استشارة نفسية: الخوف

انا عندى 21 طالبة بعد مخلصت الامتحانات بيومين انا كنت متابعه الطفل ريان الى وقع فى البئر بعد ما طلع و قالوا كويس فرحت انهم انقذوه بس بعديها مات من بعد ما قالوا كده و انا حسيت انى زعلت مش متأكده من الى الشعور و بعديها ابتديت اخاف خايفة اختى تشتغل فتسبنى و نغير الروتين بتاعنا احنا بنسهر بليل و نتفرج على مسلسلات بقيت خايفة خايفة هى او اخويا يتجوزوا و يسبونى خايفة ابقى لوحدى انا مرتبطة بأختى جامد مش بعمل حاجة من غيرها بقيت خايفة اتفرج على مسلسلات عشان شايفة الناس بتتجوز يا بتشتغل بقيت خايفة امشى فى الشارع اشوف الناس عشان محسش كده و بقيت خايفة حد يحصلوا حاجة ماما او بابا اواختى او اخويا و بيجيلى نوبه هلع و بعيط و مش طايقة اى حاجة و خايفة من المستقبل خايفة اشتغل او اتجوز و اسيب ماما واختى لوحدهم مش عايزه اسيبهم خالص عايزه افضل قاعدة معاهم و كل حاجة كان نفسي اعملها او كنت بحبها بقت مش بتفرحنى حاسه انى مش حابه اى حاجة من الى كنت بحبها و بقيت عايزه اعيط على طول حاولت احقر التفكير ده و ماما و بابا و اخواتى قالوا ده شوية اكتئاب و هيمشوا و اتكلموا معايا هديت شوية و بعديها بيومين كل ده خوفنى تانى حاولت منهارش و امسك نفسى بس التفكير مش بيمشى و فى دماغى و مش بعرف انام كويس و بقيت بحلم ب الى بفكر فيه بقيت احاول احقر التفكير ده و اقول لنفسى ديه حاجة نفسية و هروح لدكتور هو الى كنت بصبر نفسى بيه بس بعد كده خوفت من الموت خايفة حد من عائلتى يموت و خايفة اموت و خايفة من الاخر و الى هيحصل بعد اما اموت و بحسل بملل لدرجة انى قولت افرض دخلت الجنة ايه الملل الى هيبقى هناك ده و هيبقى فى مسلسلات و و موبيلات و الحاجات ديه هناك ولا لا و بقيت خايفة ازاى هيجى يوم و مش هبقى موجودة و هحس ب ايه و انا بموت و ايه الى هيحصل و بقيت اخاف ابص فى وش حد من عائلتى بقول ازاى هيجى يوم مش هيبقوا موجودين معايا بخاف لما بنقعد حته نضحك و بقول فى يوم اللمة ديه مش هتبقى موجودة و بخاف اوى و بعد كدة بابا تعب و جاله نزيف فى المخ بسبب خبطة خوفت جامد اوى بعد كده كان قاعد معانا عادى فجأة حصله تشنجات و وقع على الارض و مكنش عارفين نتصرف انا خوفت جامد اوى و مكنتش قادرة أقف على رجلى و كنت عايزة اهرب من الواقع و امبارح عمل عملية و شال النزيف بس انا خايفة اوى حد من عائلتى يموت و خايفة اموت و خايفة انام اموت او حد من اهلى يموت و مش قادرة امسك اعصابى و بترعش و بحس ضربات قلبى سريعة و ان فى طوبة على قلبى و صدرى و خايفة اوى حد يحصلة حاجة بقعد معاهم و حاسة ان فى حد هيحصله حاجة من عارفة اعمل ايه و مش طايقة الاكل و مش طايقة اى حاجة حاسة ان كل حاجة مش ممتعة مش طايقة اخرج الشارع بقول ازاى الناس ديه كلها ماشية كده و مش خايفة من نفس الى انا خايفة منه انا تعبت اوى اوى مش عارفة اعمل ايه حاسة انى عايزة اكسر دماغى من الى حاسه بيه روحت و شوفت بابا و خايفة عليه اقوى و صعب عليه اوى شكله و هو تعبان و دماغة عليها بلسطر و هو خايف علينا و بيعيط و انا خوفت و حسيت انى عايزة اهرب مش عارفة اعمل ايه انا تعبانة اوى و خايفة اقوى خايفة اقعد مع اهلى و ابص فى وشهم عشان ببقى عايزة اعيط و حاسة انى مش هشوفهم تانى و هبقى لوحدى حاسه ان الى عندى حاجة ملهاش علاج و هفضل كده انا بتكلم و معنديش امل ان الى عندى ده هيتعالج