استشارة نفسية: شعور بالخمول والإرهاق الدائم والأرق وقلق
عندي خمول شديد وبحس بوجع في جسمي وبتعب من المشاوير القليلة دة عندي أرق علطول وبالتالي عندى اختلال في مواعيد وساعات نومي وبنام كتييير جدددا ومش بركز في مذاكرتي وكل ما احاول أقعد أذاكر أحس بخمول في جسمي وعدم تركيز وإحساس بالنوم فاروح انام والموضوع دة بيتكرر كتير ودة بيأثر على نفسيتي جامد بحس باكتئاب وضيق شديد وبيجيلي شعور باللارغبة في فعل شيئ
معرفش أعمل اى ولا أروح لدكتور اى بالضبط دكتور اعصاب ولا دكتور تغذية ولا دكتور نفسي أرجو الإفادة وشكراً
اهلا بحضرتك
محتاجة تروحي لطبيب نفسي , بالنسبة للنوم الكتير ده عقلك بيتهرب من المذاكرة بحاجة اسمها التسويف او المماطلة و لان المذاكرة حاجة مفروضة عليه و هو مش حاببها او خايف من ان النتيجة تكون غير مرضية فبيستخدم النوم كميكانزمات دفاع عن النفس , محتاجة تكتبي اهدافك فورقة و تلزقيها علي المراية او اي مكان قدامك عشان تقدري تشوفيها كل شوية , ممكن تستخدمي حاجات ممتعه و تستخدمي الالوان فمذاكرتك و ممكن تقري عن الخريطة الذهنية طريقة فعالة جدا فالمذاكرة و ممتعة بتستخدمي فيها الرسم و الالوان و بتلخصي مذاكرتك بيها و مهم جدا تكافئي نفسك بعد تعب مذاكرة لانك تستحقي ده و المكافئة بتكون حاجة بتحبيها و مهم برضه تنظمي وقتك بجدولة المواد اللي هتذاكريها و المكافئة و الراحة .