استشارة نفسية: نفاذ طاقة

13

السلام عليكم، انا كنت مريضة اكتئاب من فترة كبيرة و الحقيقة مش عارفة رجعلي تاني ولا لا بس بحس بيه بشدة اوقات… مشكلتي حاليا اني بقالي فترة دماغي بتفصل عن الدنيا و بحس اني في حلم و بخاف اكون بحلم مبعرفش افرق بين الواقع و الحقيقة و تصرفاتي اغلبها او كلها غير محسوب بحس اني مش عارفة عاقبة اللي هيحصل حتى لو مصيبة من كتر ما بكون فاصلة و مش حاسة بشيء حتى مشاعري اوقات مش بحس بأي حاجة بكون كأني سرحانة لكن مش بفكر و الموضوع ده بيزيد معايا و بيحصل معاه زي صدمة في وقت الزعل الشديد لدرجة باردة حدا من المشاعر و مؤخرا بقى عندي ارق و حاسة كأن دمي محروق فمبعرفش انام… انا مش عارفة غير ان عندي يأس من الحياة و ميول انتحارية لكني مش شجاعة كفاية بكتفي بأذى لنفسي سواء جسدي او اني ابوظ اي حاجة حلوة في حياتي عشان اقعد اثبت لنفسي اني لا استحق شيء و فيه فترات من حياتي بحسها زي الحلم مش بستوعبها حتى التعامل مع شخص بحبه لو مشى من قدامي بحس ان ماكانش موجود اصلا و بنسى احساسي كان ايه و حقيقي مبقيتش عارفة انا ايه اللي بيحصللي ده لان الموضوع تاعبني و مخليني مغيبة في حياتي و بتصرف تصرفات محدش هيقدر يفهم انها بدون وعي مني انا بقيت فعلا بمسح حاجات من حياتي و بقتنع اقتناع تام انها محصلتش و لو حاولت افتكر بتعب جدا و بيكون صعب عليا و اسفة على الاطالة

تعليق 1
  1. Miss Nano يقول

    ??

اترك تعليق