استشارة نفسية: حاسة انى تايهه

أنا ام ل ٣ اطفال حاسة انى على طول اعصابي مشدودة وبزعق كتير رغم انى عارفة وانا بزعق ما ينفعش اعمل كدا ما ينفعش اضرب لكن كان فعلى مالوش علاقة بمخى ومش بقدر اقف رغم انى بقول لنفسي كفاية حرام عليك هيضيعوامنك فاقدة الشغف والحماس والاحساس باى حاجة عايزة اقعد لوحدى فترة كبيرة من غير ما اشوف حد مافيش حاجة ليها طعملما بضرب حد من اولادى ببقى عايزة اموت أنا لا أصلح ليهم كمان على طول حاسة انى تايهه وضايعة ومش عارفة أنا ماشية ازاى ولا الطريق منين والعمر بيضيع من غير ما اعمل حاجة وانا واقفة مكانى على طول زهقانة حتى لو وسط خروجة

تعليق 1
  1. مساء الخير يا مامي
    بصي انتي محتاجة وقت تخصصيه لنفسك وقت ليكي انتي تعملي فيه حاجة بتحبيها زي مثلا تخرجي مع صحابك تهتمي بنفسك او حتي تنزلي تتمشي بلا هدف اختاري نشاط يحسسك بالسعادة و انتي بتعمليه و لو موصلتيش للسعادة وقفي النشاط و جربي حاجة تانية بتحبيها اعملي جدول للأنشطة ديه و حددي وقت ليها و قيمي درجة استمتاعك وقتها من ٠ ل ١٠ لمدة أسبوع و لحظي تغيرك فالفترة ديه ،
    أهم خطوة بعد الأنشطة انك ترصدي افكارك و تدوينها لأن طريقة تفكيرك خاطئة و فالاغلب أن الأفكار السلبية ديه السبب في مشاعرك و العمل علي تغيير تلك الأفكار السلبيةبأفكار أخري معدلة ، يجب عليكي الاستمرار علي تفريغ المشاعر بالكتابة أو بالفضفضة و تحدي افكارك السلبية .

اترك تعليق