استشارة نفسية: اضطراب الهلع

93

السلام عليكم
من فترة طويله جدا وانا بعاني من مشاكل في الجهاز الهضمي وتحديدا في القولون
وكنت دايما بعزي الموضوع ده لاي سبب عضوي زي نزلة برد في المعدة او اكل تقيل او مش نضيف.
وبسبب تكرار الموضوع علي مدار السنين بدأت اخاف من الاكل بشكل عام وباكل يدوبك اللي بيخليني اقدر اقف , وده أثر علي وزني بشكل عام , وممكن ده قلل من التعب شويه لكن مازال بيحصلي.
انا حاليا سني 35 سنه ووزني لا يتجاوز 155 كيلو جرام !
الاول شكيت اني عندي متلازمة قولون عصبي و خلال السنه اللي فاتت بدأت اخد اكتر من نوع برشام للقولون العصبي زي “كولونا” و ” كولوفرين” واستمريت علي البرشام ده لشهور , وفعلا ده قلل من النوبات دي لكن بمجرد ما اقطع البرشام كام يوم الموضوع بيرجع تاني.
مع الوقت بدات اشك ان اللي بيحصلي ده سببه نفسي مش عضوي خاصة انه بيحصل بعشوائية مطلقه ومفاجيء وبدون اي مقدمات.
خليني اوصف التعب ده بيحصل ازاي :(اكتر من 90% من المرات بتبقي باليل قبل النوم)
الموضوع عبارة عن هجمة مفاجئة بحس برعشه جوه جسمي بتبدأ خفيفه وغير ملحوظة وبتزيد بسرعة لدرجة ان جسمي كله بيتنفض بشكل مرئي لأي حد حواليا , وبعدين بيبدأ التنفس يبقي صعب وبعاني علشان اعرف اخد نفسي ,وفقدان تركيز بشكل كبير , وببقي مش عايز حد يتكلم معايا او مش عايز اي بشر حواليا , وكمان عايز ابقي في مكان مفتوح وفيه هوا قدر الامكان زي .
في نفس الوقت بتبدأ معدتي توجعني بشكل مستمر وببقي عايز ادخل الحمام علطول واحيانا بيحصل شبه اسهال
احيانا برضه الموضوع بيبقي عنيف جدا و الالم قوي جدا وبيقلب بترجيع او قيء مستمر
العلاج الوحيد للموضوع ده هو اني اقدر انام , بمجرد ما اروح في النوم ولو ساعتين بس كل الاعراض دي بتختفي.
بحثت عن سبب الاعراض دي علي الانترنت ولقيت حاجه اسمها “اضطراب الهلع او القلق” واعراضه قريبة جدا من الحالة بتاعتي.

مش عارف ايه الخطوة التانية , ومش عايز اخاطر واخد ادوية نفسية بدون الرجوع لطبيب
وفي نفس الوقت مستصعب جدا اني اروح لدكتور نفسي لاعتقادي ان اغلبهم موظفين ومافيش دكتور هاياخد الحالة بجدية خاصة انها حالة خفيفه بمقياس الامراض النفسية الدارجة او العنيفه.
وبرضه الحالة مؤخرا بتزيد جدا والهجمات دي بقت بتحصلي بشكل يومي تقريبا لدرجة اني بقيت بخاف الليل ييجي.
اخيرا اتمني الاقي عند حضرتكوا حل او علاج
وشكرا جزيلا

تعليق
  1. مريم خالد أخصائية نفسية - تحت التمرين يقول

    طيب دلوقتي بسبب الوزن عاملك اضطرابات في النوم ومشاكل في التنفس فاول حاجه نعملها نظام غذائي مع دكتور متخصص يراعي مشاكل المعده ونوبه الهلع الي بتجيلك بسبب مشكله التفس الي واضحلي الى الان فهنعمل ايه هنروح لدكتور تغذيه ولو الاعراض خفت فالسبب عضوي مخفتش اكتب استشاره توضحلي الاسباب النفسيه قلق من حاجه او افكار خوف من المرض او خجل او او الاسباب كتير، واعمل تفريغ مشاعر بالرياضه أو الكتابه

  2. مريم خالد أخصائية نفسية - تحت التمرين يقول

    طيب دلوقتي بسبب الوزن عاملك اضطرابات في النوم ومشاكل في التنفس فاول حاجه نعملها نظام غذائي مع دكتور متخصص يراعي مشاكل المعده.
    ونوبه الهلع الي بتجيلك بسبب مشكله التفس الي واضحلي الى الان فهنعمل ايه هنروح لدكتور تغذيه ولو الاعراض خفت فالسبب عضوي مخفتش اكتب استشاره توضحلي الاسباب النفسيه قلق من حاجه او افكار خوف من المرض او خجل او او الاسباب كتير، واعمل تفريغ مشاعر بالرياضه أو الكتابه

اترك تعليق