استشارة نفسية: اكتئاب

بحب واحده من 6 سنين واتعلقت بيها جدا وبعد أربع سنين اكتشفت انها كانت تعرف حد غيرى وبعد كده سبتها وفضلنا ما نتكلمش ولا نعرف حاجه عن بعض لمده سنه وشهرين تقريبا وبعد كده قررت أخطب وقبل ما اتعرف او اخطب وحده كنت هتقدملها لقيتها بتكلمنى ورجعنا تانى لبعض بس بعد ما كنت خلاص قربت انساها اتعلقت بيها اكتر من الاول وقررت اعرفها على اهلى ارتبط بيها ف اهلى سالو عليهم والناس اللى بعتناهم يسألون قالوا بلاش البنت دى انا عارف انها غلطت وانا كمان غلط وفى الفترة اللى سبنا فيها بعض عرفت بنات غيرها بس ما عرفتش اتعلق بحد غيرها وهى كويسه كانت بتتخانق معايه علشان ما كنتش بصلى وعملت منى حد كويس ف مش عارف اكمل معاه واتجوزها ولا اشوف وحده غيرها خايف اتجوزها وبعد الجواز افتكرلها اللى عملته انها عرفت حد غيرى وانا بكلمها وتحصل مشاكل وخايف اسيبها واندم عليها انى ما اتجوزتهاش وحوار اهلى انا اقدر عليه ممكن امشى كلمتى واتجوزها بس خايف بعد لما اتجوزها حد من اهلى يبصلها بصه وحشه من الكلام اللى الناس قالته عليها وده هيتعبها قبل ما هيتعبنى ف مش عارف اعمل ايه وانا تعبان بسبب الحوار ده طول اليوم مش بفكر فى حد غيرها ومش بحب اتكلم مع حد وطول اليوم فى الاوضه بتاعتى مش بنزل الشغل غير 4 ساعات فى اليوم كله وباقى اليوم لا نايم يا اما بفكر فيها وده جبلى حالة اكتئاب وعلى طول مخنوق ونفسى فى حل يريحنى