استشارة نفسية: فقدان شغف تام و تفكير مستمر بأذية نفسي
بالبداية حابة قول شكرا كتير ليكم ..
ببلدي مو موجود العلاج النفسي و انا جداً مضطرة عاني احكي لحدا لان الافكار عم تكبر كل يوم اكتر واكتر مابعرف شو يلي موقفني
مشكلتي اني تربيت تربية وحيدة بدال ماتابع افلام كرتون كنت تابع مسلسلات وكان عندي رهاب من اني العب مع جيراني بالحارة من ورا اهلي
و كبر فيني خوف و خجل وكتير امور
مابعرف اتصرف و مابحب روح لمحل وانا شخصية خجولة كتير وماني اجتماعية و يمكن غير مرئية ماعندي ثقة بحالي كل يلي بتذكرو حكي تجريح من كتار عالم
مؤخرا خسرت اخي ..
و من سنتين اختي تغيرت و مابقا كتير شفتا او عرفت عن اخبارا و صرت حسها مجبرة تقعد معي او مضطرة او انو خجلا
ماعاد عم حس بحب الها اطلاقا
كتير حدية وكتير صعبة المزاج بتحمل كتير بس هيي ما بتتحملني
لما بيجو ضيوف انا بس بشتغل وبكون خدامة
مافي شي عم بقدر اعملو لطوو مهاراتي الاجتماعية طول ماني عم اشتغل و اشتغل
بحس حالي مهمشة دوما
ماعندي تياب الي ولا مكياج الو كلو من اختي
حتى مافيني اقدم ع خطوة من دون موافقتا
اهلي ما بيوثقو فيني
علاقتي باهلي سيئة
مابقعد معون ولا بيقعدو معي
امي باردة كتير وماكتير فيها مشاعر وعنيدة ومتيبسة لاراءا
ابي صعب جدا جدا وبجرح بالحكي و عندو نرجسية
انا هلا لحالي
عم حارب كل يوم الافكار يلي براسي
بس مابعرف لايمت بدي ضل هيك صامدة
عم ادرس بفرع طبي فقدت شغفي فيه ماعم حبو
كان عبالي سافر هلا تشاءمت من السفرة كتير انو يخلو مصيري مربوط باختي
كتير في تفاصيل مزعجة
بس عم اكره حالي وحياتي
كمان عندي مشكلة مع الوزن والاكل و تقبل حالي
بتمنى حدا يرد اذا هالشي طبيعي وانا مبهرة و مهووة بالقصة وعاملة فيا دراما او هو فعلا شي مزعج
ماعاد بتحمل
شكرا كتير
