استشارة نفسية: التعلق المرضي

172

انا متزوجة من شخص نرجسي وانا بعد بحث طويل عرفت اني شخصية متعاطفة وده سبب معاناتي انا دلوقتي بتطلق منه لانه قام بخيانتي وهوا حاليا مع اللي خاني معاها وانا احيانا بعرف الاخبار عنهم حاسة ان حياتي انهارت هوا كان اول حب في حياتي كنت متعلقة بيه تعلق رهيب لايوصف كان بيأذيني نفسيا وجسديا وكنت بستحمل وعندي امل يتغير كنت دايما بقول المهم ميخونيش لحد ماحصل اللي كنت خايفة منه وعرفت انه علي علاقه بواحدة تانيه اخلاقها مش كويسة ومسيطرة عليه وبسهولة استغني عني وعن بنته اللي مكملتش شهر انا حاسة بصدمة وحسرة حاسة اني قليلة ومعرفتش اخليه يحبني

تعليق 1
  1. مريم خالد - أخصائية نفسية يقول

    أهلا بحضرتك
    كل الي بتمري بية طبيعي بعد الأنفصال وكل الأفكار والمشاعر المتلغبطة الي ملهاش دليل، ابدأي فكري في نفسك أول حاجة تعمليها تغيري مظهرك الخارجي وعينك تشوف التغير ده وابدأي رياضة و فكري بمستقبلك هو هيحس بقيمتك متأخر بس لما يحس بيها لازم تبقى قوية عشان نفسك أولا والي حواليكي يشوفوكي قوية.

اترك تعليق