ازاي أفكر وأتصرف صح لما تقابلني مشكلة ؟؟

(1)

كلنا كل يوم بنتكلم وبنتاقش في مواضيع كتيرة (سياسة_كورة ….) وحاجات كتيرة 
بس النقاش في أغلب الوقت بينتهي بمشكلة لأن كل من الطرفين مقتنع برأيه هو ,,
احنا بقى هانقولك ازاي تقدر تقتنعهم برأيك حتى لو غلط 😉
اسمع ليهم أووي وحاول ماتقاطعشي حد وهو بيتكلم وسيبه ,,بس النقط اللي انت عندك مبرر ليها حطها في دماغك وخليك واثق في نفسك دي بيدي للي بيجدال احساس انه غلط 😉
اسمعه ,,وبعد مايخلص اشرح وجهة نظرك بالتفصيل انت كمان ,,
وبعدها خد كل نقطة هو قالها وهات مبررك اللي عندك ,,
كده هايعيد تفكيره من جديد ( #ده_المفروض )
لأنك لو فضلت متمسك برأيك الغلط تبقى #غلطان :/ 

0000000000000000000000000000000000

(2)

الأول يعني ايه أفكر صح ؟؟
يعني مثلا ازاي أستغل وقتي ,,ازاي أنظمه 😉
ازاي أقدر أوفق بين مذاكرتي وهوايتي ,,
ازاي أستغل الوقت المناسب علشان أتصرف في موضوع معين ,,
بس التفكير بطريقة مميزة ده هايخليك مبدع أكتر ومتيمز في أي مجال أيا كان ..
اما الخطوات اللي لازم تعملها علشان تقدر تفكر وتتغلب على مشكلة لما تقابلك هي ,,

1/تهدي نفسك ,,
2/تعيد المشكلة تاني على نفسك,,
3/تحاول تستشير نفسك وكأنك مش شخص فيها
4/لو ماوصلتش لحل تقدر تستشير حد تاني
/// أفكار تانية هانقولك عليها المرة الجاية ,,

(3)
اولأ هاناخد أول طريقة لحل اي مشكلة واجهتك ,,
تهدي نفسك ,,
بمعنى ..طول ما انت منفعل مش هاتتوصل لحد لمشكلتك ومش هايجي في بالك الا الأفكار الغلط واللي بيها هاتضر نفسك والطرف التاني للمشكلة ,,
هدي نفسك بانك ماتفكرشي في الموضوع مؤقتا ,,
اشغل نفسك مؤقتا بانك تخرج بره نطاق المشكلة تخرج مع أصحابك ,, تتفرج على ماتش كورة ,, تتفرج على فيلم ,,تصلي ,تقرأ قرآن ,, أي طريقة بيها تغير نطاق مشكلتك ,,
أما الخطوة التانية ,,
انك تعيد المشكلة على نفسك ,,
بمعنى انك مش هاتكون نفسيا زي وقت المشكلة ,
تقدر ساعتها تفكر في المشكلة تاني ,,
تفكر ازاي تقدر تتغلب عليها ,,
ايه الطرف الأساسي في مشكلتك دي ,,
كل دي أفكار لازم تطرحها على نفسك ,,
انك لو غلطان ازاي تعتذر ,, ولو مش غلطان ازاي تقدر تخلي اللي قدامك يعترف بغلطه ,,
كل ده لازم تفكر فيه ,,
وأكيد هاتوصل لحل بعد ماهديت شوية ,, 😉 😉
اما باقي الخطوات ,, #تابعنا 😉 😉

(4)
لازم بعد ماتفكر مرة واتنين ,,
تسأل نفسك كل الأسئلة اللي قولنا عليها دي ,,
وانك توصل لحل دون ماتخسر حاجة ,,
بس الخطوة الجديدة ,,,
انك طول ماانت طرف في المشكلة مش هاتشوف نفسك غلطان ,,
تتخيل نفسك شخص عادي وحد بيحكي ليك المشكلة ,, وأنت الحكم فيها ,,
هاتتصرف وتحكم ازاي ,,
ساعتها هاتشوف الصورة كاملة ,,
زي ماهاتحاول تجيب مبررات لنفسك جيب مبررات برضوه للطرف التاني ,,
علشان يمكن تكون انت اللي غلطان ,,
وساعتها ,,
تفكر في طريقة اعتذار ,,

(5)

انك تكون حكم على نفسك طريقة كويسة ,,
بس برضوه ليه ما تسألشي حد تاني على حل للمشكلة ,
بمعنى تأخد رأيه 😉
اسأل حد تكون واثق في رأيه ,, مش شرط يكون صاحبك ( علشان مش ينافقك ) ,, 😉 😉
اسأل حد قريب منك بس يكون عادل في حكمه ,, يقولك تتصرف ازاي ,,
أو لو انت كنت توصلت لحل تقوله عليه ,,
تقوله اذ كان حلك اللي وصلتله ده صح ولا غلط !!
يعني ممكن يكون استشارة مش أكتر ,,,
ويارب مشكلتك تتحل !!! 

اترك تعليق