استشارة نفسية: انطواء حاد

37

انا بنت ٢٩ سنة بحس انى مش بعرف أطور من نفسى اطلاقا وانا شخصية هادئة جدااا وانطواىيه ..مهارات فى التعامل مع الناس تعتبر سالب مليون هههه بتكلم جد مش مبالغة مهما حاولت اتغير بفشل واكتئب وانطوى اكتر لأن الفشل بيكون بسبب تريقة ناس أو نميمة عليا وانا فى الغالب مبعرفش اتعامل مع الناس فبنطوى زيادة وانا عندى مشكلة الاحاسيس عندى بتبقى ضعف الإنسان العادى وزايدة جدا فى كل حاجه لو توتر بتوتر اوفر ولو اتحرجت بضحك كتير
وتقريبا ٢٤ ساعه ساكتة بدون مبالغة والله وحاليا اشتغلت فى وظيفة وبتعرض تانى لنميمة بردو والشغل محتاج علاقات وانا زى اللى اخدة جنب من الناس
تعبت مش عارفة اعمل اية عمرى مبتعلم اى مهارات شخصية ابدا دخلت اماكن عمل جماعى زى تطوع فى جمعيات خيرية أو أنشطة فى الكليه واتهامات مع ناس كاريزما كتير بس كل دة عدى عليا هوا متعلمتش ولا حاجه خالص ومعنديش ثقة فى نفسى ودايما بشوف كل الناس احسن منى لمجرد أنهم بيعرفو يتكلمو وليهم شخصيتهم ..ارجو المساعده
اسفة على الإطالة و ارجو الرد فى اسرع وقت

تعليق 1
  1. مريم خالد أخصائية نفسة - تحت التمرين يقول

    رهاب اجتماعي
    لازم تخف حده المرض عشان تعرفي تكسبي ثقة وتوكيد ذات وده محتاجه تروحي لطبيب نفسي يضبطلك جرعات الأدوية وده ضروري ومعالج يمكل بالجلسات العلاجية.
    مش هقدر اقولك لا ركزي مع نفسك وروحي جيم واهتمي بشكلك أو غيرية تكسبي ثقة.
    انتي محتاجه لمتخصص ورغبتك في العلاج.
    لو مفيش امكانيه حاولي تخرجي نفسك وميهمكيش كلام الناس الي بيتكلم ده بسبب غيره موجوده في اللاوعي بسبب مش عارف يوصل زيك أو مريض نفسي في أمراض بتخليه يأذي الي حواليه هلاوس وضلالات.
    مفيش انسان سوي بيتكلم
    الانسان السوي بيتأذي من مريض.

اترك تعليق