استشارة نفسية: ما ادري شنو اسوي

37

ما اعرف شنو اسوي حبيت واحد وهو يكول الي احبج وبعد سنة تركني بدون اسباب وصار انسان عدائي، حاولت ادور عالسبب ماكو كلت بلكت يحب وحدة ثانيه ماكو، بكلت ميحبني وجان يمثل هم ماكو،كل الاسباب المفروض شخص يترك حبيبته علمودها ما متوفره عنده، وظليت شهرين اني بحالة يرثى لها واسوي شغلات تزعله لان بدون وعي سويتها ما اعرف شنو اسوي ليش هيج يتعامل ويايه واذا عنده ظروف بالبيت ،الكل يحجي وياهم الكل يسولف وياهم يلعب بس من يوصل يمي يكلي اريد انام اريد ارتاح ازعاج واني ما اسوي شي كل كلامي حب ونصائح وما بي اي شي يضوج ومن اكله البقية مصلحچيه يكلي اي صحيح اني احبهم هذوله المصلحچيه لان من اكلهم اسكتوا دتزعجوني يسكتون، يعني بالمختصر من كال هيج يريدني اصير مثلهم انو شوكت ما يريدني احجي احجي شوكت ما يريدني اسكت اسكت واعيد واكرر من عافني بدون اسباب ما تمالكت نفسي لان جنت متعلقه بي اكثر من اي شخص بهالدنيا وما اعرف امضي يوم من دون ما احاجي،يا ناس بس اريد اكلكم شغلة مو حب هذا صار عشق غرام ما. ادري، بحيث اي كلمة حلوة منه ويعاملني حلو احس يومي كله صار حلو واحاجي الناس حلو وصحتي ترجعلي واي كلمة منه مو حلوة واذا تصرف ويايه وكلي بعد لا تسوين هيج ولا تراسليني خل نكطع وانتي ازعاج من يكلي هيج الدنيا تسود بعيني ومو بإيدي لا تكلولي غلسي لو لتهتمين ما اكدر حاولت شكم مرة الهي نفسي ما كدرت حاولت شكم مرة افكر بس مجرد تفكير انو انساه واروح لغيره بس ما اكدر لان احبه ولان اني مو لعبة كلسا ويا واحد واجرب حظي ويكسرني لان هذا الوثقت بي وجان يحبني حب متتصوروه وما جان عنده مصلحه بهذا الشي لا لجنس ولا لمصلحة عامة ولا لاموال ولا اي شي جان يحبني من صدك واني لوما ادري واحس بي يحبني جان ما انطيته مجال بس الاريد اعرفه ليش هيج ديسوي ويايه شنو ديصير وياه شنو ديصير ويايه اني راح اتدمر واهلي يودون بيه للاطباء وما يعرفون ليش هيج يصير بيه لان محد يدري بعلاقتنا والاضرب من هيج ميقبل احاجي احد ويانا بالكلية واشتكيله منه ويدافع عنهم ويكلي شنو ذنبهم تحجيلهم بشي يخصني واني شنو ذنبي يجون يكلولي بشي يخصج ومن اكله انت عفتني وأذيتني يكلي اي وانتي وراها اذيتيني الف مرة، مديركز انو اني ما أذيته اني صارت عندي ردة فعل من السواه لان لو اكو سبب جان ما سويت شي عرفت شلون اتصرف بس ما ادري شنو السبب بوقتها ولحد هسه ما اعرف شنو هو واذا تكولون انتي خاف مسويه شي ما مسويه شي اني حالي حال اي بنية وبالعكس ساكته اني يملي عليه اوامر وانفذها لازم واذا ما انفذها يعبس بوجهي واني كلشي ولا يعبس بوجهي، شوفولي حل يا ريت دكتور مختص اتواصل وياه خاص ما اكدر هيج هنا احجي والله اخاف بالصدفة يدخل الموقع ويشوف كلامي وهو يعرف كلش زين طريقة كلامي ويكدر يميز دا احجي عنه اني وياه وقصتنا ف ارجوكم لو تردون عليه خاص او تحذفون الكلام بعد ما اشوفه واقراه ❤️💔

تعليق 1
  1. mariamkhaled يقول

    اهتمي بنفسك وروحي سوي رياضه وتعاملي كان الموضوع لم يتم الموضوع والامور هتوضح الأهم اهتمي بنفسك وروحي خدي جلسات دعم نفسي ضروري

اترك تعليق