.

فيه إحصائيات بتقول أن 3 من أصل100 طفل و9 من أصل 100مراهق عندهم اكتئاب حاد.

المشكله هنا أن فيه بعض الأطفال مش بيتعالجوا من الاكتئاب  وده بسبب عدم القدرة علي التفريق بين أعراض الاكتئاب وبين الحالات المزاجية للطفل أو مود الطفل ، وممكن كمان الطفل المكتئب يكون عنده أعراض اكتئاب مختلفة عن أعراض الاكتئاب اللي بتيجي للكبار .

أعراض اكتئاب الأطفال

  1. أعراض نفسية
  2. أعراض جسدية

الطفل ممكن يكون مكتئب لو.

  • بيغضب وينفعل بسرعة أو زعلان وحزين علي طول أو حاسس بالملل اغلب الوقت .
  • مش لاقي أي متعه في أي شئ كان بيبسطه في الأول .

ايه اللي ممكن يظهر علي الطفل المكتئب؟

  • ممكن يتخن أوي أو يخس أوي
  • ينام كتير أو نومه يبقي قليل .
  • يحس بأنه عاجز ومش عارف يعمل حاجه أو بتفاهة أي حاجه بيعملها أو الإحساس بالذنب باستمرار .
  • مش قادر يركز في أي شي ومش عارف ياخد قراراته .
  • بيفكر كتير في الموت ويسأل عنه والانتحار كمان .

في الغالب الآباء والأمهات بيتغاضوا عن أعراض اكتئاب الأطفال بسبب انه صعب أنهم يبفهموا ان كل الأعراض اللي قلناها ليها علاقة بنفس المشكلة اللي هي الاكتئاب بالإضافة أن الأعراض الللي فاتت بتتغير حسب سن الطفل .

يعني في الأطفال الصغيرين بيميلوا للانعزال والخمول ممكن يبينوا عواطف أو مشاعر محدده غير أنهم بيلاقوا صعوبة وقت النوم .

الأطفال اللي في المدارس ممكن يكون الاكتئاب عنهم في شكل صداع أو مغص بالبطن أو يبتعدوا عن أصحابهم وبيطلوا الاهتمام بيهم  الأمر ممكن يطور لأنهم يسمعوا هلوسة أو المرحلة الثانية اللي هي الأوهام.

أما اكتئاب المراهقين بيكون في شكل نوم كتير أو الكلام برتم بطئ  في مرحلة الاكتئاب الشديد ممكن يتطور الأمر أنهم يكون عنده اوهام و هلاوس .

درجات اكتئاب الأطفال

  1. اكتئاب حاد 
  2. اكتئاب معتدل

الطفل ممكن يبقي مكتئب وحزين أغلب الوقت لفترات طويلة لكن الاكتئاب ممكن يكون من النوع الخفيف او المعتدل  وممن نسميه اكتئاب جزئي أو Dysthymia

أما الاكتئاب الحاد  وده بيكون الطفل فقد الرغبة في ممارسه أي شي والأمل في الحياة وعايز يموت .

أسباب اكتئاب الأطفال

لحد دلوقتي مش معروف ولا مفهوم ليه الأطفال بيجلهم اكتئاب .

لكن ممكن نربط اكتئاب الأطفال بأنه عبارة عن خلل بالتوازن في المواد الكيميائية في الدماغ اللي بدوره بيأثر علي الحالة المزاجية.

ليه بيحصل الخلل  بالتوازن هذه المواد الكيميائية بالدماغ

1-  تغيرات قويه أو أحداث جديدة غير سارة زي مثلا  تغيير المدرسة، انفصال  الأب والأم أو حاله وفاة لأي حد من الأسرة.

2- تعاطي لدويه معينه ممكن يسبب اختلال التوازن لكيميا المخ زي  الستيروئيدات أو الأدوية المخدرة  مسكنات للألم.

3-أخر حاجه ممكن يكون وراثة او بيرجع للتاريخ العائلي نفسه

عن الكاتب

حنان جمـال