استشارة نفسية: المنصوره
انا عندي ١٨ سنه…طالب ف ثانويه عامه
حاسس اني تايه بقالي فتره…مفيش اي تركيز ف اي حاجة و دايخ و بروود و لامبالاه دايما
بقارن بين شخصيتي قبل كدا كانت اقوي بكتير من دلوقتي
شخصيتي حاسس انها بقت ضعيفه..في ناس مكانتش بتعرف تقول كلمه بس تدايقني او اي تصرف…دلوقتي بقا عادي
صحوبيتي من وانا صغير اكبر مني…كانوا صحابي كلهم اكبر مني ب ٣ و ٤ سنين و كنا صُحاااب بجد بس بعدنا كلنا بس لسا في تواصل
دي اول سنه اتعرف و اصاحب فيها ناس من دفعتي…و للأسف شايف تعاملهم كلهم طفولي…كل تعاملتهم طفوليه بأسلوبهم ب هزارهم دوول اللي كانوا مبيعرفوش زمان يقولوا كلمه تدايقني…دلوقتي بقا عادي
في بنت معايا من ٩ سنين فالمدرسه و لسا بادئين نتكلم من حوالي سنه…وو اناا فالأول اُعجبت بيها و قولتلها اني بحبها…و ممكن كنت •مدلوق• اوي
و عملت تصرفات كتير اوي تزعل الواحد لغايه م مبقاش فارق معايا…و قطعنا فتره و اتكلمنا و قطعنا فتره و اتكلمنا و كل مره بيبقي بسببها….بس دلوقتي بعد عنها اعز صحابها…وو هي بتحبني بسس انا مش عارف..بحبها بس مش عاارف كدا حاسس ب لخبطه جامده…بس انا بحبها فعلا
ف نقطه الدراسه انااا ادبي…كنت عايز زمان ادخل كليه صحافه و اعلام علشان بحب الراديو
دخلت ثانويه كنت عايز ادخل آثار…علشان انا بشتغل فالسياحه “مشرف سياحي من صيف ٢٠٢٠” و حابب مجال ااسفر….جت ثانويه عامه بقا و قررت اني عايز اسافر بره ادرسس اي حاجة بسس اسافر بره و اخد شهاده من هناك مش من هنا
و حاليا متلخبط و مشش عارف اعمل اي ف موضوع الكليه دا بس عايز ادخل كليه اتخرج ب شهاده…تحققلي حياه كويسه…شغل كويس فلوس كويسه عربيه الكلام دا كله…عيشه كويسه من جميع النواحي و من ناحيه الماديات اكون مبسوط ماديا
بسس مشكلتي بقاا ان انا تايه…تايه و متدايق و في عندي بروود و ٩٠ ألف حاجة ف دماغي وو كسل و مفيش تركيز خالص سواء ف حياتي او فالدراسه
متدايق من تعامل الناس اللي فجأه بقا كدا…ممكن يكونوا اخدوا عليا ولا اي مش عارف D: بس دا فعلا مدايقني
و نفسي اشوف حل ف موضوع التوهان دا و اعمل ايي ف حياتي دي…و دي مش كل الديتيلز في نقط تانيه بس دوول نبذه مختصره
و اتمني الرد…و شكرًا.
فترة المراهقة.
هتفضل كدة مش عارف تفهم انت حاسس بأيه
بس كل الي انت فيه خبره انفعاليه ليك وكويس أنك وصلت لمرحلة انك تسال الأسئلة دية.
كويس انك فاهم المشاعر ديه خطوة حلوه.
سيب نفسك هتفهم الأجابه عن ده كلو.
والتوهان طبيعي.
أما بنسبة لشخصيتك أتعلم توكد حقك وبعدين أتعلم المسئوليات الي عليك وليك.
وايه الي أعملو في الوقت ده يضيف فيا صفة ويتحسب ليا.
أولا انزل جيم وهتلاقي كلو اختفى وحده وحده.