استشارة نفسية: فقدان ذاكرة لفترة من الحياة

11

ابني بيعاني من فقدان ذاكرة لفترة زمنية من حياته فترة معرفته بمراته فترة خطوبته وزواجه وانجابه مش فاكر أي حاجة في الفترة دي, لا زوجته ولا عائلتها ولا حتى بنته الصغيرة ولا أي أصدقاء أو جيران عرفهم في الفترة دي , وكمان الأحداث في الفترة دي مش فاكرها …. حوالي ست أو سبع سنوات من حياته, هو في مشكلة بينه وبين زوجته وهي عند والدها من فترة كبيرة بدون سبب واضح وهو كان بيحاول يصلح في الفترة دي ولكن بدون نتيجة الكلام دة حصل بعد مكالمة بينه وبينها باليل أخته سمعت طرف منها نام وصحي مش فاكر حاجة لا فاكر المكالمة ولا فاكر حاجة من الفترة اللي كانت تقريبًا بداية علاقته بيها من حوالي ست سبع سنين … روحنا لدكتور مخ وأعصاب وطلب رنين على المخ وملاقاش فيه مشاكل وقال أن دة تناسي وأنه كويس من الناحية العضوية وأنه محتاج حد يفضفض معاه أو يأخد جلسات نفسية ولكن مش دكتور نفسي … هو نفسه حاسس أنه معندوش مشكلة وأنه طبيعي لكن بدأت في الفترة الأخيرة تحصل له ضغوط بسبب كمية المعلومات اللي أخدها في الفترة دي من العائلة أو من أصحابه … يا ريت لو ممكن تفيدونا

تعليق 1
  1. mariamkhaled يقول

    متعرض لصدمة ومحتاج جلسات ضروري ومتتأخريش/ أضطراب اللاحق للصدمة ده أسمو.

اترك تعليق