استشارة نفسية: انسى بسرعة في الدراسة

عمري 21 عام ونصف، في السنة الثانية من كلية الطب وكانت حلمي، ب انسى بسرعة في الدراسة وأمور الحياة العادية وبقيت بركز بصعوبة في المذاكرة، ببكي كتير جدا احيانا لاسباب( اوقات بتكون تافهه) واحيانا بدون اسباب مع نوبات حزن متقطعة ومفاجئة، زاد نومي وبقى حوالي 12 ساعة يوميا وبأضحى اضيع ساعات في السرير، ظهرت نتيجة الفصل الدراسي الاول ورغم ان تقديري افضل من الماضي بكثير ولكن ما عرفتش افرح.. بمارس حياتي عادي ولكن بدون حماس، بدون مشاعر اوتشجيع لنفسي..كان عندي اهداف من كذا سنة زي القراءة وكورسات الرسم ورغم اني بدأت لكن مش حاسة بأي انجاز.. معنديش اي رغبة في مشاركة اي حاجة مع حد، في نوبات الحزن بفكر في الانتحار رغم خوفي اني اعمل ده، علاقتي باهلي والناس مازالت كويسة ولما بكلم حد بهزر واضحك رغم ان احيانا مثلا اكون بعيط.. رغم رغبتي اوقات كتير اني انقطع او انعزل شوية.. حاسة مشاعري تجاه كل حاجة بتقل، حتى الأكل D: .. بجوع لدرجة الدوخة ولكن مش مشتهية اي اكل! اتعامل مع ده ازاي؟