استشارة نفسية: صدمة بعد وفاة والدي

12

مساء الخير اولا شكرا للمجهود الرائع اللي بتقدموه في الموقع ده ثانيا الاستشارة تخص اخويا اللي عنده ١٦ سنة،، انا والدي توفى من فترة قريبة نتيجة سرطان في المخ وقبلها كان بيعاني مع المرض وللاسف والدي كان مدخن واخويا اللي عنده ١٦ سنة مقتنع ان المرض ده جه لبابا نتيجة التدخين وان هو مات بسبب التدخين،،، ونتيجة لده هو مش قادر يتقبل وفاة بابا ومقتنع ان بابا هو اللي عمل كدة في نفسه عشان كان بيدخن وعنده مشاعر كره لبابا من بعد وفاته مع انه كان بيحبه جدا قبل كدة وكان بيعيط وهو تعبان،، وكمان رافض ان اي حد يتكلم معاه بخصوص بابا وبيسد ودنه لو أي حد حاول يتكلم معاه بخصوص بابا ومحضرش جنازته ولا دفنه ومبيحبش اي حد يفكره بالموضوع ده،، فإيه الطريقة اللي نتعامل بيها معاه عشان نخليه يتقبل ان ده قضاء وقدر ونشيل مشاعر الكره دي منه ؟

تعليق 1
  1. مريم خالد أخصائية نفسية - تحت التمرين يقول

    اضطراب ما بعد الصدمة بالذات منقدرش نعالج المريض من خلال استشارة لازم يروح لأخصائي يشوف هو محتاج ايه وليه بيلوم باباه الله يرحمه على وجعه وهيعمل معاه حاجه اسمها سيكودراما أو التخيل أو أو حاجات كتير، بس ضروري يروح.

اترك تعليق