استشارة نفسية: خايفه ومش فاهمه نفسي

8

عندي ١٥ سنه وانا بنت .
مش عارفه انا عندي وسواس ولا لا ومش فاهمه نفسي بتجيبي افكار مزعجه مش عارفه اتخلص منها بعد وفاة جدتي الي مكلمش ٤٠ يوم بداء يجيلي افكار مستمره بموت والدي واني خايفه يموت و كذلك بقية افراد العيله لاكن والدي اكتر حد معرفش ليه! مع العلم ان كان من حوالي سنه ونص كان عندي وسواس بس خايغه من اني اموت مش حد عزيز عليا
وقبل وفاة جدتي كنت دايما خايفه انها تموت.
مش دي المشكله وبس انا بتعصب جدا وبتوتر و رد فعلي دايما مبيعجبش الي حواليا غصب عني بلاقيني بتكلم بصوت عالي او ردي بيبقي مش لطيف معرفش ليه زي ما يكون بكبت التوتر و القلق و الخوف و الoverthinking باني اتعصب علي الي حواليا وارد بشكل وحش .
بخاف ان تليفوني يبوظ او اني اتعب وبتوتر جدا ايام الامتحانات لدرجة ان اعصابي بايظه لما اعيط ايدي بترتعش ولما بتعصب نفسي بيبقي مش مظبوط
عندي تفكير زايد في كل حاجه وتوتر وخوف .
غير اني كنت داخله في سكة الاباحيه بس الحمد لله نقذت نفسي وبجاهد وعديتها .
واحيانا بقه بيجيلي افكار غريبه زي مثلا لو وقعت التليفون ده من البلكونه ايه الي هيحصل؟ او ان مثلا عورت نفسي هحس بايه؟ و بقوم مسيطره علي نفسي واقاوم ومبعملش كدا.
انا مش عارفه احدد مشكلتي ومش عارفه هل محتاجه طبيب نفسي ولا لا.
انا عايزه ابقي دايما انسانه ناجحه ومثقفه اجيب درجات عاليه او ابقي مميزه في حياتي بس احيانا كتير بحس اني مستحقش ده واني مقصره في حق كل الناس
حتي ابويا بيعاملني كويس بس بردو ببقي خايفه منه انه ممكن يتعصب عليا او يزعقلي او ممكن اعمل حاجه غلط فا يقوم يخاصمني
وبقه عندي خوف كمان ان ممكن حد يهكر فوني مثلا وكل شويه ابص علي كاميره وابقي خايفه واغطيها عشان محدش يصورني .
وكمان وزني الزايد مقصر عليا وحاسه ان كل الناس بتتريق عليا اول ما تشوفني من وراء ضهري .
انا بجد مش فاهمه نفسي وانا عماله بكتب وخلاص حاسه اني تايهه وخايفه ومتردده.

تعليق 1
  1. مريم خالد أخصائية نفسية - تحت التمرين يقول

    بصي الفترة العمرية ألي بتمري بيها هي السبب في حرتك بدوري على نفسك عشان تكوني شخصيتك
    بس نحيه الافكار لازم تروحي لمعالج نفسي يقدملك الدعم ونشوف الافكار لو افكار وسواسيه محتاجه طبيب واخصائي نفسي وتبدائي برنامج العلاجي

اترك تعليق