البزرميط

افلام ابطالها عندهم اضطرابات نفسيه اتعرف عليهم

افلام ابطالها عندهم اضطرابات نفسيه اتعرف عليهم

هوليود فيها أفلام كتير اتكلمت عن الناس اللي عندهم اضطرابات نفسيه اللي أغلبهم بيكونوا أبطال العمل ، وبيكون الدور المحوري فيها هو  البطل أو اللي بيعاني منه من ازمة نفسيه أو حتي مرض نفسي أو اضطرابات في الشخصية أو بعض أفلام اللي أتكلمت عن التوحد أو المتلازمات أو إشكال ثانية من المشاكل والإمراض الاضطرابات بكافة أنواعها.

  • Red Eye

من اجمل ادوار الممثل Cillian Murphy، بيتكلم الفيلم ده عن تفاصيل قصة خطف فتاة ولكن دور البطل بيتميز بتمثيل رائع وبيوضح مدي العقد والمشاكل اللي موجودة في حياة البطل حتي وهو بيتكلم مع البنت اللي خطفها  وأما يتكلم مع نفسه علي الطيارة أو في اكثر من مشهد ، دا غير أن البطل هنا شايف انه صح علي طول  ومعندهوش أحساس بالذنب ومتنكر في صورة الحمل الوديع عشان البنت اللي خطفها تثق فيه لحد ما ياخدها للمجهول وفجاه تلاقي قدامها شخصيه تاني غير اللي أتعرف عليها في الرحلة.

  • Funny Games

مش هتصدق اللي هتشوفه من كمية المشاكل النفسية اللي حوالين الابطال اللي يتهجم علي بيت جيرانهم الجداد وبيمارسوا التعذيب والإهانه والضرب دا غير أنهم بيقوموا بأغتصاب الزوجة قدام الزوج وقتل الزوج وهما في قمة اللذة  والاستمتاع بالتعذيب وبيضحكوا وبياكلوا وبيشربوا من البيت وهما شغالية ي التعذيب.

  • The Strangers

ودا قريب جدا من الفيلم اللي قبله وبيتكلم عن مجموعة مقنعين بيهجموا علي بيت في احد المناطق المهجورة عشان يستمتعوا بصوت ضرب السكين في جسم لضحايا  اللي كانوا في البيت دا غير فقرة تعذيب البنت قدام حبيبها والعكس ، دا غير أنهم  مش بيتكلموا مع الضحايا من تحت الأقنعة ولكنهم بيمارسوا معمتهم في حزم واضح.

  • Evilenko

من اقوي ادوار الممثلMalcolm McDowellوبيقوم بدور مدرس بيمارس الرذيلة مع الأطفال ويختطفهم وأحيانا وبيقتل ضحاياه بعد لما يتلذذ بهم ويحاول انه يبرر اللي بيعمله في التحقيقات بان ده  راجع  لظروف سياسية جامدة  مرت به فخلته  يندفع عشان ينتقم من الأطفال وأي شئ حي ،ودا من اقوي ادوار الشر والخلل في شخصية البطل اللي بيمارس الدور ببراعة وحبكة.

  • Misery

من أجمل قصص “ستيفين كينج” واللي حصلت فيه البطلة “كاثي باتس” علي اوسكار أفضل ممثة لأنها قامت بدور المهووسة بكاتب شهيرلحد ما عرفت ازاي تجيبه بيتها بطرق خادعه طبعا وتحبسه معاها بأنها تخليه علي طول مريض وكل ما يخف تعمله أصابه تانية لحد، والغريب أنها ساعات كانت بتعامله أكنه طفل صغير من كثرة الهوس اللي بتعاني منه  ووصلت لدرجه أنه بقت تكممه عشان محدش يمع صوته وهو بيحاول يستغيث بأي حد ينقذه منها بعد ما عرف حقيقتها، فيلم أكثر من رائع ومن أفضل أفلام التسعينات

  • Eden Lake

رحلة ونزهة لبحيرة بين رجل وحبيبته اتقلبت لكارثة وتعذيب وسلخ الجلد من مجموعة شباب مختل كانوا موجودين حواليهم من كل الجهات حتي  لما حد انقذهم أتضح انه من عيلة الشباب اللي عذبوهم في الأول ، وكملوا فقرة التعذيب عليهم  عشان ما يبلغوش البوليس ،فيلم مليان التعذيب وممارساته.

  • One Hour Photo

من اقوي ادوار روبن ويليامز اللي جسد فيه دور المهووس ايضا بعائلة كان هو اللي كان بيحمض الافلام الخاصة بيهم من فترة طويلة  لحد ما حس انه جزء من  العيلة دي ومن حقه انه يدخل في اعمق اسرارها  وادي لنفسه الضوء الاخضر عشان يعمل كده لحد ما جابلهم اللعنه والمشاكل لحد ما يكتشف أن الزوج بيخون الزوجة ويدمر الأسرة بسبب تطفله.

  • Taken in Broad Daylight

ايام صعبة بتمر بها البطلة في الفيلم مع مختل بيقوم باختطافها لكنه مش هيعذبها في الأول هيخلي باله منها ويحبها كمان بس القصة بتحكي كم التناقض  اللي في شخصيته البطل واللي بتظهر في كل مشهد ما بين الشرير والعاشق والمجرم في كل مشهد تلاقي له شخصية مختلفة تماما وسط خوف الأهل علي البنت لحد ما يقبضوا عليه في مشهد مؤثر في نهاية الفيلم وهو بيصارحها بإعجابه وهوسه بها.

  • Mozart and the Whale

من افلام “المتلازمات” ..قصة غريبة جدا بتتكلم عن علاقة عاطفية وقصة حب بين اثنين عندهم sperger’s syndrome وبتمثيل واداء ولا اروع من الممثل “جوش هارتنت” يجسد فيه دور المصاب بهذه المتلازمة وعشقه وحفظه للارقام نفس الحال لمرضي التوحد اللي ليه علاقة بالمتلازمة.

وبتدخل معه البطلة في علاقة عاطفية بعد لما حضرت مجموعة لمشاركة مشاكلهم عشان مصابة بنفس المتلازمة.

  • Lars and the Real Girl

فيلم اترشح لاوسكار بيلعب فيه البطل “ريان جوسلنج” دور شاب وحيد بيقع في حب دمية جنسية وبيقدمها للمجتمع علي أساس إنها حبيبته وصديقها دا غير أنه كان بيحكي للناس تفاصيل علاقتة معاها وإيه الاكل والحاجات للي بتحبها ، في حين ان كل اللي حواليه مندهشين خصوصا أخوه ، وبقي ياخدها معاه للحفلات وياكل ويتكلم معها كانها صديقته او حبيبته الحقيقية مش مجرد دمية.

 

عن الكاتب

حنان جمـال