استشارة رقم 4 : انا فتاة في سن المراهقة..
انا فتاة في سن المراهقة اشعر دوما بالضياع ،افكر كثيرا وغالبا ما تعتريني الشكوك اريد ان اكون افضل دوما لكنني لا استطيع تنظيم وقتي ولا الالتزام بشيء الشيء الذي يجعلني محبطة و محتارة دوما بالاضافة انني لا اتعايش مع محيطي حيث انني لا اخرج من المنزل وكل هذا بارادتي لانني لا اشعر بالانتماء للمحيط الذي اعيش فيه اذ ارتاح كثيرا في الاماكن الطبيعية التي لا توجد حيث فقدت سعادتي و تركيزي خصوصا ان لا احد يفهمني و اتعرض دوما للتوبيخ من طرف والدي لقلة اهتمامي وتركيزي عذرا على الاطالة وشكرا.
اولا معلش وده مش حالك لوحدك بل حال ملايين ايضا وباصعب من كده بكتير …… علشان حضرتك تفوقى نفسك من كل ده لازم تعرفى انك مخلوقه من اجل اختبار ولازم تنجحى فيه ….. اى انسان منا بيجيله ابتلاء وقد يكون ابتلائك فى الدنيا والدك ولو قويتى نفسك وتخطيتى العقبه دى لفرجت عليكى وبكيتى لله فرحا من هول المفاجات مجرد رضاكى لوالدك او والديكى بوجه عام مهما كانوا صح او غلط .
انا شخصيا مريت بالاصعب من ده مليار مره والحمد لله ربنا فكها وبنقع ونقوم ونمر بالاصعب وربنا بيعوض لانه الدنيا كده لحد ما نقابل ربنا ….. استغفرى ربنا كتييييييييييييييييييييييير وقولى دايما الحمد لله من قبل ومن بعد وحتى يبلغ الحمد منتهاه ….. مش يمكن لما ترجعى لربنا بكامل قوتك وتصلى وتقرى قران وتقولى اذكار وتبكى وتفضفضى ليه وتتذلى وترضى والديكى ربنا يخرجك من كل ده مجرد ما تعملى كده
هقول لحضرتك على كام حاجه لازم يتموا بالظبط علشان تغيرى حالك وتبقى فريش كده وريلاكسنج مش متوتره ومضايقه وزعلانه ومهمومه ….. دايما دايما دايما انظرى للملايين اللى اقل منك اللى مش لاقين حتى رغيف عيش ولو ناشف مش من مخبز …. بصى فى المرايه وحمسى وحفزى نفسك بانك هتتغيرى وتكونى قويه وراضيه ربنا وكل اللى حواليكى
قطعا انا مش كامل ولكن ممكن اكملك حاجات نقصاكى وتساعدك ….. واهو ربنا بيجعلنا جميعا اسباب لبعض
ومعلش متزعليش نفسك وهتتغيرى ان شاء الله وهتكونى احسن انسانه بس لازم صبر كبير وعزيمه واراده
نبدا بقى بالمطلوب فعله …… تشوفى حضرتك انسب وقت ليكى وتكونى فاضيه خالص ومنعزله عن الحديث مع اى حد …… تقومى بنيه صافيه جواكى وتكون خالصه لوجه الله … انك تغتسلى وبعد كده تتوضى وتصلى ركعتين لله وتتدعى اثناء سجودك وعقب صلاتك تقرى سوره ياسين ثم سوره الواقعه … وعقب قراءه القران ادعى ربنا بكل حاجه جواكى وفضفضى وابكى لربنا من قلبك
عقب صلاتك وقراءه القران ودعائك الكثير لربنا ….. ترتبى مكانك اللى هتجلسى فيه ولو مترتب رتبيه تانى من الاول وشغلى جنبك قران او راديو مثلا ولو يكن من الموبايل ….. وبعد ما تخلصى ترتيب تعملى بقى مشروبينك المفضلين ساقع وساخن وترجعى لمكانك تانى وتكونى منعزله تماما عن اى وشوشه وتكونى لحالك ….. خلاص كده ظبطنا مكانا وعملنا مشروباتنا …. نجيب بقى ورقه كبيره فاضيه وقلم والورقه دى محدش يشوفها لو الدنيا حصل فيها ايه لانها سرك .
الورقه دى بقى هتصفى فيها عقلك ومخك وتفكيرك وكل اللى مسبب ليكى توتر او قلق او تعب او ذنوب او تقصيرك فى حق ربنا او والديكى او نفسك او اخواتك او ديونك وكل ده …….. ترتبيهم عنصر عنصر وواحده وواحده علشان عقلك يصفى خالص بالبلدى كده هتخلى عقلك قدامك فى الورقه دى بكل ما يحتويه مما ذكرته ليكى ….. مثال اول عنصر تقصيرى فى حق ربنا ….. ثانيا عليا مثلا ديون واجماليهم مثلا 1000 جنيه …… عليا ذنب كذا وكذا ودول طبعا بيكون فيهم حاجات هتصلجيها وحاجات بتلجاى بيها لربنا علشان يغفرها ليكى ….. ثالثا مثلا عقوق والديا ….. رابعا كذا وكذا وكذا وتكتبيهم عشوائى فى نصف الورقه الاعلى وبعد ما تكتبى كل اللى عقلك خاااااااااااااااااااااااااااااااااااااااالص ……. تكتبيهم من الاول فى نصف الورقه التانى وعنصر عنصر بردوا وتشوفى مطلوب منك ايه علشان تخلصى من كل حاجه بتعوقك ……. مثلا رقم واحد بعدى ربنا .. ايه المطلوب منى بقى … يبقى اصلى اوقاتى واقرا ولو كل يوم صفحه من القران زائد الاستغفار ويا سلام لو انتى ماشيه وتصدقتى لاى فقراء ولو باقل مايمكن والله ربنا هيعوضك بده وهتشوفى ……. رقم اتنين ذنوبى مثلا …. انا عملت كذا وكذا وكذا وتكتبيهم وتشوفى كل امر من دول مطلوب منك ايه علشان تنهى عليه خالص ……. وهكذا كل العناصر ……………الخ على الاقل نفسيتك هترتاح وتهدى ويبقى تفكيرك ايجابى ….. وبالنسبه لوالدك ممكن تبداى صفحه بيضا من جديد ولو تتكلمى بجراءه معاه وتصاحبيه وتبوسى ايده ووالله هيحس جدااااااااااااااا ومش شرط يبينها ليكى ولكن وهو قاعد مع نفسه هيبكى وهتشوفى وقوى ايمانك بالله واصبرى
الله المدبر لامرك ….. ربنا قالها …. واذا سالك عبادى عنى فانى قريب اجيب دعوه الداع اذا دعان فاستجيبونى
وقال يا ابن ادم لا تحزن من ضيق الرزق وخزائنى مملؤه لا تنفذ ابدا
وقال ادعونى استجب لكم ووالله ما هيخذلك ابدااااااااااااااااااااااااااااااااااااا
انا اسف طولت على حضرتك ولكن هقولك تانى انسى ومتزعليش نفسك ولا تبكى على اللبن المسكوب وربنا هيعوضك ….. واياكى تشغلى بالك بانك اول ما تصلى يبقى عاوزه ربنا يكرمك على طول …. ممكن تانى يوم تبداى تشوفى الفرج … ممكن بعد اسبوع ممكن بعد شهر ممكن بعد شهرين لانك هتتعرضى لعزائم الشيطان والتغلب عليكى وافسادك مره اخرى غير كمان اختبارات ربنا اللى هتشوفيها بهل انك بتصلى من اجله ولا من اجل مصلحه