البزرميط الصحة النفسية ساعد نفسك

قانون الجذب

قانون الجذب والعلوم
كتبها سها مطر

بمرور الوقت، العلم تطور في مجال التنمية البشرية، وبالتالي الناس بقت بتفهم بشكل أفضل وأعمق وأكثر واقعية  في مجال علم النفس البشري والحياة. وفى أفكار بقى ليها شعبية كبيرة زى قانون الجذب.

 قانون الجذب هو مفهوم بيروج ليه كتاب الفكر الجديد، وانتشر على نطاق واسع في عام 2006 من خلال  فيلم اسمه  “السر”، يليه كتاب يحمل نفس الاسم. ومضمونه هو أنك بتجذب في حياتك اللى بتفكر فيه، ومش بس من خلال الحافز أو الدافع، لكن كمان من خلال وسائل تانية. وبعبارة تانية: الأفكار تصبح حقيقة.

يعنى لو أنت بتفكر في الحاجات اللى عايزها وبتركز فعلا عليها، أكيد بتجذبها وبتشكل جزء كبير من حياتك. من ناحية تانية، لو أنت بتفكر في الحاجات اللى مش عايزها، أو اللى بتهرب منها، زى ناس كتير، بكده بتكون بتجذبها أكتر فى حياتك.

صياغة “قانون الجذب” موقفتش بس على الجزء الأول، وهو إن أفكارك بتأثر على الدافع الخاص بيك وبالتالي النتائج، بمعنى أن الأفكار بتأثر على المشاعر، اللى ليها تأثير كبير على سلوكياتك، وبالتالي على النتائج. لكن الصياغة امتدت لأبعد من كده… قانون الجذب عمل  قفزة كبيرة وقال أن أفكارك بتغير الواقع بطريقة مباشرة. الأفكار بترسل إشارات مغناطيسية بتعيد ترتيب الواقع وبتجذب اللى بتفكر فيه. المؤيدين لقانون الجذب قالوا إنه علم وبيدعمه مجال فيزياء الكم.

  • المؤيدين لقانون الجذب قالوا كمان أن أفكارك ممكن يكون ليها آثار جذرية على جسمك. وده اقتباس  من كتاب “السر”، لروندا بيرن:

التفكير الأكثر شيوعا اللى الناس بتعتقدته، هو أن الأكل مسئول عن زيادة الوزن. وده اعتقاد خاطئ ” حسب  قانون الجذب” !    الأكل مش مسئول عن زيادة الوزن. لكن تفكيرك أن الأكل هو المسئول عن زيادة الوزن هو اللى خلى ده يكون حقيقة. خليك  فاكر أن الأفكار هي السبب الرئيسي في كل حاجة، والباقي هو آثار من الأفكار. فكر في الأفكار المثالية علشان تكون نتيجتها  الوزن المثالي.

أكيد الكلام ده ممكن يبان سخيف بالنسبة لناس كتير. أي شخص عنده معرفة محدودة في علم وظائف الأعضاء وعلم النفس    البشري ممكن يقول  أنه ده مش بيحصل وأن الفكرة أقرب للجنون: حتى لو كنت تقدرأنك تأثر بوعي على بعض الأنشطة في   جسمك من خلال تفكيرك، مش هتقدر تسيطر بشكل مباشر على عملية اكتساب الوزن بنفس الطريقة، زى أنك متقدرش  تسيطر بشكل مباشر على بعض عضلات الوجه.

  • من الملفت للانتباه  أن يكون اسمه قانون الجذب،  لأن كلمة “قانون” معناها حاجة  تم اختبارها واتأكدت من خلال البحث العلمي باستخدام الأساليب العلمية. وده مش بينطبق على قانون الجذب. ببساطة، قانون الجذب هو عملية تطوير وإبداع في التنمية البشرية، واللى بيخليه زى العلم. على أي حال، في ناس كتيربيحسنوا حياتهم عن طريق فكرة واحدة بس عن تحسين الذات، وبيتكلموا عن واقعية  قانون الجذب.

عن الكاتب

سها مطر