استشارة نفسية: حيره في اتخاذ قرار

عندي ٢١ سنه ليا زميلي ادي في السن نعم الصديق الوفي ومخلص جدا ليا و محترم جدا وبيحترمني وبيعزني ودا عن مواقف مش كلام بس .. حصلت مشكله كنت انا تعبانه وقولتله اني تعبانه وكنت انا في المكتبه وقتها وهو في البيت وقلق عليا ورن عليا وقتها زميل ليا ف الجامعه كان عايزني في شئ ف شوفته عايز اي ف نفس الوقت صديقي دا قلق جامد وقعد يرن وكان متوتر بدرجه كبيره عليا لاني مردتش عليه في التليفون كان غصب عني ومعرفش ليه انا مردتش انا مخدتش بالي ومكنتش عايزه الشخص الل عازني دا يلاحظ اني بكلمه لانه صاحبه… وبعد ماخلصت معاه قولت لصديقي دا بصدق اللي حصل هو كان مصدوم ومكنش طايق نفسه وحس ان قلقه دا كان في الهوا وهو أتأثر نفسيا الموضوع دا بقاله ٣ شهور بس كل مره هو يفتكره ويتعب.. قولتله طب ابعد عنك ونوقف كلام عشان متتاذيش بوجودي مرضاش ابدا ورافض البعد وبيقولي انا مش عايز اخسرك ودا افضل شئ واكتر دليل انه فعلا شاري وجودي .. بس انا اذيته وصدمته عشان سيبته قلقان وشوفت زميلي الل ف المكتبه عايز اي انا مش عارفه اخليه ينسي ازاي مع اني حاسه انه هيفضل معلّم جواه مش عارفه اي الحل حتي البعد هو رافض .. هو لو كان عارف اني ازعله عادي او مخافش ع زعله كان سابني بس عشان عارف اني غلط غصب عني مش قصدي يمكن دا سبب انه خلاه ممشيش بس في نفس الوقت مش.قادر ينسي